KOE GAAHI SAME 9:1-20 TON1884 - Bible AI

¹1 Oku fakafetai a Tevita ki he Otua i he ene fai ae fakamāu. 11 Oku ne ue‘i ae kakai ke fakafetai kiate ia. 18 Oku ne kole ae tabuaki koeuhi ke ne fakafetai ai kiate ia. TEU fakafetai kiate koe, E Jihova, aki hoku loto kotoa; teu fakaha atu hoo gaue fakaofo kotoabe.

²Teu fiefia mo nekeneka iate koe: teu hiva fakamalo ki ho huafa, akoe oku ke maoluga lahi taha be.

³Bea ka foki kimui hoku gaahi fili, te nau higa o auha i ho fofoga.

⁴He naa ke lagomia eku totonu mo eku gaue; naa ke nofo i he nofoa, o fakamāu i he maonioni.

⁵Kuo ke valoki ae hiteni, kuo ke fakaauha ae agakovi, kuo ke tamate‘i ho nau higoa ke taegata bea taegata.

⁶Kuo hoko ke gata aubito ae gaahi fakaauha oe fili: bea ko ho nau gaahi kolo kuo ke fakaauha; kuo auha mo kinautolu ho nau fakamanatu.

⁷Ka e moui mau ai be a Jihova: kuo ne teu‘i hono afioaga ki he fakamāu.

⁸Bea te ne fakamāu a mamani i he maonioni, e atu eia ae fakamāu ki he kakai i he agatonu.

⁹Bea koe hufaga foki a Jihova ki he mamahi, koe kalofaga i he gaahi aho fakamamahi.

¹⁰Bea ko kinautolu oku ilo ki ho huafa te nau falala kiate koe: he ko koe, E Jihova, nae ikai te ke jiaki akinautolu oku kumi kiate koe.

¹¹Hiva fakafetai kia Jihova, aia oku afio i Saione: fakaha i he ao oe kakai ene gaahi gaue.

¹²Oka ne ka eke ki he toto, oku ne manatu‘i akinautolu: oku ikai te ne fakagalogalo‘i ae tagi ae agavaivai.

¹³Ke ke aloofa kiate au, E Jihova; o tokaga ki he eku mamahi meiate kinautolu oku fehia kiate au, akoe oku ke hiki au ki oluga mei he gaahi mataba oe mate:

¹⁴Koeuhi keu fakaha ho ogoogolelei kotoabe i he gaahi mataba oe taahine o Saione: teu fiefia i hoo fakamoui.

¹⁵Kuo galo hifo ae hiteni i he luo naa nau gaohi: i he tauhele naa nau fakalilo kuo moua ai ho nau va‘e.

¹⁶Oku ilo‘i a Jihova i he fakamāu oku ne fai: kuo hele‘i ae agakovi i he gaue a hono nima oona. Hikaione. Sila.

¹⁷E teke‘i ae agahala ki loto heli, moe gaahi buleaga kotoabe oku fakagalogalo‘i ae Otua.

¹⁸Koeuhi e ikai galo mau ai be ae majiva: e ikai auha ke taegata ae amanaki ae majiva.

¹⁹Tuu hake, E Jihova; oua naa tuku ke malohi ae tagata: tuku ke fakamāu ae hiteni i ho ao.

²⁰Fakamanavahe‘i akinautolu, E Jihova: koeuhi ke ilo e he gaahi buleaga koe tagata be akinautolu. Sila.