KOE GAAHI SAME 91:1-16 TON1884 - Bible AI

¹1 Koe fakaha ae monuia ae kakai agafakaotua, 3 moe nau fiemalie, 9 mo ho nau nofoaga, 11 mo ho nau kau tauhi, 14 mo ho nau kaiga ofa. KO ia oku nofo i he botu lilo i he fugani maoluga, e nofo mau ia he malumalu oe Mafimafi.

²Teu behe, Ko Jihova, ko hoku hu faga ia mo eku kolo: ko hoku Otua; teu falala kiate ia.

³Koe mooni te ne fakamoui koe mei he hele ae tagata tauhele, bea mei he mahaki fakaauha.

⁴Te ne oofaki koe aki hono fulufulu, bea te ke falala ki hono lalo kabakau: ko ene mooni ko ho fakaū mo ho ba ia.

⁵E ikai te ke manavahe koeuhi koe mea fakailifia i he bo; be koeuhi koe gahau oku buna atu i he aho;

⁶Be koeuhi koe mahaki lahi oku eveeva i he bouli; be koeuhi koe fakaauha oku fakaojioji i he hoata.

⁷E to ae toko afe i ho tafaaki, bea koe toko mano i ho nima toomatau; ka e ikai hoko ia o ofi kiate koe.

⁸Ka te ke vakai o mamata aki ho mata ki he totogi oe agahala.

⁹Koeuhi kuo ke fili a Jihova aia ke hoku hufaga, io, koe fugani maoluga ko ho nofoaga:

¹⁰E ikai to ha kovi kiate koe, bea e ikai hoko ha mamahi fakaauha ke ofi ki ho nofoaga.

¹¹He te ne fekau ene kau agelo ke nau vakai koe, ke tauhi koe i ho gaahi hala kotoabe.

¹²Te nau habai hake koe i he nima, telia naa tukia ho va‘e ki ha maka

¹³Te ke molomoloki ae laione moe gata: koe laione mui moe talakone te ke malaki hifo ia.

¹⁴Koeuhi kuo ne tuku ene ofa kiate au, koia teu fakamoui ia: teu fokotuu ia ke maoluga, koeuhi kuo ne ilo‘i hoku huafa.

¹⁵Te ne ui kiate au, bea teu talia ia: teu iate ia i he mamahi; teu fakamoui ia, bea hakeaki‘i ia.

¹⁶Teu fakafiemalie‘i aki ia ae moui fuoloa, bea fakaha kiate ia eku fakamoui.