KOE GAAHI SAME 92:1-15 TON1884 - Bible AI

¹1 Oku eginaki e he balofita ke fakamalo ki he Otua, 4 koeuhi ko ene gaue lahi, 6 mo ene tautea ki he agahala, 10 bea mo ene agalelei ki he maonioni. OKU lelei ke atu ae fakafetai kia Jihova, bea ke hiva fakamalo ki ho huafa, E fugani maoluga:

²Ke fakaha atu hoo aloofa i he bogibogi, mo hoo mooni i he bo kotoabe,

³Aki ae mea faiva oku hogofulu hono filo, bea moe saliteli; aki ae le‘o mamafa i he haabe.

⁴He kuo ke fakafiefia‘i au, E Jihova, i hoo gaue: teu vikiviki i he gaahi gaue a ho nima.

⁵E Jihova, oku matuaki lahi hoo gaahi gaue! bea oku loloto aubito hoo gaahi fakakaukau.

⁶Oku ikai ilo‘i e he tagata aga fakamanu; bea oku ikai ilo eni e he vale.

⁷Oka tubu ae kau agahala o hage koe mohuku, bea oka moui lelei ae kau fai kovi kotoabe; koe mea ia ke fakaauha ai akinautolu o taegata:

⁸Ka ko koe, E Jihova, oku ke fugani maoluga o taegata.

⁹Bea vakai, ko ho gaahi fili, E Jihova, koe mooni e auha ho gaahi fili; e fakahe‘i ae kau fai kovi kotoabe.

¹⁰Ka te ke hiki hake hoku nifo o hage koe nifo oe liimi: e tākai aki au ae lolo foou.

¹¹Bea e mamata foki a hoku mata ki hoku gaahi fili, bea e fanogo a hoku teliga ki he agahala oku tuu hake o agatuu kiate au.

¹²E lau mauiui ae agatonu o hage koe akau koe boga: e tubu ia o hage koe sita i Lebanoni.

¹³Ko kinautolu kuo to i he fale o Jihova te nau lau mauiui i he gaahi loto a o ho tau Otua.

¹⁴E kei tubu ae fua iate kinautolu i he e nau motua; te nau jino lelei mo lau mauiui.

¹⁵Ke fakaha oku agatonu a Jihova: ko hoku maka ia, bea oku ikai ha tae maonioni iate ia.