KOE GAAHI SAME 93:1-5 TON1884 - Bible AI

¹Koe lahi, moe mafimafi moe maonioni oe buleaga o Kalaisi. OKU bule a Jihova, oku kofu aki ia ae nāunāu lahi; oku kofu aki a Jihova ae mafimafi, aia kuo ne nonoo aki ia: kuo fokotuu mau foki a mamani, bea e ikai faa ue‘i ia.

²Kuo fokotuu mau ho afioaga talu mei mua: oku talu mei mua ae afiona.

³E Jihova, kuo hiki hake e he gaahi vaitafe, kuo hiki hake e he gaahi vaitafe ho nau le‘o; oku hiki hake e he gaahi vaitafe lahi ho nau gaahi beau.

⁴Ko Jihova oku i oluga oku malohi lahi hake ia i he uulu oe gaahi vai lahi, io, i he gaahi beau malohi oe tahi.

⁵Oku mooni aubito hoo gaahi fakamooni: E Jihova, oku tāu mo ho fale ae maonioni o lauikuoga.