KOE GAAHI SAME 94:1-23 TON1884 - Bible AI

¹1 Oku kole e he balofita ki he Eiki ke ne fai ae fakamāu, bea ne lāuga koeuhi koe fakamalohi moe agakovi ae kakai. 8 Oku ne akonaki aki ae bule ae Otua. 13 Oku ne fakaha hono aoga oe mamahi. 16 Koe Otua koe fakamoui oe kahai mamahi. E JIHOVA koe Otua, oku aau ae totogi; E Otua, oku aau ae totogi: ke ke ulo mai.

²Ke ke hiki hake koe, akoe koe fakamāu o mamani; age ae totogi ki he laukau.

³E Jihova, e fefe hono fuoloa oe fielahi ae agahala, e fefe hono fuoloa oe bolebole ae agahala?

⁴E fefe hono fuoloa oe nau fakaha mo lea aki ae gaahi mea faigataa? bea vikiviki ai ae kakai kotoabe oku fai kovi?

⁵E Jihova, oku nau feji‘i o lailaiki ho kakai, mo fakamamahi‘i ho tofia.

⁶Oku nau tamate‘i ae muli moe fefine kuo mate hono unoho, bea fakabogi ae tamai mate.

⁷Ka oku nau behe, e ikai afio‘i e Jihova, e ikai tokaga ki ai e he Otua o Jekobe.

⁸Mou ilo ekimoutolu oku aga fakamanu i he kakai: bea ko kimoutolu ae kau vale, te mou boto afe?

⁹Ko ia naa ne gaohi ae teliga, ikai te ne fanogo? ko ia naa ne gaohi ae mata, ikai te ne afio‘i?

¹⁰Ko ia oku ne tautea ae hiteni, ikai te ne tautea? ko ia oku ne akonaki‘i ae tagata ke boto, ikai te ne ilo‘i?

¹¹Oku ilo‘i e Jihova ae gaahi mahalo ae tagata, oku nau vaiga be.

¹²E Jihova, oku monuia ae tagata oku ke tautea, mo ke ako kiate ia aki hoo fono;

¹³Koeuhi te ke foaki kiate ia ae mālōlō mei he gaahi aho oe mamahi, kae oua ke keli ae luo ki he kau agahala.

¹⁴Koeuhi e ikai liaki e Jihova hono kakai, bea e ikai te ne fakatukutuku‘i hono tofia.

¹⁵Ka e foki ae fakamāu ki he maonioni: bea e agimui ki ai akinautolu kotoabe oku agatonu i loto.

¹⁶Kohai e tuu hake maaku o taofi ae kau fai kovi? be kohai e tuu hake maaku o taofi akinautolu oku gaue i he agahala?

¹⁷Ka ne ikai tokoni au e Jihova, behe, kuo vave ae nofo a hoku laumalie i he fakalogo be.

¹⁸I he eku behe, Oku hekea hoku va‘e; ko hoo aloofa, E Jihova, nae boubou hake au.

¹⁹I hono lahi o eku gaahi mahalo iate au, oku fakafiefia‘i au i hoo gaahi mea fakafiemalie.

²⁰E feohi koa mo koe ae nofoa oe agahala, aia oku fakatubu ae bauu aki ae fono?

²¹Oku nau fakataha o agatuu ki he laumalie oe agatonu, mo fakahalaia‘ ae toto tonuhia.

²²Ka ko hoku ugaki‘i a Jihova; bea ko hoku Otua koe maka ia o hoku hufaga.

²³Bea e omi eia kiate kinautolu ae nau hia, bea te ne fakaauha akinautolu i he e nau agahala; io, ko Jihova ko ho tau Otua te ne fakaauha akinautolu.