KOE GAAHI SAME 95:1-11 TON1884 - Bible AI

¹1 Koe eginaki ke fakamalo ki he Otua, 3 koeuhi ko hono lahi, 6 mo ene agalelei, 8 bea oua naa ahiahi‘i ia. HA‘U, ke tau hiva kia Jihova: ke tau kalaga i he fiefia ki he maka oe tau moui.

²Ke tau ha‘u ki hono ao moe fakafetai, mo kalaga i he fiefia kiate ia aki ae gaahi same.

³He ko Jihova koe Otua lahi, bea koe Tu‘i lahi hake ia i he gaahi otua kotoabe.

⁴Oku i hono nima ae gaahi botu māulalo o mamani: koe malohi oe gaahi mouga oku oona foki.

⁵Oku oona ae tahi, he naa ne gaohi ia: bea nae gaohi e hono nima ae fonua momoa.

⁶Ha‘u, ke tau lotu mo bunou: ke tau tuulutui i he ao o Jihova ko ho tau tubuaga.

⁷He ko ho tau Otua ia; bea koe kakai akitautolu o ene goue, moe faga sibi a hono nima. Koe aho ni, o kabau te mou fanogo ki hono le‘o,

⁸Oua naa mou fakafefeka ho mou loto, o hage koia i he fakahouhau lahi, bea i he aho oe ahiahi i he toafa:

⁹Aia nae ahiahi‘i au e hoo mou gaahi tamai, bea nau ahiahi kiate au, o nau mamata ki he eku gaue.

¹⁰Naaku fehia ki he toutagata koia i he ta‘u e fagofulu, bea naaku behe, Koe kakai eni oku he i ho nau loto, bea oku ikai te nau ilo hoku gaahi hala:

¹¹Bea neu fuakava kiate kinautolu i hoku houhau, e ikai te nau hu ki hoku mālōlōaga.