KOE GAAHI SAME 96:1-13 TON1884 - Bible AI

¹1 Koe eginaki ke fakamalo ki he Otua, 4 koeuhi ko ene mafimafi, 8 mo hono buleaga, 13 bea mo ene fai ae fakamāu. HIVA kia Jihova aki ae hiva foou: hiva kia Jihova a mamani kotoabe.

²Hiva kia Jihova, fakafetai ki hono huafa; fakaha atu ene fakamoui mei he aho ki he aho.

³Fakaha hono nāunāu i he ao oe hiteni, mo ene gaahi gaue fakaofo ki he kakai kotoabe.

⁴He oku lahi a Jihova, bea totonu ke fakamalo lahi kiate ia: oku lelei ke manavahe lahi hake kiate ia i he gaahi otua kotoabe.

⁵He koe otua kotoabe oe gaahi buleaga koe gaahi tamabua ia: ka ko Jihova nae gaohi eia ae gaahi lagi.

⁶Oku i hono ao ae fakaabaaba moe mafimafi: oku i hono fale tabu ae malohi moe nāunāu.

⁷Tuku kia Jihova, akimoutolu ae gaahi faahiga oe kakai, tuku kia Jihova ae nāunāu moe mafimafi.

⁸Tuku kia Jihova ae ogoogolelei oku tāu mo hono huafa: omi ae feilaulau, bea ha‘u ki hono gaahi loto a.

⁹Lotu kia Jihova i he teuga matamata lelei oe maonioni: mou manavahe i hono ao, a mamani kotoabe.

¹⁰Mou behe i he ao oe hiteni oku bule a Jihova: e fokotuu mau foki a mamani, bea e ikai gau‘eu‘e ia: te ne fakamāu ae kakai i he maonioni.

¹¹Tuku ke fiefia ae gaahi lagi, bea nekeneka mo mamani; tuku ke uulu ae tahi, mo hono fonu oia.

¹²Ke fiefia ae goue, moe mea kotoabe oku i ai: bea e toki fiefia ae gaahi akau kotoabe oe vao,

¹³I he ao o Jihova: he oku ne haele mai, he oku haele mai ia ke fakamāu a mamani: te ne fakamāu a mamani i he maonioni, moe kakai i he ene mooni.