KOE GAAHI SAME 98:1-9 TON1884 - Bible AI

¹1 Oku eginaki‘i e he tagata tohi same ae kakai Jiu, 4 moe Jenitaile, 7 moe mea kotoabe ke nau fakamalo ki he Otua. HIVA kia Jihova aki ae hiva foou; he kuo fai eia ae gaahi mea fakaofo: kuo ne ikuna aki hono nima toomatau, mo hono nima maonioni.

²Kuo fakaha e Jihova a ene fakamoui: kuo ne fakaha atu ene maonioni i he ao oe hiteni.

³Kuo ne manatu ki he ene aloofa mo ene mooni ki he fale o Isileli: kuo mamata e he gaahi gataaga o mamani ki he fakamoui a ho tau Otua.

⁴Kalaga i he fiefia kia Jihova, a mamani kotoabe: kalaga i he le‘o lahi, mo fiefia, bea hiva fakamalo.

⁵Hiva kia Jihova aki ae haabe; aki ae haabe, bea moe le‘o oe same.

⁶Mou kalaga fakafiefia aki ae gaahi mealea moe le‘o oe mealea, i he ao o Jihova koe Tu‘i.

⁷Tuku ke uulu ae tahi, mo hono fonu oia; a mamani, mo kinautolu oku nofo ai.

⁸Ke bajibaji e he gaahi vai a ho nau nima: tuku ke fiefia fakataha ae gaahi mouga,

⁹I he ao o Jihova; he oku haele mai ia ke fakamāu a mamani: te ne fakamāu a mamani i he maonioni, bea moe kakai i he agatonu.