KOE GAUE 15:1-41 TON1884 - Bible AI

¹1 Koe fakakikihi nae tubu koeuhe koe kamu, 6 Oku fakakaukau ki ai ae kau abosetolo, 22 bea ha ho nau loto ki ai i he tohi ki he gaahi jiaji. 36 Ko Baula mo Banebasa oku na tokaga ke aahi ki he gaahi kaiga, ka oku na kikihi, bea na mavae. BEA koe kau tagata niihi nae alu hifo mei Jutea, o ako ki he kaiga, o behe, Kabau e ikai te mou kamu, o fakatatau ki he tuutuuni a Mosese, e ikai te mou faa moui.

²Bea kuo fai o lahi ae fetauaki lea moe fakakikihi a Baula mo Banebasa mo kinautolu, bea bau ho nau loto ke alu hake ki Jelusalema a Baula mo Banebasa, mo ho nau niihi, ki he kau abosetolo moe mātua, koeuhi koe mea ni.

³Bea kuo moimoi‘i akinautolu e he jiaji, bea nau o i Finesi mo Samelia, o nau fakaha ae liliu oe Jenitaile; bea naa nau fakafiefia‘i o lahi ae kaiga kotoabe.

⁴Bea i he e nau hoko ki Jelusalema, naa nau feiloaki moe jiaji moe kau abosetolo moe mātua, bea na fakaha kotoabe ae mea kuo fai e he Otua iate kinaua.

⁵Ka nae tuu hake ae niihi oku tui i he faahiga oe Falesi, o nau behe, Oku totonu ke kamu akinautolu, mo fekau ke fai ki he fono a Mosese.

⁶Bea nae fakataha ae kau abosetolo moe mātua, ke nau fakakaukau ki he mea ni.

⁷Bea kuo lahi e nau alea, bea tuu hake a Bita, o ne behe kiate kinautolu, Ae kau tagata koe kaiga, oku mou ilo kuo fuoloage ae fili e he Otua iate kitautolu, ke fanogo i hoku gutu e he gaahi Jenitaile ki he lea oe ogoogolelei, bea tui.

⁸Bea koe Otua aia oku ne ilo‘i ae loto, naa ne fakamooni akinautolu, o ne foaki kiate kinautolu ae Laumalie Maonioni, o hage ko kitautolu;

⁹Bea nae ikai fai kehekehe kiate kitautolu mo kinautolu, o ne fakamaa ho nau loto i he tui.

¹⁰Bea koeni, koeha oku mou ahiahi ai ki he Otua, ke ai ki he kia oe kau akoga ae haamo, aia nae ikai ke faa kataki‘i e he e tau mātua be ko kitautolu?

¹¹Ka oku tau behe, koe mea i he aloofa be ae Eiki ko Jisu Kalaisi, e moui akitautolu, o hage ko kinautolu.

¹²Bea nae toki fakalogo ae fakataha kotoabe, ke fakafanogo ki he fakamatala a Banebasa mo Baula, ae gaahi mana moe mea fakaofo kuo fai e he Otua iate kinaua ki he gaahi Jenitaile.

¹³Bea i he tuku e na fakamatala, nae lea a Jemesi, o behe, Ae kau tagata moe kaiga, fanogo mai kiate au:

¹⁴Kuo fakaha e Saimone ae muaki aahi ae Otua ki he kakai Jenitaile, ke ne ma‘u iate kinautolu ha kakai koeuhi ko hono huafa.

¹⁵Bea oku tatau mo ia ae lea ae kau balofita; o hage koia kuo tohi,

¹⁶Bea hili ia teu liliu mai, o toe laga ae fale fehikitaki o Tevita, aia kuo higa; bea teu toe laga hono botu nae maumau, bea teu fokotuu ia:

¹⁷Koeuhi ke kumi ki he Eiki ae kakai oku toe, bea moe Jenitaile kotoabe, oku takua ki ai hoku higoa, oku behe e he Eiki, aia oku ne fai ae mea ni kotoabe.

¹⁸Oku ilo e he Otua ene gaue kotoabe talu mei he kamataaga o mamani.

¹⁹Bea koeni, ko hoku loto, ke oua naa tau fakamamahi‘i akinautolu kuo fakatafoki ki he Otua mei he gaahi Jenitaile:

²⁰Ka ke tau tohi kiate kinautolu, ke nau fakamamao mei he fakalielia oe gaahi tamabua, moe feauaki, moe mea kuo jijina, moe toto.

²¹He oku ai i he kolo kotoabe, talu mei mu‘a, akinautolu oku malaga aki a Mosese, bea nau lau ia i he gaahi fale otu i he aho sabate kotoabe.

²²Bea nae lelei ki he kau abosetolo moe mātua, bea moe jiaji kotoabe, ke fili meiate kinautolu mo fekau atu ha ogo tagata, ke nau o mo Baula mo Banebasa ki Aniteoke; ko Jutasi oku higoa ko Basaba, mo Sailosi, koe ogo tagata takimu‘a i he kaiga:

²³Bea naa nau fai ae tohi ke nau ave; o behe, Koe kau abosetolo moe mātua bea moe kaiga, oku mau ofa atu ki he kaiga Jenitaile i Aniteoke mo Silia mo Silisia:

²⁴Koe mea i he e mau fanogo kuo fakamamahi‘i akimoutolu aki ae gaahi lea, bea fakamaveuveu‘i ho mou loto, e ha niihi, nae alu atu iate, kimautolu, i he e nau behe, Ke mou kamu, mo fai ki he fono: ka nae ikai te mau fekau kiate kinautolu:

²⁵Kuo ha lelei kiate kimautolu, i he e mau fakataha o loto taha, ke fekau atu kiate ki moutolu ae ogo tagata kuo fili, mo ho mau kaiga ofeina ko Banebasa mo Baula,

²⁶Koe ogo tagata kuo na liaki e na moui koeuhi koe huafa o ho tau Eiki ko Jisu Kalaisi.

²⁷Koia kuo mau fekau atu ai a Jutasi mo Sailosi, bea e fakamatala foki ekinaua ae gaahi mea ni.

²⁸Nae lelei ki he Laumalie Maonioni, bea mo kimautolu, ke oua naa ai ha kavega mamafa kiate kimoutolu, ka koe gaahi mea totonu ni;

²⁹Ke mou fakamamao mei he meakai kuo feilaulau aki ki he gaahi tamabua, bea mei he toto, moe mea kuo jijina, bea moe feauaki; aia ka mou ka mavahe akimoutolu mei ai, te mou lelei. Jiotoofa atu kiate kimoutolu.

³⁰Bea kuo nau mavae, bea nau fonoga ki Aniteoke: bea kuo nau fakataha ai ae kakai, naa nau tuku ae tohi kiate kinautolu.

³¹Bea hili e nau lau ia, naa nau fiefia koeuhi koe fakafiemalie.

³²Bea nae ako i he gaahi lea lahi, mo tokoni ki he kaiga, e Jutasi mo Sailosi, he koe ogo balofita foki akinaua.

³³Bea hili e nau nofo ai o fuoloa jii, nae tuku fiemalie atu akinautolu mei he kaiga, ke o ki he kau abosetolo.

³⁴Ka nae loto a Sailosi ke nofo ai be ia.

³⁵Bea nae nofo a Baula mo Banebasa i Aniteoke, o ako mo malaga aki ae folofola ae Eiki, bea moe toko lahi kehe.

³⁶Bea hili ae aho niihi, nae behe e Baula kia Banebasa, Ke ta toe o, o aahi ki ho ta kaiga i he kolo kotoabe, naa ta malaga aki ai ae folofola ae Eiki, be oku nau fefe.

³⁷Bea nae loto a Banebasa ke na ave a Jone, oku higoa ko Maake.

³⁸Ka nae ikai lelei kia Baula ke na ave ia, aia naa ne liaki akinaua i Bamifilia, bea nae ikai alu mo kinaua ki he gaue.

³⁹Bea i he e na kikihi o lahi, naa na mavae: bea nae ave e Banebasa a Maake, o na folau ki Saibalo;

⁴⁰Bea nae fili e Baula a Sailosi, bea na o, kuo hufia e he kaiga akinaua ki he aloofa ae Otua.

⁴¹Bea nae alu ia i Silia mo Silisia, o ne tokoni‘i ae gaahi jiaji.