KOE GAUE 20:1-38 TON1884 - Bible AI

¹1 Oku alu a Baula ki Masitonia. 7 Oku ne fai ne ohomohe tabu, bea malaga. 9 Kae to o mate a Utiko, 10 bea fokotuu moui ia. 17 Oku ne fakataha ki Mileto ae kau mātua, o ne tala kiate kinautolu ae mea e hoko kiate ia, 28 oku ne tuku ae faga sibi ae Otua kiate kinautolu, 29 oku ne valoki akinautolu i he kau akonaki kākā, 32 oku ne tuku akinautolu ki he Otua, 36 o ne hufia akinautolu kae alu. BEA i he tuku ae maveuveu, nae ui a Baula ke ha‘u kiate ia ae kau akoga, o nau feofoofani, bea mahui ia ke alu ki Masitonia.

²Bea kuo oji ae gaahi botu koia i he ene alu, bea lahi ene akonaki kiate kinautolu, bea alu ia ki Kilisi.

³O nofo ai i he mahina e tolu. Bea kuo toitoi‘i ia e he kakai Jiu, i he ene teu folau ki Silia, bea loto ia ke toe fokiage ki Masitonia.

⁴Bea nae alu mo ia ki Esia a Sobeta mei Belea; mo Alisitako mo Sekunio mei Tesalonika; mo Keio mei Teabe, mo Timote; mo Tikiko mo Talofimo mei Esia.

⁵Bea nae muomua akinautolu ni, o tatali mai kiate kimautolu i Taloasi.

⁶Bea naa mau folau mei Filibai, i he hili ae gaahi aho kai ma tae mea fakatubu, bea mau a‘u atu kiate kinautolu i Taloasi i he aho e nima; bea naa mau nofo ai i he aho e fitu.

⁷Bea i he uluaki aho oe uike, nae katoa ai ae kau akoga ke tofitofi ma, bea malaga a Baula kiate kinautolu, kuo amanaki alu ia i he abogibogi; bea malaga ia o a‘u ki he tuuabo malie.

⁸Bea nae lahi ae m ma i he botu fale ki oluga, kuo nau fakataha ai.

⁹Bea nae heka i he kātuba ae talavou e toko taha, ko hono higoa ko Utiko, bea nae mohe mau ia: bea i he malaga fuoloa a Baula, nae higa hifo ia i he mohe, bea to ki lalo mei hono tolu oe fata oe fale, bea hiki hake ia kuo mate.

¹⁰Bea nae alu hifo a Baula, o foohifo iate ia, mo faufua, mo ne behe, Oua te mou mamahi; he oku iate ia a ene moui.

¹¹Bea kuo alu hake ia o tofitofi ae ma, mo kai, bea nau talanoa o fuoloa, o a‘u ki he maa ae aho, bea toki alu ia.

¹²Bea naa nau omi ae talavou kuo moui, bea nae lahi e nau fiemalie.

¹³Bea ne mau muomua ki he vaka, o folau ki Asosi, o mau tokaga ke fakaheka ai a Baula: ko ene fekau ia, he ko hono loto ke hala uta be ia.

¹⁴Bea kuo mau fetaulaki ki Asosi, bea mau fakaheka ia, bea alu ki Meteline.

¹⁵Bea mau folau mei ai, bea bogibogi hake, naa mau hoko o feouga mo Kaio; bea mau a‘u ki Semo i hono aho ua, bea mau nofo i Talokilio; bea a‘u atu i he aho naa na feholo‘i ki Mileto.

¹⁶He kuo bau ae loto o Baula ke oua naa folau ki Efeso, koeuhi ke oua naa fuoloa ai ia ki Esia: he naa ne fakatootoo, o kabau e mafai eia, ke hoko ki Jelusalema i he aho oe Benitekosi.

¹⁷Bea nae fekau eia mei Mileto, ke ha‘u ae kau mātua oe jiaji mei Efeso.

¹⁸Bea kuo nau ha‘u kiate ia, bea behe eia kiate kinautolu, Talu ae uluaki aho neu ha‘u ai ki Esia, kuo mou ilo ae aga o eku nofo iate kimoutolu i he aho kotoabe,

¹⁹A eku tauhi ae Eiki i he loto agavaivai lahi, moe loimata lahi, moe gaahi ahiahi, nae to kiate au i he toitoi‘i au e he kakai Jiu:

²⁰Mo eku taetaofi ki ha mea e taha oku aoga, ka kuou fakailo kiate kimoutolu, mo ako fakaha kiate kimoutolu, bea i he gaahi fale,

²¹O fakababau atu ki he kakai Jiu, bea moe kakai Kiliki foki, ae fakatomala ki he Otua, moe tui ki ho tau Eiki ko Jisu Kalaisi.

²²Bea koeni, vakai, oku ou alu ha‘ijia i loto ki Jelusalema, bea oku ikai teu ilo ae gaahi mea e hoko mai i ai kiate au:

²³Ka koeni, oku fakamooni mai e he Laumalie Maonioni, o behe, oku tatali be kiate au ae gaahi ha‘i moe mea fakamamahi i he kolo kotoabe.

²⁴Ka oku ikai ue‘i ai au, bea oku ikai foki teu lau koe mea mahuiga kiate au eku moui, kae kehe keu fakaoji i he fiefia eku lakaga, moe gaue kuou ma‘u mei he Eiki ko Jisu, keu fakamooni ki he ogoogolelei oe aloofa ae Otua.

²⁵Bea koeni, vakai, oku ou ilo e ikai te mou toe mamata ki hoku mata, ak imoutolu kotoabe kuou malaga aki ki ai ae buleaga oe Otua.

²⁶Koia oku ou fakababau fakamoomooni atu kiate kimoutolu he aho ni, oku ou maa au mei he toto oe kakai kotoabe.

²⁷He nae ikai teu taofi ae fakaha kiate kimoutolu ae finagalo kotoabe oe Otua.

²⁸Koia ke mou vakai kiate kimoutolu, bea moe faga sibi kotoabe, aia kuo fakanofo akimoutolu e he Laumalie Maonioni ko hono kau tauhi, ke mou fafaga ae jiaji ae Otua, aia naa ne fakatau aki hono taataa.

²⁹He oku ou ilo eni, ka hili eku alu, e ha‘u kiate kimoutolu ae faga uolofi fakamalohi, bea e ikai te nau mamae ki he faga sibi.

³⁰Bea e tubu foki iate kimoutolu ae kau tagata, te nau ako aki ae mea fakahala, ke tohoaki ae kau akoga ke muimui kiate kinautolu.

³¹Koia ke mou leo, bea manatu kuo tolu ta‘u moe ikai teu tuku eku valokiekina akimoutolu taki taha moe loimata i he bo moe aho.

³²Bea koeni, e kaiga, oku ou tuku akimoutolu ki he Otua, bea moe folofola o ene ofa, aia oku ne faa fai ke laga hake akimoutolu, bea ke tuku kiate kimoutolu ae tofia fakataha mo kinautolu kotoabe kuo fakamaonioni‘i.

³³Nae ikai teu manumanu ki he siliva, be ki he koula, be ki he kofu o ha toko taha.

³⁴Io, oku mou ilo ekimoutolu, koe ogo nima ni kuo na tauhi ki he eku gaahi majiva, bea mo kinautolu nae iate au.

³⁵Kuou fakaha ae mea kotoabe kiate kimoutolu, koeuhi i he behe‘i a hoo mou gaue, oku totonu ke mou tokoni ki he vaivai, bea manatu‘i ae lea ae Eiki ko Jisu, i he ene behe, Oku monuia lahi hake ae foaki atu i he ma‘u ae foaki mai.

³⁶Bea kuo oji ene lea koia, naa ne tuulutui, o hufia akinautolu kotoabe.

³⁷Bea naa nau tagi mamahi kotoabe, mo nau faufua i he kia o Baula, o uma kiate ia,

³⁸O lahi taha be e nau mamahi koeuhi ko ene lea nae behe, e ikai te nau toe mamata ki hono mata. Bea naa nau o mo ia ki he vaka.