KOE GAUE 23:1-35 TON1884 - Bible AI

¹1 Oku fakamatala e Baula, 2 bea fekau e Ananaia ke ta‘i ia. 7 Oku loto kehekehe ae kau talatalaaki o Baula. 11 Oku tokoni kiate ia e he Otua. 14 Oku fakaha ki he eiki tau ae toitoi‘i a Baula e he kakai Jiu. 27 Oku ne fekau ia kia Filike koe tu‘i. BEA jio fakamama‘u a Baula ki he kau fakamāu, bea ne behe, Ae kau tagata koe kaiga, Kuou moui agatonu be i he ao oe Otua o a‘u mai ki he aho ni.

²Bea nae fekau e Ananaia koe taulaeiki lahi kiate kinautolu nae tuu ofi kiate ia, ke nau jibi‘i hono gutu.

³Bea toki behe e Baula kiate ia, E ta‘i koe e he Otua, akoe, koe holiji kuo vali hinehina: he oku ke nofo ke fakamāu au o fakatatau ki he fono, bea ke fekau ke ta‘i au o taetatau moe fono?

⁴Bea behe ekinautolu nae tutuu ai, Oku ke lea kovi ki he taulaeiki lahi ae Otua?

⁵Bea behe e Baula, E kaiga, nae ikai teu ilo koe taulaeiki lahi ia: he kuo tohi, Oua naa ke lea kovi ki he bule a hoo kakai.

⁶Ka kuo ilo e Baula koe Satusi ae niihi, bea koe Falesi ae niihi, bea kalage ia i he ao oe kau fakamāu, o behe, Ae kau tagata koe kaiga, koe Falesi au, bea koe foha oe Falesi: bea koe mea i he amanaki ki he toetuu oe mate oku fakamāu ai au.

⁷Bea kuo hili ene lea koia, bea tubu ae kikihi i he kau Falesi moe kau Satusi: bea nae vaeua ae kakai.

⁸He oku behe e he Satusi, oku ikai ha toetuu, be ha agelo, be ha laumalie: ka oku tui ki ai fakatouoji be ae kau Falesi.

⁹Bea nae tubu ae fuu vālau: bea tuu hake ae kau tagata tohi nae kau moe kau Falesi, bea lea malohi, o behe, Oku ikai te mau ilo ha kovi i he tagata ni: bea kabau kuo lea kiate ia ha laumalie be ha agelo, ke oua naa tau tau‘i ae Otua.

¹⁰Bea kuo tubu ae kikihi lahi, bea i he manavahe ae eiki tau naa haehae a Baula ekinautolu, naa ne fekau ke alu hifo ae kau tau, o omi fakamalohi ia meiate kinautolu, bea omi ki he fale lahi oe kau tau.

¹¹Bea i he bo koia, nae tuu o omi mai kiate ia ae Eiki, mo ne behe, Baula, ke ke fiemalie: koeuhi e hage ko hoo fakamooni au i Jelusalema, e behe foki hao fakamooni kiate au i Loma.

¹²Bea kuo bogibogi ai, bea alea bau ae kau Jiu niihi, mo nau fefuakavaaki, o nau behe, e ikai te nau kai be inu kae oua ke nau tamate‘i a Baula.

¹³Bea nae toko fagofulu tubu akinautolu naa nau fai ae fuakava ni.

¹⁴Bea naa nau alu ki he kau taulaeiki lahi moe mātua, o nau behe, Kuo mau fefuakavaaki fakamamafa, e ikai te mau kai ha mea kae oua ke mau tamate‘i a Baula.

¹⁵Bea koeni, ke lea fakataha akimoutolu moe kau fakamāu ki he bule oe kau tau, ke o hifo ia kiate kimoutolu abogibogi, o hage ko haa mou fie fehui fakababau i ha mea kiate ia: bea i he heeki ke teitei ofi ia, te mau tali ke tamate‘i ia.

¹⁶Bea kuo fanogo ae tama ae tuofefine o Baula ki he toitoi e fai, naa ne alu o hu ki he fale lahi oe kau tau, o ne tala ia kia Baula.

¹⁷Bea nae ui e Baula ki he eiki tau e taha, o ne behe, Ke ke ave ae talavou ni ki he bule oe tau: he oku ai ene mea ke fakaha ki ai.

¹⁸Bea ne too ia o ave ki he bule oe tau, o ne behe, Nae ui mai a Baula koe bobula kiate au, o ne kole keu omi ae talavou ni kiate koe, he oku iate ia ae mea ke tala atu kiate koe.

¹⁹Bea buke nima ia e he bule oe tau, o na afe ki he botu lilo, bea ne fehui, Koeha ia oku ke fie tala mai kiate au?

²⁰Bea ne behe, Kuo alea ae kakai Jiu ke kole kiate koe ke ke o hifo a Baula abogibogi ki he kau fakamāu, o hage ko haa nau fie fehui fakababau i ha mea kiate ia.

²¹Kae oua naa ke fai ki ho nau loto: he oku toitoi kiate ia ae kau tagata e toko fagofulu tubu meiate kinautolu, kuo nau fefuakavaaki, e ikai te nau kai be inu, kae oua ke nau tamate‘i ia: bea kuo nau teuteu eni, mo amanaki te ke fai ki ho nau loto.

²²Bea tukuage e he bule oe kau tau ae talavou ke alu, o ne nainai, o behe, Oua naa ke tala ki ha taha kuo ke fakaha mai ae mea ni kiate au.

²³Bea ui ia ki he ogo eiki tau, o ne behe, Teuteu ae kau tau e toko uageau, ke nau o ki Sesalia, i hono tolu oe feituubo, moe kau tagata heka hose e toko fitugofulu, moe kau tagata too tao e toko uageau;

²⁴Bea teuteu moe faga manu, ke heka ai a Baula, bea a‘utaki moui ia kia Filike koe tu‘i.

²⁵Bea naa ne fai ae tohi, o behe:

²⁶Ko Kalotiusi Lisia ki he tu‘i lelei aubito ko Filike: jiotoofa atu.

²⁷Nae buke ae tagata ni e he kakai Jiu, o nau fai ke tamate‘i ia: bea neu alu atu moe kau tau, o fakahaofi ia, i he eku ilo koe Loma ia.

²⁸Bea i he eku fie ilo ae mea oku nau tukuaki‘i ai ia, neu atu ia ki he e nau kau fakamāu:

²⁹Bea neu ilo kuo tukuaki‘i ia i he gaahi mea oe nau fono, ka nae ikai tukuaki‘i ia i ha mea e totonu ai ke ne mate be ha‘ijia

³⁰Bea i hono tala mai kiate au oku toitoi ae kau Jiu ki he tagata, neu tuku atu leva ia kiate koe, mo fekau ki he kau tukuaki foki ke nau fakaha i ho ao a hono talatalaaki‘i. Ofa ke ke lelei be.

³¹Bea nae toki ave e he kau tau a Baula, o hage koe fekau kiate kinautolu, bea omi bouli ai ki Anitebeta.

³²Bea bogibogi hake, naa nau tukuage ae kau tagata heka hose ke nau o mo ia, kae foki akinautolu ki he fale lahi oe kau tau.

³³Bea i he e nau a‘u atu ki Sesalia, o tuku ae tohi ki he tu‘i, naa nau omi foki a Baula ki hono ao.

³⁴Bea kuo oji hono lau e he tu‘i ae tohi, bea ne fehui be oku mei he fonua fe ia. Bea kuo ne ilo koe Silisia ia;

³⁵Bea ne behe, Teu fanogo kiate koe oka ha‘u ho kau tukuaki‘i. Bea ne fekau ke leohi ia i he fale fakamāu o Helota.