KOE GAUE 26:1-32 TON1884 - Bible AI

¹2 Oku fakamatala e Baula, i he ao o Akiliba, ae aga o ene moui talu ene kei jii, 12 bea moe liliu nae hoko i he gaue mana kiate ia, moe ui ia koe abosetolo. 24 Oku fakaha e Fesito oku faha a Baula, bea mo ene tali lelei ki ai. 28 Oku meimei hoko a Akiliba koe Kalisiano. 31 Oku fakaha e he kakai kotoabe oku taehalaia a Baula. BEA toki behe e Akiliba kia Baula, Oku tuku kiate koe ke ke fakamatala maau. Bea toki mafao atu e Baula a hono nima, o ne fakamatala maana, o behe,

²E tu‘i ko Akiliba, oku ou behe oku ou monuia, i he eku fakamatala maaku i ho ao i he aho ni, ae mea kotoabe oku talatalaaki‘i ai au e he kakai Jiu:

³Bea ajili be koeuhi oku ke boto i he gaahi gaue moe gaahi mea kotoabe oku eke i he kakai Jiu: koia oku ou kole kiate koe, ke ke kataki be, o fanogo kiate au.

⁴Oku ilo e he kakai Jiu kotoabe ae aga o eku moui talu eku kei jii, i he eku nofo talu mei mu‘a mo hoku kakai i Jelusalema;

⁵Akinautolu naa nau ilo au mei he kamataaga, o kabau te nau fakamooni, koeuhi naaku moui koe Falesi, o fakatatau ki he faahiga oku tokaga lahi taha be ki he e tau lotu.

⁶Bea oku ou tuu ni, bea oku fakamāu‘i au, koe mea i he amanaki ki he talaofa nae fai e he Otua ki he gaahi tamai:

⁷Aia foki oku amanaki ke lava‘i e ho tau faahiga e hogofulu ma ua, i he e nau lotu mau i he bo moe aho. Bea koeuhi koe amanaki be koia, e tu‘i ko Akiliba, kuo talatalaaki‘i au e he kakai Jiu.

⁸Ka koeha oku mou behe ai, koe mea e ikai te mou faa tui ki ai, ae fokotuu ae mate e he Otua?

⁹Koe mooni naaku mahalo eau i hoku loto, oku totonu eku fai kehe moe huafa o Jisu o Nasaleti ae gaahi mea lahi.

¹⁰Bea neu fai foki ia i Jelusalema: bea koe toko lahi oe kakai maonioni neu fakahu ki he fale fakabobula, i he eku ma‘u ae malohi mei he kau taulaeiki lahi; bea naaku kau ki ho nau tamate‘i

¹¹Bea neu tautea akinautolu o liuga lahi i he fale lotu kotoabe, o fakamalohi‘i ke nau lea kovi, bea naaku loto lili fakamanavahe kiate kinautolu, bea neu alu ki he kolo kehekehe o fakataga‘i.

¹²Bea i he eku alu ki Tamasikusi, kuou ma‘u ae malohi moe tohi mei he kau taulaeiki lahi,

¹³Neu mamata, e tu‘i, i he hala i he hoata malie, ki he māma mei he lagi, nae malama lahi ia i he laa, bea nae ulo takatakai ia iate au mo kinautolu naa mau fonoga.

¹⁴Bea kuo mau to kotoabe ki he kelekele, beau fanogo ki he le‘o, oku behe mai kiate au, i he lea faka‐Hebelu, E Saula, e Saula, koeha oku ke fakataga ai au? oku faigataa hoo akahi ae mea majila.

¹⁵Bea neu behe, Eiki, kohai koe? Bea behe mai eia, Ko au Jisu oku ke fakataga‘i.

¹⁶Ka ke tuu hake i ho va‘e: he kuou ha atu kiate koe koeuhi keu fakanofo koe koe faifekau moe fakamooni oe gaahi mea kuo ke mamata ai, moe gaahi mea foki teu fakaha kiate koe;

¹⁷Bea teu fakamoui koe mei he kakai moe gaahi Jenitaile, akinautolu oku ou fekau koe ki ai ni,

¹⁸Ke fakaa ho nau mata, mo fakatafoki akinautolu mei he bouli ki he māma, bea mei he malohi o Setani ki he Otua, koeuhi ke nau ma‘u ae fakamolemole oe agahala, moe tofia fakataha mo kinautolu kuo fakamaonioni‘i i he tui kiate au.

¹⁹Bea talu ai, e tu‘i ko Akiliba, nae ikai teu talagataa ki he mea nae ha mai mei he lagi:

²⁰Ka neu fuofua fakaha kiate kinautolu i Tamasikusi, bea i Jelusalema, moe gaahi botu kotoabe i Jutea, bea ki he gaahi Jenitaile, ke nau fakatomala bea tafoki ki he Otua, mo fai ae gaue oku tāu moe fakatomala.

²¹Bea koeuhi koe gaahi mea ni, nae buke au e he kakai Jiu i he fale lotu lahi, o nau fai ke tamate‘i au.

²²Ka koe mea i he eku ma‘u ae tokoni mei he Otua, koia oku ou kei fai ai o hoko ki he aho ni, o fakamooni ki he iki moe lalahi, o ikai ha mea kehe ka koia nae tala e he kau balofita mo Mosese e hoko mai:

²³Koeuhi e mamahi a Kalaisi, bea koe uluaki ia i he toe tuu mei he mate, bea e fakaha eia ae māma ki he kakai, moe gaahi Jenitaile.

²⁴Bea fakamatala behe be eia, moe kalaga mai a Fesito, o behe, E Baula, kuo ke faha; kuo fakafaha koe e he boto lahi.

²⁵Ka nae behe eia, E eiki ko Fesito, oku ikai teu faha; ka oku ou fakaha atu ae lea oe mooni moe boto.

²⁶He oku ilo‘i ae gaahi mea ni e he tu‘i, oku ou fakamatala ni i hono ao: he oku ou ilo bau oku ikai lilo kiate ia ha mea i he gaahi mea ni; he nae ikai fai ae mea ni i ha tuliki.

²⁷E tu‘i ko Akiliba, oku ke tui ki he kau balofita? Oku ou ilo oku ke tui.

²⁸Bea behe e Akiliba kia Baula, Kuo ke meimei fakahehema‘i au keu hoko koe Kalisitiane.

²⁹Bea behe e Baula, Amujiaage eau ki he Otua, kuo ikai ko koe be, ka ko kinautolu kotoabe foki oku fanogo kiate au i he aho ni, kuo mou meimei tatau, mo matuaki tatau be mo au, ka koe gaahi ha‘i ni be.

³⁰Bea kuo behe ene lea, bea tuu hake ae tu‘i, moe bule, mo Belenaisi, mo kinautolu naa nau nonofo:

³¹Bea kuo nau afe jii mei ai, bea nau alea, o behe, Kuo ikai fai e he tagata ni ha mea oku gali moe mate, be koe ha‘ijia.

³²Bea toki behe e Akiliba kia Fesito, Ka ne tae oua ene behe ke fakamāu ia ia Sisa, behe, kuo lelei ke tukuage ae tagata ni.