KOE GAUE 4:1-37 TON1884 - Bible AI

¹1 Kuo ita ae hau bule ae kakai Jiu ki he malaga a Bita, bea nau fakahu ia mo Jone ki he fale fakabobula. 5 Bea kuo hili ae fakamāu, nae fakaha e Bita kuo fakamoui ae tagata bibiki i he huafa o Jisu, bea ko ia be ae Jisu ke tau moui taegata ai, 13 bea nau fekau kiate ia mo Jone, mo fakamana, ke oua naa na toe malaga i he huafa koia. 23 Koe hu mau ae jiaji. 31 Bea nae fakaha e he Otua kuo ne ogo‘i e nau hu, i he ene lulululu ae botu naa nau katoa ai: bea ne tokoni ae jiaji i he foaki ae Laumalie Maonioni, bea nau feofoofani mo faa foaki ofa. BEA i he e na kei lea ki he kakai, nae feohofi kiate kinaua ae kau taulaeiki moe bule oe fale lotu lahi, bea moe kau Satusi,

²He kuo nau kina i he e na ako ki he kakai, mo e na malaga aki ae toetuu a Jisu mei he mate.

³Bea naa nau buke akinaua, o tuku ki he fale fakabobula, kae oua ke aho: he kuo efiafi.

⁴Ka nae tui ae toko lahi iate kinautolu nae fanogo ki he folofola; bea ko hono lau oe kakai koe toko nima afe nai

⁵Bea behe, kuo bogibogi hake, nae katoa ki Jelusalema ho nau kau bule, moe mātua, moe kau tagata tohi,

⁶Mo Anasa koe taulaeiki lahi, mo Kaiafasi, mo Jone, mo Alekisanita, bea moe kaiga kotoabe oe taulaeiki lahi.

⁷Bea kuo omi akinaua ki ho nau ao, naa nau fehui, o behe, Koe malohi fe, moe higoa ohai, kuo mo fai ai ae mea ni?

⁸Bea kuo fonu a Bita i he Laumalie Maonioni, bea behe eia kiate kinautolu, Akimoutolu, koe kau bule oe kakai, moe mātua o Isileli,

⁹Kabau oku ekea akimaua he aho ni ki he gaue lelei ki he tagata bibiki, be koeha ae mea nae fakamoui ai ia;

¹⁰Ke ilo ekimoutolu kotoabe, bea moe kakai kotoabe o Isileli, koe huafa o Jisu Kalaisi o Nasaleti, aia ne mou tutuki ki he akau, ka kuo fokotuu ia e he Otua mei he mate, koia be kuo tuu ai ae tagata ni i ho mou ao kuo haohaoa.

¹¹Koe maka eni nae liaki ekimoutolu koe kau tufuga, aia kuo hoko koe fugani maka tuliki.

¹²Bea oku ikai ha fakamoui i ha taha kehe: he oku ikai ke tuku mo ha higoa ki he kakai i lalo lagi, ke tau moui ai.

¹³Bea kuo nau mamata ki he taemāluia a Bita mo Jone, mo nau ilo koe ogo tagata meavale, bea taeboto, bea nau ofo; bea naa nau ilo kiate kinaua, naa na ia Jisu.

¹⁴Ka i he e nau vakai ki he tagata kuo fakamoui, oku nau tutuu fakataha mo kinaua, bea ikai te nau faa lea ki ai.

¹⁵Bea hili e nau fekau akinaua ke alu jii atu mei he fakamāuaga, naa nau alea iate kinautolu,

¹⁶O nau behe, Koeha ae mea te tau fai ki he ogo tagata ni? he kuo fai mooni ekinaua ae mana lahi, bea oku ilo ia ekinautolu kotoabe oku nofo i Jelusalema; bea oku ikai te tau faa fakaikai ki ai.

¹⁷Ka koeuhi ke oua naa kei mafola ia i he kakai, ke tau fakamana‘i akinaua o lahi, ke oua naa na toe lea ki ha tagata i he higoa ni.

¹⁸Bea naa nau ui akinaua, o lekau malohi kiate kinaua, ke oua aubito naa na lea be ako i he higoa o Jisu.

¹⁹Ka nae lea atu kiate kinautolu a Bita mo Jone, o behe, Mou fifili, be oku lelei aefe i he ao oe Otua, a‘e ma talagofua kiate kimoutolu, be ki he Otua.

²⁰Koeuhi oku ikai te ma faa taofi e ma lea aki be ae gaahi mea kuo ma mamata mo fanogo ai.

²¹Bea kuo nau toe fakamana‘i, bea nau tukuage akinaua, he nae ikai te nau ilo ha mea ke tautea ai akinaua, bea telia ae kakai: he naa nau fakamalo kotoabe ki he Otua i he mea kuo fai.

²²He kuo fagofulu tubu ae ta‘u oe tagata, kuo fai ki ai ae mana fakamoui ni.

²³Bea i he tukuage akinaua, naa na o ki ho na kaiga, o fakaha kotoabe ae lea ae kau taulaeiki lahi moe mātua kiate kinaua.

²⁴Bea kuo nau fanogo ki ai, bea nau hiki fakataha hake ho nau le‘o ki he Otua, o nau behe, E Eiki, koe Otua akoe, naa ke gaohi ae lagi mo mamani, bea moe lahi, moe mea kotoabe oku i ai;

²⁵Akoe naa ke behe i he gutu o hoo tamaioeiki ko Tevita, Koeha oku lili ai ae Jenitaile, bea mahalo mea vaiga ai e he kakai?

²⁶Nae tuu hake ae gaahi tu‘i o mamani, bea nae katoa ae kau bule, o agatuu ki he Eiki, bea mo hono Kalaisi.

²⁷He koe mooni nae fakataha a Helota, mo Bonito Bailato, moe Jenitaile, moe kakai Isileli, o fakataga ki ho Alo maonioni ko Jisu, aia naa ke fakanofo,

²⁸Ke fai aia kotoabe nae tomua tuutuuni e ho nima mo hoo boto ke fai.

²⁹Bea ko eni, e Eiki, ke ke tokaga ki he e nau lea fakamana: bea ke tuku ki hoo kau tamaioeiki, ke nau lea malohi aki hoo folofola,

³⁰I hoo mafao atu ho nima ke fakamoui; bea ke fai ae gaahi mana moe mea fakaofo i he huafa o ho Alo maonioni ko Jisu.

³¹Bea hili e nau lotu, nae galulululu ae botu naa nau fakataha ai; bea nae fakabito akinautolu kotoabe aki ae Laumalie Maonioni, o nau lea malohi aki ae folofola ae Otua.

³²Bea nae loto mo laumalie taha be akinautolu kotoabe nae tui: bea nae ikai ha taha e ui ene mea naa ne ma‘u koe mea aana; ka naa nau mea taha be.

³³Bea nae fakamooni e he kau abosetolo aki ae malohi lahi ae toetuu ae Eiki ko Jisu: bea nae lahi ae ofa iate kinautolu kotoabe.

³⁴Bea nae ikai ha taha iate kinautolu e majiva: he ko kinautolu kotoabe nae ma‘u ae fonua be ae fale, nae fakatau ia, bea nae omi hono totogi oe mea kuo fakatau,

³⁵O tuku hifo i he va‘e oe kau abosetolo: bea nae tufaki ki he tagata taki taha o fakatatau ki he e nau majiva.

³⁶Bea ko Jose i he faahiga o Livai, mei he fonua ko Saibalo, aia nae fakahigoa e he kau abosetolo ko Banebasa, (aia, ko hono uhiga, Koe foha oe fiemalie,)

³⁷Nae fakatau eia hono botu fonua, bea omi hono baaga, o tuku ki he va‘e oe kau abosetolo.