KOE GAUE 5:1-42 TON1884 - Bible AI

¹1 Koe mate a Ananaia mo Safaila koeuhi ko e na fai kākā. 12 Koe fai ae mea mana lahi e he kau abosetolo, 14 oku tubu o lahi ai ae tui: 17 oku toe fakahu ki he fale fakabobula ae kau abosetolo, 19 ka oku fakamoui akinautolu e ha agelo, mo ne fekau ke nau malaga fakaha ki he kakai kotoabe: 21 bea kuo hili e nau malaga i he fale lotu lahi, bea moe ao oe kau fakamāu, 33 naa nau tuutamaki ki he tamate‘i, ka nau moui i he lea a Kamelieli, koe fakamāu lahi i he kakai Jiu. 40 Ko ho nau tautea mo nau fakamalo ai ki he Otua, bea moe ikai tuku e nau malaga i he aho kotoabe. KA koe tagata e toko taha ko Ananaia hono higoa, mo hono unoho ko Safaila, naa na fakatau ae abi,

²Bea nae taofi eia ae koga o hono totogi, bea ilo foki ia e hono unoho, kae omi be hono koga, o tuku i he va‘e oe kau abosetolo.

³Ka nae behe e Bita, Ananaia, koeha kuo fakabito ai ho loto e Setani, ke ke loi ki he Laumalie Maonioni, bea ke taofi ae koga i he totogi oe fonua?

⁴Nae kei tuku be, ikai nae oou be ia? bea ka kuo fakatau ia, ikai te ke faiteliha be ki ai? koeha kuo tubu ai ae mea ni i ho loto? oku ikai ko hoo loi ki he tagata, ka ki he Otua.

⁵Bea i he fanogo e Ananaia ki he lea ni, nae to ia ki lalo, o mate: bea nae hoko ae manavahe lahi kiate kinautolu kotoabe nae fanogo ki he gaahi mea ni.

⁶Bea nae tuu hake ae kau talavou, o fakakoloa ia, bea ave kituaa, o tanu.

⁷Bea hili nai ae feituulaa e tolu, bea ha‘u hono unoho, kae teeki ilo eia aia kuo fai.

⁸Bea behe e Bita kiate ia, Tala mai, be naa mo fakatau ae abi aki ae mea ni. Bea behe eia, Io, aia be.

⁹Bea behe ai e Bita kiate ia, Koeha kuo mo alea ai ke ahiahi‘i ae Laumalie oe Eiki? vakai, oku i he mataba ae va‘e o kinautolu kuo nau toki tanu ho unoho, bea te nau fata koe kituaa.

¹⁰Bea iloage, nae to ki lalo ia ki hono va‘e, bea mate: bea hu mai ae kau talavou, o ilo kuo mate ia, bea ave ia kituaa, o tanu ia mo hono unoho.

¹¹Bea nae to ae manavahe lahi ki he jiaji kotoabe, bea mo kinautolu kotoabe nae fanogo ki he gaahi mea ni.

¹²Bea nae fai e he nima oe kau abosetolo ae gaahi mana moe mea fakaofo lahi i he ao oe kakai; (bea naa nau fakataha kotoabe o loto taha i he fale hala o Solomone.

¹³Bea i hono toe nae ikai kau mo kinautolu ha toko taha, ko e nau manavahe: ka nae fakaabaaba ae kakai kiate kinautolu.

¹⁴Bea nae ului toko lahi ai ki he Eiki ae kakai tui, koe tagata moe fefine.)

¹⁵Koia naa nau fata ai ae gaahi mahaki ki he gaahi hala, o fakatokoto i he mohega moe tokotoaga, ke fakamalu ho nau niihi aki ae ata o Bita i he ene aluage.

¹⁶Bea nae ha‘u foki ae toko lahi mei he gaahi kolo oku ofi ki Jelusalema, ke fetuku mai ae kakai mahaki, mo kinautolu nae mamahi i he kau laumalie uli: bea nae fakamoui akinautolu kotoabe.

¹⁷Bea toki tutuu hake ae taulaeiki lahi, mo kinautolu kotoabe nae iate ia, (i he faahiga oe Satusi,) kuo nau fonu i he ita,

¹⁸Bea naa nau buke ae kau abosetolo, o fakahu akinautolu ki he fale fakabobula lahi.

¹⁹Ka nae too ae mataba oe fale fakabobula e ha agelo ae Eiki i he bo, bea ne omi kitua akinautolu, mo ne behe,

²⁰Mou alu, o tuu i he fale lotu lahi, bea malaga ki he kakai aki ae lea kotoabe oe moui ni.

²¹Bea kuo nau fanogo ki ai, naa nau uhu hegihegi ki he fale lotu lahi, o ako. Ka nae ha‘u ae taulaeiki lahi, mo kinautolu nae iate ia, bea fakataha ae kau fakamāu, moe mātua kotoabe oe fānau a Isileli, bea nau fekau ke omi akinautolu mei he fale fakabobula.

²²Ka i he hoko atu ae kau tagata fekau, o ikai ilo akinautolu i he fale fakabobula, naa nau liu mai, o fakaha,

²³O behe, Koe mooni naa mau ilo ae fale fakabobula oku tabuni mau, bea tutuu itua ae kau leo i he gaahi mataba: ka i he e mau too ia, nae ikai te mau ilo i loto ha toko taha.

²⁴Bea kuo fanogo ki he gaahi mea ni ae fugani taulaeiki moe bule oe fale lotu lahi moe kau taulaeiki lahi, naa nau fifili be fefe ai nai eni.

²⁵Bea nae toki ha‘u ae toko taha, e ne fakaha kiate kinautolu, o behe, Vakai, koe kau tagata naa mou fakahu ki he fale fakabobula, oku nau tutuu i he fale lotu lahi, o ako ki he kakai.

²⁶Bea alu leva ae eiki moe kau tagata fekau, o omi fiemalie akinautolu: he naa nau manavahe ki he kakai, telia naa tologaki aki ae maka akinautolu.

²⁷Bea kuo nau omi, o tuku akinautolu i he ao oe kau fakamāu: bea nae fehui ae fugani taulaeiki kiate kinautolu,

²⁸O behe, Ikai naa mau matuaki fekau kiate kimoutolu ke oua naa mou ako i he higoa na? bea vakai, kuo mou fakabito a Jelusalema aki hoo mou akonaki, bea ko ho mou loto ke omi ae toto oe tagata ni kiate kimautolu.

²⁹Bea toki lea a Bita moe kau abosetolo, o behe, Oku totonu e mau talagofua ki he Otua i he tagata.

³⁰Koe Otua oe tau gaahi tamai kuo ne fokotuu a Jisu, aia ne mou tamate‘i e tautau i he akau.

³¹Bea kuo hakeaki‘i ia e he Otua aki hono nima toomatau koe Eiki moe Fakamoui, ke foaki ae fakatomala ki Isileli, moe fakamolemole oe agahala.

³²Bea ko ene kau fakamooni akimautolu oe gaahi mea ni; bea moe Laumalie Maonioni foki, aia kuo foaki e he Otua kiate kinautolu oku talagofua kiate ia.

³³Bea kuo nau fanogo eni, bea nau tekelili i he ita, mo nau fakakaukau ke tamate‘i akinautolu.

³⁴Bea toki tuu hake ha taha i he kau fakamāu, koe Falesi, ko hono higoa ko Kamelieli, koe akonaki i he fono, bea nae ogoogo lelei ia i he kakai kotoabe, bea fekau eia ke tuku jii atu kitua ae kau abosetolo;

³⁵Bea ne behe kiate kinautolu, Ae kau tagata o Isileli, mou vakai be koeha ae mea oku mou tokaga ke fai ki he kau tagata ni.

³⁶He nae mu‘a i he gaahi aho ni ae tuu a Teutasi, o ne bole koe lahi ia; bea nae alu mo ia ae kau tagata, koe toko fageau nai: bea nae tamate‘i ia; bea fakamovete o oji akinautolu kotoabe nae talagofua kiate ia.

³⁷Bea hoko moe tagata ni a Jutasi o Kaleli, i he gaahi aho oe tohi kakai, bea ne tataki eia ae kakai toko lahi: bea mate foki ia; bea nae fakamovete akinautolu kotoabe nae talagofua kiate ia.

³⁸Bea koeni, oku ou tala atu kiate kimoutolu, Oua naa fai ha mea ki he kau tagata ni, kae tuku ai be akinautolu: he kabau oku mei he tagata ae fakakaukau ni moe gaue ni, e oji ia:

³⁹Bea kabau oku mei he Otua, e ikai te mou faa fakagata ia: telia naa iloage kuo mou tau‘i ae Otua.

⁴⁰Bea naa nau loto ki ai: bea kuo nau ui ae kau abosetolo, mo kauimaea, naa nau fekau ke oua te nau lea i he huafa o Jisu, bea tukuage akinautolu.

⁴¹Bea naa nau alu mei he ao oe kau fakamāu i he fiefia, koeuhi kuo nau aoga ke kataki ae fakama koeuhi ko hono huafa.

⁴²Bea nae ikai tuku e nau ako moe nau malaga aki a Jisu Kalaisi, i he aho kotoabe, i he fale lotu lahi, bea moe fale kotoabe.