KOE GAUE 9:1-43 TON1884 - Bible AI

¹Oku fonoga a Saula ki Tamasikusi, 4 bea oku ta hifo ia ki he kelekele, 10 oku ui ia ki he gaue ae abosetolo, 18 oku babitaiso ia e Ananaia. 20 Oku ne malaga aki a Kalaisi i he taemanavahe. 23 Oku toitoi ae kakai Jiu ke nau tamate‘i ia: 29 moe kau Elinisito foki, ka oku ne hao mei ai o moui. 31 Oku fiemalie ae jiaji, bea oku fahamoui e Bita a Enia mei he mahaki tete, 36 mo ne fakamoui a Tabaita aia nae mate. BEA nae kei mānava aki e Saula ae lea fakamanavahe moe fakabo ki he kau akoga ae Eiki, bea alu ia ki he taulaeiki lahi,

²O kole mei ai ae tohi ki he gaahi fale lotu i Tamasikusi, koeuhi ka ilo eia ha niihi, ae tagata be koe fefine, i he hala ko eni, ke ne omi ha‘ijia akinautolu ki Jelusalema.

³Bea i he ene fonoga, kuo ofi ki Tamasikusi: bea fakafokifa nae malama takatakai iate ia ae māma mei he lagi:

⁴Bea to ia ki he kelekele, o ne fanogo ki he le‘o nae behe mai kiate ia, E Saula, e Saula, koeha oku ke fakataga ai au?

⁵Bea ne behe, Eiki kohai koe? Bea behe mai e he Eiki, Ko au Jisu oku ke fakataga‘i: koe mea faigataa hoo akahi ae mea majila.

⁶Bea tetetete ia mo ofo lahi, o ne behe, Eiki, ko ho finagalo keu fai ae ha? Bea behe e he Eiki kiate ia, Tuu, o alu ki he kolo, bea e fakaha kiate koe aia oku totonu te ke fai.

⁷Bea nae tuu taefaalea ae kau tagata nae fonoga mo ia, o nau fanogo be ki he le‘o, kae ikai jio ki ha taha.

⁸Bea tuu hake a Saula mei he kelekele; bea i he a a hono mata, kuo ikai ilo eia ha mea: ka naa nau taki nima ia, o omi ki Tamasikusi.

⁹Bea nae kui ia i he aho e tolu, bea nae ikai ke kai be inu.

¹⁰Bea nae i Tamasikusi ae akoga e toko taha, ko Ananaia hono higoa; bea nae folofola ae Eiki kiate ia i he mea nae ha mai, o ne behe, Ananaia. Bea behe eia, Vakai, ko au, Eiki.

¹¹Bea behe ae Eiki kiate ia, Tuu, o alu ki he hala oku ui koe Totonu, bea ke fehui i he fale o Jutasi kiate ia oku ui ko Saula, mei Tasusi: bea vakai, he oku lotu ia:

¹²He kuo ne mamata I he mea ha mai ki he tagata ko Ananaia hono higoa, oku aluage mo hilifaki hono nima kiate ia, koeuhi ke a hono mata.

¹³Bea toki behe e Ananaia, Eiki, kuou fanogo i he toko lahi, ki he kovi lahi kuo fai e he tagata ni ki ho kakai maonioni i Jelusalema:

¹⁴Bea mo ene ma‘u i heni ae fekau mei he kau taulaeiki lahi, ke ha‘i akinautolu kotoabe oku ui ki he huafa.

¹⁵Ka nae behe e he Eiki kiate ia, Alu koe: he koe mea gaue ia kuo fili maaku, ke fakaha hoku huafa ki he gaahi Jenitaile, moe gaahi tu‘i, bea moe fānau a Isileli:

¹⁶He teu fakaha kiate ia ae mea lahi e mamahi ai ia koeuhi ko hoku higoa.

¹⁷Bea nae alu a Ananaia, o hu ki he fale; bea ne hilifaki hono nima kiate ia, mo ne behe, E kaiga Saula, koe Eiki ko Jisu, aia nae ha mai kiate koe i he hala naa ke ha‘u ai, kuo ne fekau au koeuhi ke a ho mata, bea ke fakabito aki koe ae Laumalie Maonioni.

¹⁸Bea fetoki fakafokifa mei hono mata ae mea o hage koe uno‘i ika: bea a leva ia, bea tuu, o babitaiso.

¹⁹Bea hili ene kai naa ne malohi. Bea nae nonofo a Saula moe kau akoga i Tamasikusi i he gaahi aho niihi.

²⁰Bea kamata leva eia ke malaga aki a Kalaisi koe Alo ia oe Otua, i he gaahi fale lotu.

²¹Ka nae ofo akinautolu kotoabe nae fanogo, mo nau behe; Ikai ko eni ia nae fakabogi akinautolu nae ui ki he higoa ni i Jelusalema, bea nae ha‘u foki ki heni ke ne ave ha‘ijia akinautolu ki he kau taulaeiki lahi?

²²Ka nae tubulaki ae malohi ia Saula, bea naa ne fakatafuua ae kakai Jiu nae nofo i Tamasikusi, o ne fakamooni koe Kalaisi eni.

²³Bea kuo hili ae gaahi aho lahi, nae fakakaukau ae kakai Jiu ke tamate‘i ia:

²⁴Ka nae ilo e Saula e nau toitoi‘i ia. Bea naa nau leohi ae gaahi mataba i he aho moe bo ke tamate‘i ia.

²⁵Bea nae toki ave bouli ia e he kau akoga, o tukutuku hifo i he kato mei hea.

²⁶Bea i he hoko a Saula ki Jelusalema, nae fie ului ia ki he kau akoga: ka nae manavahe kotoabe kiate ia, he nae ikai te nau tui koe akoga ia.

²⁷Ka nae too ia e Banebesa o omi ki he kau abosetolo, bea naa ne fakaha kiate kinautolu a ene mamata ki he Eiki i he hala, mo ene folofola kiate ia, bea mo ene malaga malohi i Tamasikusi i he huafa o Jisu.

²⁸Beo nae nofo ia bea felemofafo mo kinautolu i Jelusalema.

²⁹Bea nae lea malohi ia i he huafa oe Eiki ko Jisu, mo ne fakakikihi moe kau Elinisito: ka naa nau kumi ke tamate‘i ia.

³⁰Bea i he ilo eni e he kaiga, naa nau o hifo ia ki Sesalia, bea nau fekau ia ke alu ki Tasusi.

³¹Bea nae toki ma‘u ae fiemalie e he gaahi jiaji i Jutea kotoabe mo Kaleli mo Samelia, bea nae laga hake akinautolu; bea naa nau aeva i he manavahe ki he Eiki, moe fiemalie oe Laumalie Maonioni, bea tubu o toko lahi.

³²Bea koeni, i he alu fano be a Bita i he gaahi botu, nae hoko hifo foki ia ki he kau lotu nae nofo i Lita.

³³Bea naa ne ilo i ai ha tagata ko Enia hono higoa, bea kuo valu ta‘u ene tokoto i hono mohega, bea nae moua ia i he mahaki tete.

³⁴Bea behe e Bita kiate ia, Enia, oku fakamoui koe e Jisu Kalaisi: tuu, o takai ho mohega. Bea tuu leva ia.

³⁵Bea nae mamata kiate ia bea tafoki ki he Eiki akinautolu kotoabe nae nofo i Lita mo Seloni.

³⁶Bea nae i Joba ae akoga e taha nae higoa ko Tabaita, koe higoa tatau ia mo Toakasi: bea nae faa fai e he fefine ni ae gaahi gaue lelei moe faa foaki.

³⁷Bea koeni, nae tuia hono mahaki i he gaahi aho koia, bea bekia: bea kuo nau tatafi ia, naa nau fakatokoto ia i he botu fale i oluga.

³⁸Bea nae vaofi a Lita mo Joba, bea i he fanogo ae kau akoga oku i ai a Bita, naa nau fekau ae ogo tagata, o kole kiate ia ke oua naa tuai ene ha‘u kiate kinautolu.

³⁹Bea tuu a Bita, o alu mo kinaua. Bea kuo hoko atu ia, naa nau omi ia ki he botu fale i louga: bea nae tutuu mo tagi o ofi kiate ia ae kau fefine kotoabe kuo mate ho nau unoho, o nau fakaha ae gaahi kofu tua moe kofu kehekehe nae gaohi e Toakasi, i he ene kei iate kinautolu.

⁴⁰Ka kuo tuku atu e Bita akinautolu kotoabe kitua, bea tuulutui ia, o lotu; bea haga ia ki he jino mo ne behe, Tabaita, tuu hake. Bea ne a hake hono mata: bea i he ene mamata kia Bita, naa ne nofo hake.

⁴¹Bea ne mafao hono nima kiate ia, o fokotuu hake ia, bea kuo ne ui ae kau lotu moe kau fefine kuo mate ho nau unoho, naa ne atu ia kuo moui.

⁴²Bea nae ogoogoa ia i Joba kotoabe; bea tui ae toko lahi ki he Eiki.

⁴³Bea koia, nae nofo ai ia, o aho lahi, i Joba, moe toko taha ko Saimone koe tufuga gaohi kili‘i manu.