KOE HIVA A SOLOMONE 1:1-17 TON1884 - Bible AI

¹1 Koe ofa ae jiaji kia Kalaisi. 5 Oku fakaha e he fiaji ene tae matamatalelei, 7 bea oku ne kole ke fakahinohino ia ki he botu oku i ai a ene faga sibi. 8 Oku tala e Kalaisi ke ne alu ki he gaahi fale oe kau tauhi manu: 9 bea oku ne fakaha ene ofa kiate ia, 11 mo ene gaahi talaofa lelei. 12 Oku fefakaogoleleiaki a Kalaisi mo hono jiaji. KOE fugani oe hiva a Solomone.

²Tuku ke ne uma aki kiate au ae gaahi uma a hono gutu: he oku lelei hake hoo ofa i he uaine.

³Oku tatau ho huafa moe liligi atu ae lolo kakala, koeuhi koe namu lelei o hoo gaahi mea tākai, bea koia oku ofa ai ae kau tauboou kiate koe.

⁴Toho au, bea te mau lele atu kiate koe: kuo omi au e he tu‘i ki hono gaahi botu fale: te mau fiefia mo nekeneka iate koe, bea te mau tokaga lahi hake kiate koe i he uaine: oku ofa kiate koe ae agatonu.

⁵E gaahi ofefine o Jelusalema, oku ou uliuli o hage koe gaahi fale fehikitaki o Keta, kae matamatalelei o hage koe gaahi buibui i he fale o Solomone.

⁶Oua naa jio mai kiate au koeuhi oku ou uliuli, koeuhi kuo jio hifo ae laa kiate au: nae ita kiate au ae fānau a eku fa‘e; naa nau gaohi au koe tauhi ki he gaahi goue vaine; ka ko eku goue vaine aaku kuo ikai teu tauhi ia.

⁷Akoe, oku ofa ki ai hoku laumalie, fakaha mai kiate au ae botu oku ke fafaga ai, ae botu oku ke bule ke mālōlō ai a hoo faga manu i he hoata malie: he koeha teu hoko ai keu tatau mo ha taha oku afe ki he faga manu a ho kaugaabi?

⁸Kabau oku ikai te ke ilo, akoe oku hoihoifua lahi i he kau fefine kotoabe, alu be i ho hala, i he aluga oe faga manu, bea ke fafaga hoo gaahi uhiki‘i koji i he fale fehikitaki oe kau tauhi manu.

⁹A hoku ofaaga, kuou fakatatau koe ki he faga hose i he gaahi saliote o Felo.

¹⁰Kuo fakamatamatalelei ho kouahe aki ae tuiga mata‘i tofe, mo ho kia aki ae gaahi kahoa koula.

¹¹Te mau gaohi aki ae koula ho gaahi kaba‘i kofu, mo bule‘i aki ia ae siliva.

¹²Lolotoga ae nofo ae tu‘i i hono keinagaaga oku namu kakala atu eku naatosi.

¹³Oku hage koe u kakala a hoku ofaaga kiate au, bea e tokoto ia ki hoku fatafata i he bo o aho.

¹⁴Oku tatau kiate au a hoku ofaaga moe fuhi saibalesi i he gaahi goue vaine i Eniketi.

¹⁵Vakai, oku ke hoihoifua akoe oku ou ofa ai; vakai, oku ke hoihoifna; oku ke ma‘u ae mata oe lube.

¹⁶Vakai, oku ke toulekeleka, E hoku ofaaga, io, mo fakaofoofa; bea oku laumauiui foki ho ta tokotoaga.

¹⁷Koe gaahi alaga o ho ta fale koe sita, bea oku ato aki ae saibalesi.