KOE HIVA A SOLOMONE 2:1-17 TON1884 - Bible AI

¹1 Koe feofaaki a Kalaisi mo hono jiaji. 8 Koe amanaki, 10 moe uiui‘i oe jiaji. 14 Koe tauhi a Kalaisi ki he jiaji. 16 Koe fakaha e he jiaji a ene tui mo ene amanaki lelei. KO AU koe lose o Saloni, koe lile oe gaahi telea.

²O hage koe lile i he lotolotoga oe gaahi akau talatala, oku behe a hoku ofaaga i he gaahi ofefine.

³Bea hage koe akau koe moli ki he gaahi akau oe vao, oku behe a hoku ofaaga i he ao oe gaahi foha. Neu nofo hifo ki lalo i hono malumalu, beau fiefia lahi, bea nae hua melie a hono fua ki hoku gutu.

⁴Naa ne omi au ki he fale keinagaaga, bea nae fakamalu aki au ae fuka ae ofa.

⁵Tokoni au aki ae uaine, bea fakafiemalie‘i au aki ae gaahi moli: he oku ou bogia i he ofa.

⁶Oku i lalo i hoku ulu a hono nima toohema, bea oku fāufua au e hono nima toomatau.

⁷E gaahi ofefine o Jelusalema, oku ou fekau kiate kimoutolu, i hoo mou ofa ki he faga kaseli moe faga hainite oe vao, ke oua naa mou ue‘i be fafagu a hoku ofaaga, kae oua ke faiteliha be ia.

⁸Koe le‘o o hoku ofaaga! vakai, oku ha‘u ia mo buna i he gaahi mouga, bea hobohobo i he gaahi botu maoluga.

⁹Oku tatau a hoku ofaaga moe kaseli be koe hainite mui: vakai, oku tuu mai ia mei he tuaa, oku ne fakajio mai mei he gaahi mataba, o ne fakaha ia mei he gaahi katuba.

¹⁰Nae lea mai a hoku ofaaga, o ne behe kiate au, Tuu hake a hoku ofaaga, ko eku toko taha oku hoihoifua, bea ke ha‘u.

¹¹Vakai, kuo hili ae faahita‘u momoko, bea kuo oji ae uha mo mole atu;

¹²Kuo tubu hake ae gaahi fiji‘i akau i he fuga kelekele, kuo hoko ae gaahi aho oku hiva ai ae faga manu buna, bea oku ogo‘i i ho ta fonua ae le‘o oe kulukulu:

¹³Oku kamata tubu i he akau koe fiki a hono fua, bea oku namu lelei mai ae fua mui i he gaahi vaine. Akoe ko hoku ofaaga, mo eku hoihoifua, ke ke tuu hake, bea ke ha‘u.

¹⁴Akoe ko eku lube, oku nofo i he gaahi ana‘i maka, moe gaahi botu lilolilo oe lilifa, ke ke fakaha mai ho mata kiate au, bea tuku keu fanogo ki ho le‘o; he oku ke le‘o malie, bea oku fakaofoofa ho mata.

¹⁵Ke ma‘u mai ae faga fokisi, ae faga fokisi iki, aia oku maumau‘i ae vaine: he oku kei mui ae fua oe vaine.

¹⁶Oku ooku a hoku ofaaga, bea oku ou oona au: oku kai eia i he botu oe gaahi lile.

¹⁷Tafoki mai a hoku ofaaga, kae oua ke maa hake ae aho, bea mole atu ae fakabouli, bea ke tatau koe moe kaseli be koe haate mui i he gaahi mouga o Beta.