KOE HIVA A SOLOMONE 4:1-16 TON1884 - Bible AI

¹1 Oku fakaha e Kalaisi ae hoihoifua oe jiaji. 8 Oku ne fakaha a ene ofa ki ai. 16 Oku kole ae jiaji ke ne teuteu ki hono ao. VAKAI, oku ke hoihoifua, E hoku ofaaga; vakai, oku ke hoihoifua; oku tatau ho mata moe mata oe lube oku fakalilo aki ho louulu: bea ko ho louulu oku hage koe louulu oe faga koji, oku fafaga i he mouga ko Kiliati.

²Oku tatau ho kau nifo moe faga sibi kuo kojikoji, bea oku alu hake mei he kaukau‘i; he oku taki uhi ua a ho nau uhiki, bea oku ikai ke baa ha taha i ai.

³Oku tatau moe afo kulokula ho lougutu; bea oku malie ho le‘o; bea oku tatau moe koga bomikanite a ho manifinifihaga oku fakalilo aki ho louulu.

⁴Oku tatau ho kia moe fale maoluga nae laga e Tevita koe tukuaga oe mahafu tau, aia oku tautau ai ae fakaū e afe, ae ba kotoabe oe kau tagata to‘a.

⁵Oku tatau ho ogo huhu moe ogo kaseli mui oku na tatau, aia oku kai i he botu oe gaahi lile.

⁶Teu alu au ki he mouga oe mula, moe mouga oe laibeno, bea teu i ai o a‘u ki he maa hake ae aho, moe buna atu oe fakabouli.

⁷E hoku ofaaga, oku ke hoihoifua haohaoa; oku ikai ha mele iate koe.

⁸Ha‘u mo au mei Lebanoni, E hoku unoho, ha‘u mo au mei Lebanoni; jio hifo mei he tumutumu o Amana, mei he tumutumu o Senila mo Heamoni, mei he ana oe faga laione, mei he gaahi mouga oe faga lebati.

⁹E hoku tuofefine mo hoku unoho, kuo kāvea hoku loto kiate koe; kuo mole hoku loto i he jio mai tuo taha be a ho mata, moe kahoa be taha i ho kia.

¹⁰Hono ikai matamatalelei a hoo ofa, E hoku tuofefine mo hoku unoho! hono ikai lelei hake hoo ofa i he uaine, moe nanamu o hoo gaahi mea tākai i he mea namu kakala kotoabe.

¹¹E hoku unoho, oku to‘i ho lougutu o hage koe honi mei hono geeji: oku i lalo i ho elelo ae honi moe hua huhu; bea koe nanamu o ho gaahi kofu oku tatau moe nanamu o Lebanoni.

¹²Oku tatau moe goue kuo a‘i, a hoku tuofefine mo hoku unoho; koe vai mabunobuna ia kuo taofia, koe matavai ia kuo tabuni ke mau.

¹³Koia oku tubu iate koe oku tatau moe goue bomikanite mo hono gaahi fua lelei; koe saibalesi moe naatosi,

¹⁴Koe naatosi moe kakosi; koe kalamusi moe sinamone, moe akau kotoabe oku namu lelei; koe mula moe alosi, moe fugani hake oe gaahi kakala kotoabe:

¹⁵Koe matavai i he gaahi goue, koe matavai oe gaahi vai moui, moe gaahi vaitafe mei Lebanoni.

¹⁶E matagi tokelau, ke ke a; bea ha‘u moe toga; o havilivili ki he eku goue, koeuhi ke gagatu mei ai ae gaahi namu kakala. Tuku ke ha‘u a hoku ofaaga ki he ene goue, mo ne kai ai hono gaahi fua lelei.