KOE KAU FAKAMAU 12:1-15 TON1884 - Bible AI

¹1 Oku ke ae kau I falemi mo Jefita, bea fakailoga aki akinautolu ae Siboleti, bea tamate‘i e he kau Kiliati. 7 Oku bekia a Jefita. 8 Ko Ibisani, nae toko tolugofulu hono foha bea toko tolugo fulu hono ofefine, 11 mo Eloni, 13 mo Abitoni, nae toko fagofulu hono foha bea toko tolugofulu hono ilamutu, naa nau fakamāu‘i a Isileli. BEA nae fakakatoa fakataha akinautolu e he kau tagata o Ifalemi, o nau alu atu ki he botu tokelau, o nau behe kia Jefita, Koeha naa ke alu ai ki he fānau a Amoni ke tau, ka nae ikai te ke ui akimautolu ke tau o mo koe? te mau tutu ho fale i oluga iate koe.

²Bea nae behe e Jefita kiate kinautolu, Ko au mo hoku kakai naa mau feke‘ike‘i lahi moe fānau a Amoni; bea i he eku ui akimoutolu nae ikai te mou fakamoui au mei ho nau nima.

³Bea i he eku mamata nae ikai te mou fakamoui au, naaku ai eku moui ki hoku nima, beau alu atu o tuu hake ki he fānau a Amoni, bea nae tuku mai akinautolu e Jihova ki hoku nima: koia koeha kuo mou ha‘u ai he aho ni, ke tau kiate au?

⁴Bea nae tanaki fakataha e Jefita ae kau tagata kotoabe o Kiliati, bea naa ne tau‘i a Ifalemi: bea nae teia e he kau tagata o Kiliati a Ifalemi, koe mea i he e nau behe, Koe kau hola mei Ifalemi akimoutolu ae kau Kiliati, bea mei he kakai Manase.

⁵Bea tomua ma‘u ae gaahi aaaga e Joatani e he kakai Kiliati i he kakai Ifalemi: bea nae behe, i he lau e he kau Ifalemi koia kuo hao, o behe, Tuku au keu alu ki he kauvai; nae behe e he kau tagata o Kiliati ki ai, Koe tagata Ifalemi koe? Kabau naa ne behe, Ikai:

⁶Naa nau behe kiate ia, Ke ke behe mai Sihiboleti: Ka naa ne behe, Siboleti: he nae ikai te ne faa lea aki ia ke totonu: Bea naa nau ave ia, o tamate‘i ia i he aaaga o Joatani: bea nae to ai i he kuoga ko ia ae kau tagata Ifalemi e toko ua mano moe toko ua afe.

⁷Bea nae fakamāu a Isileli e Jefita i he ta‘u e ono. Bea nae toki bekia a Jefita koe tagata Kiliati, bea nae tanu ia i he kolo e taha i Kiliati.

⁸Bea nae hoko moia a Ibisani mei Betelihema i he fakamāu‘i a Isileli.

⁹Bea nae toko tolugofulu hono gaahi foha mo toko tolugofulu hono ofefine aia naa ne fekau atu ki he mamao, o ne omi ae gaahi ofefine e toko tolugofulu mei he mamao ki hono gaahi foha. Bea naa ne fakamāu‘i a Isileli i he ta‘u e fitu.

¹⁰Bea nae toki bekia ai a Ibisani, bea nae tanu ia i Betelihema.

¹¹Bea nae hoko mo ia a Eloni, koe tagata Sebuloni, o ne fakamāu‘i a Isileli; bea ne fakamāu eia a Isileli i he ta‘u e hogofulu.

¹²Bea nae bekia a Eloni koe tagata Sebuloni, bea nae tanu ia i Ajaloni i he fonua o Sebuloni.

¹³Bea nae hoko mo ia, ae fakamāu‘i a Isileli e Abitoni koe foha o Ileli koe tagata o Bilatoni.

¹⁴Bea nae toko fagofulu hono foha, bea toko tolugofulu hono ilamutu, nae faa heka i he asi mui e fitugofulu: bea nae fakamāu eia a Isileli i he ta‘u e valu.

¹⁵Bea nae bekia a Abitoni koe foha o Ileli, koe tagata Bilatoni, bea nae fai ia i Bilatoni i he fonua o Ifalemi, i he mouga oe kau Amaleki.