KOE KAU FAKAMAU 18:1-31 TON1884 - Bible AI

¹1 Oku fekau e he kakai Tani ae kau tagata e toko nima ke kumi ae tofia. 3 Oku nau alea moe tagata Livai i he fale o Maika, bea fiemalie ai i ho nau haia. 7 Oku nau vakai ki Leisi, o omi mei ai ae ogoogo oe amanaki lelei. 11 Oku fekau ae kau tagata e toko onogeau ke alu o kaba ki ai. 14 Oku nau kaihaaji ia Maika i ho nau fonoga, ae tamaioeiki mo ene gaahi mea tabu. 27 Oku nau lava‘i a Leisi, o ui ia ko Tani. 30 Oku nau fokotuu ae tamabua, bea tuku kia Jonatani ae gaue fakataulaeiki i ai. I HE gaahi aho koia nae ikai ha tu‘i i Isileli: bea i he gaahi aho koia nae kumi e he faahiga o Tani ha nau tofia ke nau nofo ai; koeuhi nae teeki ai ke to ho nau tofia kiate kiuautolu i he gaahi faahiga o Isileli, o a‘u ki he kuoga koia.

²Bea nae fekau e he fānau a Tani ae kau tagata e toko nima i ho nau faahiga mei ho nau fonua, ae kau tagata to‘a, mei Sola bea mei Esitaoli, ke nau vakai ae fonua, bea ke mataki‘i ia; bea naa nau behe kiate kinautolu, Alu, bea mataki‘i ae fonua: bea i he e nau hoko ki he mouga o Ifalemi, ki he fale o Maika, naa nau mohe i ai.

³Bea i he e nau ofi ki he fale o Maika, naa nau ilo ae le‘o oe tagata talavou koe Livai: bea naa nau afe ki ai, o nau behe kiate ia, Kohai naa ne omi koe ki heni? bea koeha oku ke fai i heni?

⁴Bea nae behe eia kiate kinautolu, Oku behe be, mo behe be e Maika kiate au, bea kuo ne no au kiate ia aki ae totogi, bea ko hono taulaeiki au.

⁵Bea naa nau behe kiate ia, Ko eni oku mau kole kiate koe, ke ke kole ki he Otua ae boto, koeuhi ke mau ilo be e monuia ho mau hala aia oku mau alu ai.

⁶Bea nae behe e he taulaeiki, Mou alu fiemalie be: oku afio e Jihova a ho mou hala aia oku mou alu ai.

⁷Bea nae toki alu ai ae kau tagata e toko nima o nau hoko ki Leisi, o mamata ki he kakai nae i ai, moe nau nofo noa ai be, o hage koe kau Saitoni, o fakafiemalie be mo hamumunoa; bea nae ikai ha fakamāu i he fonua ke fakama akinautolu i ha mea e taha; bea naa nau mamao mei he kau Saitoni; bea nae ikai te nau feogoogo‘i mo ha kakai.

⁸Bea naa nau ha‘u ki ho nau kiega ki Sola mo Esitaoli: bea behe e ho nau kiega kiate kinautolu, Koeha hoo mou lea?

⁹Bea naa nau behe, Tuu hake koeuhi ke tau alu hake kiate kinautolu: he kuo mau mamata ki he fonua, bea, vakai, oku lelei aubito ia: bea oku mou taegau‘e? oua naa mou fakabikobiko ke alu, bea ke hoko atu bea ma‘u ae fonua.

¹⁰Ka mou ka alu, te mou hoko ki he kakai oku nofo noa be, bea ki he fonua lahi: he kuo foaki ia e he Otua ki ho mou nima; koe botu oku ikai majiva i ha mea e taha oku i mamani.

¹¹Bea nae alu mei ai i he fānau oe faahiga o Tani, mei Sola bea mei Esitaoli, ae kau tagata e toko onogeau nae too mahafu tau.

¹²Bea naa nau alu hake, o abitaga i Keajajialimi, i Juta: koia naa nau ui ai ae botu koia ko Mahane‐tani o a‘u ki he aho ni: vakai, oku tuu ia itua Keaja‐jialimi.

¹³Bea naa nau alu mei ai ki he mouga ko Ifalemi, o hoko atu ki he fale o Maika.

¹⁴Bea nae lea ae kau tagata e toko nima nae alu ke mataki‘i ae fonua ko Leisi, o nau behe ki ho nau kaiga, Oku mou ilo oku i he gaahi fale ni ae efoti, moe tamabua, moe mea fakatātā kuo ta moe fakatātā kuo haka? bea ko eni mou fakakaukau be koeha te mou fai.

¹⁵Bea naa nau afe ki ai, bea hoko ki he fale oe talavou koe Livai, io ki he fale o Maika o nau fetaba kiate ia.

¹⁶Bea koe kau tagata e toko onogeau nae too mahafu tau aia nae i he fānau a Tani, naa nau tuu i he huaga oe mataba.

¹⁷Bea nae alu hake o hu ki ai, ae kau tagata e toko nima, nae alu ke mataki‘i ae fonua, o nau too ae mea fakatātā kuo ta moe efoti, moe tamabua, moe fakatātā kuo haka; bea nae tuu ae taulaeiki i he huaga oe mataba fakataha moe kau tagata e toko onogeau aia nae too mahafu tau.

¹⁸Bea nae alu akinautolu ki he fale o Maika, bea omi mei ai ae mea fakatātā kuo ta, moe efoti, moe tamabua, moe fakatātā kuo haka. Bea behe e he taulaeiki kiate kinautolu, Koeha oku mou fai?

¹⁹Bea naa nau behe kiate ia, Ke ke logo be koe; ai ho nima ki ho gutu, bea ke ha‘u ke tau o, bea ke hoko kiate kimautolu koe tamai moe taulaeiki: he oku lelei kiate koe ke nofo koe taulaeiki ki he fale oe tagata be taha, be ko hoo hoko koe taulaeiki ki he faahiga moe fale o Isileli?

²⁰Bea nae fiefia ae loto oe taulaeiki, bea nae too eia ae efoti, moe tamabua, moe mea fakatātā kuo ta, bea alu ia i he lotolotoga oe kakai.

²¹Koia naa nau tafoki o alu ai, bea nae fakaheka ae fānau jii ki he gaahi saliote moe faga manu ke muomua iate kinautolu.

²²Bea i he e nau mamao atu mei he fale o Maika, nae katoa ae kau tagata nae i he gaahi fale ofi ki he fale o Maika, o nau tuli o hoko atu ki he fānau a Tani.

²³Bea naa nau tagi ki he fānau a Tani. Bea naa nau tagaki kimui, o behe kia Maika, Koeha aau, oku ke ha‘u ai moe kakai behe?

²⁴Bea nae behe eia, Kuo mou too o ave hoku gaahi otua naaku gaohi, bea moe taulaeiki, bea kuo mou alu: bea koeha oku toe iate au? bea koeha ia oku mou lea ai kiate au, Koeha aau?

²⁵Bea nae behe e he fānau a Tani kiate ia, Oua naa ogona ho le‘o iate kimautolu telia naa oho atu kiate koe ae kau jiana loto ita, bea e mole iate koe hoo moui, fakataha moe moui a ho kau nofoaga.

²⁶Bea nae alu ae fānau a Tani i ho nau hala: bea i he mamata a Maika ki he e nau fai malohi lahi kiate ia, nae tafoki ia o alu ki hono fale.

²⁷Bea naa nau ave ae gaahi mea nae gaohi e Maika, moe taulaeiki naa ne ma‘u, o nau hoko ki Leisi, ki he kakai nae nofo fiemalie be mo hamumunoa: bea naa nau teia akinautolu aki ae mata oe heleta, bea nae tutu e nau kolo aki ae afi.

²⁸Bea nae ikai ha fakamoui, he nae mamao ia mei Saitoni, bea nae ikai te nau kau mo ha kakai; bea nae tuu ia i he telea aia oku ofi ki Bete‐lehobi. Bea naa nau laga ae kolo o nofo i ai.

²⁹Bea naa nau ui ae higoa oe kolo ko Tani, o hage koe higoa o Tani koe nau tamai, aia nae fanau kia Isileli: ka koe mooni nae fuofua ui ae kolo koia ko Leisi.

³⁰Bea nae fokotuu hake e he fānau a Tani ae tamabua fakatātā: bea ko Jonatani, koe foha o Kesomi, koe foha o Manase, koia mo hono gaahi foha nae hoko koe kau taulaeiki ki he faahiga o Tani o a‘u ki he aho oe fakabobula‘i ae fonua.

³¹Bea naa nau fokotuu hake ae tamabua nae ta e Maika, aia naa ne gaohi, i he kuoga kotoabe nae nofo ai ae fale oe Otua i Soulo.