KOE KAU FAKAMAU 2:1-23 TON1884 - Bible AI

¹1 Oku valoki e he agelo ae kakai o Bokimi. 6 Koe agakovi oe toutagata foou nae hoko mo Josiua. 14 Koe houhau oe Otua mo ene aloofa kiate kinautolu. 20 Kuo tuku ae kau Kenani ke ahiahi‘i a Isileli. BEA nae ha‘u ae agelo a Jihova mei Kilikali ki Bokimi, o ne behe, Naaku o hake akimoutolu mei Ijibite, bea kuou omi akimoutolu ki he fonua aia naaku fuakava ai ki hoo mou gaahi tamai; bea neu behe, E ikai aubito teu liaki eku fuakava mo kimoutolu.

²Bea e ikai te mou alea ke fakataha moe kakai oe fonua ni: ka te mou laku hifo ho nau gaahi feilaulauaga: ka nae ikai te mou fai talagofua ki hoku le‘o: koeha kuo mou fai ai ae mea ni?

³Koia kuou lea foki o behe, E ikai teu kabuji akinautolu mei ho mou ao: ka te nau hoko koe gaahi tala‘i akau i ho mou vakavaka, bea ko ho nau gaahi otua koe tauhele kiate kimoutolu.

⁴Bea nae hoko o behe, i he lea ae agelo a Jihova aki ae gaahi lea ni ki he fānau kotoabe a Isileli, nae hiki hake ho nau le‘o e he kakai, o tagi.

⁵Bea naa nau ui hono higoa oe botu koia ko Bokimi: bea naa nau fai i ai ae feilaulau kia Jihova.

⁶Bea i he tuku e Josiua ae kakai ke alu; nae alu ae fānau a Isileli ae tagata taki taha kotoabe ki hono tofia ke ma‘u ae fonua.

⁷Bea nae tauhi a Jihova e he kakai i he aho kotoabe o Josiua, bea moe gaahi aho kotoabe oe kau mātua naa nau auhia o Josiua, akinautolu nae mamata ki he gaahi gaue lahi a Jihova, aia naa ne fai maa Isileli.

⁸Bea nae bekia a Josiua koe foha o Nuni koe tamaioeiki a Jihova, kuo teau ta‘u hono motua moe ta‘u e hogofulu.

⁹Bea nae nau fai hono butu i he vee fonua o hono tofia i Timinate‐helesi, i he mouga o Ifalemi, i hono botu tokelau oe mouga ko Keasi.

¹⁰Bea nae tanaki foki ae toutagata kotoabe koia ki he e nau gaahi tamai; bea nae tubu hake ae toutagata e taha o hoko mo kinautolu, aia nae ikai te nau ilo a Jihova, be koe gaahi gaue foki nae fai eia maa Isileli.

¹¹Bea nae fai kovi ae fānau a Isileli i he ao o Jihova, bea naa nau tauhi a Beali:

¹²Bea naa nau liaki a Jihova koe Otua oe nau gaahi tamai, aia naa ne omi akinautolu mei he fonua ko Ijibite, o nau muimui ki he gaahi otua kehe, i he gaahi otua oe kakai nae nofo takatakai iate kinautolu, o nau bunou hifo akinautolu kiate kinautolu, o fakatubu ae houhau o Jihova.

¹³Bea naa nau liaki a Jihova, o tauhi a Beali mo Asiteloti.

¹⁴Bea nae tubu o vela lahi ae houhau a Jihova ki Isileli, bea naa ne tukuage akinautolu ki he nima oe kau maumau, aia nae maumau‘i akinautolu, bea naa ne fakatau akinautolu ki he nima o ho nau gaahi fili nae takatakai akinautolu, koia nae ikai te nau kei faa tuu i he ao o ho nau gaahi fili.

¹⁵Koe gaahi botu kotoabe naa nau alu ki ai, nae hiki ai ae nima o Jihova kiate kinautolu ki he kovi, o hage koe lea a Jihova, bea hage koe fuakava a Jihova kiate kinautolu: bea naa nau mamahi lahi.

¹⁶Ka ne ogo ia nae fokotuu hake e Jihova ae kau fakamāu, aia nae fakamoui akinautolu mei he nima o kinautolu nae maumau‘i akinautolu.

¹⁷Ka nae ikai te nau fie fanogo ki ho nau kau fakamāu, ka naa nau alu holi kovi be ki he gaahi otua kehe, ke bunou hifo akinautolu ki ai: naa nau tafoki vave mei he hala aia nae alu ai e nau gaahi tamai, i he e nau fai talagofua ki he gaahi fekau a Jihova: he nae ikai te nau fai behe.

¹⁸Bea i he fokotuu e Jihova ae kau fakamāu kiate kinautolu, bea nae i he fakamāu a Jihova, o ne fakamoui akinautolu mei he nima o ho nau gaahi fili i he gaahi aho kotoabe oe fakamāu: he nae fakatomala a Jihova koe mea i he e nau gaahi to‘e koeuhi ko kinautolu nae fakamamahi‘i akinautolu mo fakafiu‘i akinautolu.

¹⁹Bea nae hoko o behe, i he bekia leva ae fakamāu, naa nau tafoki o fakahala‘i lahi aubito hake akinautolu i he e nau gaahi tamai, i he muimui i he gaahi otua kehe ke tauhi akinautolu, o bunou hifo ki ai; nae ikai te nau tuku e nau fai ki ho nau faiaga, be mei he aga malohi a nautolu.

²⁰Bea nae tubu o vela ae houhau o Jihova ki Isileli; bea nae behe eia, Koe mea i he liaki e he kakai ni eku fuakava aia naaku fekau ki he e nau gaahi tamai, bea oku ikai te nau tokaga ki hoku le‘o;

²¹Gata mei heni, e ikai teu kabuji mei ho nau ao ae gaahi buleaga nae tuku e Josiua i he ene bekia;

²²Koeuhi keu ahiahi‘i a Isileli iate kinautolu, ke ilo be te nau tauhi ae hala o Jihova ke alu i ai, o hage hono tauhi ia e he e nau gaahi tamai, be ikai.

²³Koia nae tuku be e Jihova ae gaahi buleaga koia, o ikai kabuji vave akinautolu kituaa: bea nae ikai te ne tukuage akinautolu ki he nima o Josiua.