KOE KAU FAKAMAU 3:1-31 TON1884 - Bible AI

¹1 Koe gaahi buleaga nae tuku ke ahiahi‘i a Isileli. 6 I he e nau feohi mo kinautolu oku nau tauhi otua loi. 8 Oku fakamoui akinautolu e Otinili mei a Kusani‐lisateimi. 12 Ko Ehuti mei Ekeloni, 31 Ko Samikaa mei he kau Filisitia. BEA koe gaahi buleaga eni nae tuku e Jihova ke ahiahi aki a Isileli, io akinautolu i Isileli, nae ikai te nau ilo ae gaahi tau kotoabe oe kau Kenani:

²Koeuhi ke hoko o ilo ai e he gaahi toutagata kotoabe o Isileli, ke ako tau kiate kinautolu, koeuhi be akinautolu nae ikai te nau tomua ilo jii ia:

³Koe eiki e toko nima oe kau Filisitia, moe kau Kenani kotoabe, moe kau Saitoni, moe kau Hevi nae nofo i he mouga ko Lebanoni, mei he mouga ko Beali‐heamoni ki he huaga ki Hemati.

⁴Bea nae tuku ke ahiahi‘i aki a Isileli ekinautolu, ke ilo be te nau fanogo ki he gaahi fekau a Jihova, aia naa ne fekau ki he e nau gaahi tamai i he nima o Mosese.

⁵Bea nae nofo ae fānau a Isileli fakataha moe kau Kenani, moe kau Heti, moe kau Amoli, moe kau Belesi, moe kau Hevi, moe kau Jebusi:

⁶Bea naa nau omi ho nau gaahi ofefine ke hoko ko ho nau gaahi unoho, bea naa nau atu ho nau gaahi ofefine ki ho nau gaahi foha, o nau tauhi ho nau gaahi otua.

⁷Bea nae fai kovi e he fānau a Isileli i he ao o Jihova, o fakagalo‘i a Jihova ko ho nau Otua, o nau tauhi a Beali moe gaahi vao tabu.

⁸Koia nae vela ai ae houhau a Jihova ki Isileli, o ne fakatau akinautolu ki he nima o Kusani‐lisateimi koe tu‘i o Mesebotemia: bea nae tauhi e he fānau a Isileli a Kusani‐lisateimi i he ta‘u e valu.

⁹Bea i he tagi ae fānau a Isileli kia Jihova, nae fokotuu hake e Jihova ae fakamoui ki he fānau a Isileli, aia naa ne fakamoui akinautolu, io ko Otinili koe foha o Kenasi, koe tehina o Kelebi.

¹⁰Bea nae iate ia ae Laumalie o Jihova, bea ne fakamāu‘i eia a Isileli, o ne fai ae tau: bea nae tukuage e Jihova a Kusani‐lisateimi koe tu‘i o Mesebotemia ki hono nima; bea nae malohi hono nima kia Kusani‐lisateimi.

¹¹Bea nae nofo fiemalie be ae fonua i he ta‘u e fagofulu. Bea nae bekia a Otinili koe foha o Kenasi.

¹²Bea nae toe fai agakovi ae fānau a Isileli i he ao o Jihova: bea nae fakamalohi e Jihova a Ekeloni koe tu‘i o Moabe kia Isileli, koe mea i he e nau fai kovi i he ao o Jihova.

¹³Bea ne ne fakataha kiate ia ae fānau a Amoni mo Amaleki, o ne alu o teia a Isileli, bea ne ma‘u eia ae kolo oe akau koe boga.

¹⁴Bea behe, nae tauhi e he fānau a Isileli, a Ekeloni, koe tu‘i o Moabe i he ta‘u e hogofulu ma valu.

¹⁵Ka i he tagi ae fānau a Isileli kia Jihova, nae fokotuu hake e Jihova ha fakamoui kiate kinautolu, ko Ehuti koe foha o Kela, oe kakai Benijimani, koe tagata hema: bea nae ave iate ia e he fānau a Isileli ae mea ofa kia Ekeloni koe tu‘i o Moabe.

¹⁶Bea nae gaohi e Ehuti haa ne hele fakatoumata, koe haga e ua hono loloa; bea naa ne nonoo ia i hono lalo kofu ki hono tega toomatau.

¹⁷Bea ne omi eia ae mea ofa kia Ekeloni koe tu‘i o Moabe: bea koe tagata jino lahi a Ekeloni.

¹⁸Bea hili ene atu ae mea ofa, naa ne fekau ke alu ae kakai nae fua ae mea ofa.

¹⁹Ka nae foki mai ia mei he gaahi maka kuo ta nae ofi ki Kilikali, o ne behe, E tu‘i, oku ai eku fekau fufu kiate koe: bea naa ne behe, Ke logo be. Bea ko kinautolu kotoabe nae tutuu i ai nae alu kitua.

²⁰Bea nae ha‘u a Ehuti kiate ia: nae nofo ia i he fale fakahavilivili naa ne gaohi moona be. Bea behe e Ehuti, Kuou ma‘u ae fekau mei he Otua kiate koe. Bea nae tuu hake ia mei hono nofoa.

²¹Bea nae mafao atu hono nima toohema e Ehuti, o too mai ae heleta mei hono tuatega toomatau, bea ne hoka‘i aki ia i hono kete.

²²Bea nae mole ai ki loto hono fakavaka moe mata oe hele; bea oboji ae matalavea ki he hele, koia nae ikai te ne mafai ke toe toho mai ae hele mei hono kete: bea nae ha‘u kitua hono kovi.

²³Bea alu ai a Ehuti ki fale, bea ne tabuni ae mataba oe botu fale kiate ia, ke mau.

²⁴Bea hili ene alu kituaa, nae ha‘u ai ene kau tamaioeiki: bea i he e nau mamata, bea vakai, kuo mau ae gaahi mataba oe botu fale, naa nau behe, Naa oku fai ene mea i hono botu fale.

²⁵Bea naa nau ma i he tatali: bea, vakai, nae ikai too eia ae gaahi mataba oe botu fale; koia naa nau to ai ae ki, bea vete aki: bea, vakai, kuo to o mate ho nau eiki ki lalo ki he kelekele.

²⁶Bea nae hao a Ehuti i he e nau fakatuai, bea mole atu ia o mamao i he gaahi botu oe taaga maka, bea hao atu ia ki Seilati.

²⁷Bea nae hoko o behe, i he ene hoko atu, nae ifi leva ae mealea i he mouga o Ifalemi, bea alu hifo mo ia ae fānau a Isileli mei he mouga, bea muomua iate kinautolu.

²⁸Bea behe eia kiate kinautolu, Mou muimui mai iate au: he kuo tukuage e Jihova ho mou gaahi fili koe kakai Moabe ki ho mou nima. Bea naa nau alu hifo o muimui iate ia, o nau ma‘u ae gaahi aaaga o Joatani o haga ki Moabe, bea nae ikai te nau tuku ha tagata e toko taha ke aa ai.

²⁹Bea naa nau ta‘i ae kau tagata Moabe i he kuoga koia, koe toko taha mano nai, koe kau tagata jino kotoabe bea to‘a; bea nae ikai hao ha tagata e toko taha.

³⁰Bea nae fakamoulaloa a Moabe i he aho koia ki he nima o Isileli. Bea nae nofo fiemalie ae fonua i he ta‘u e valugofulu.

³¹Bea nae hoko mo ia a Samikaa koe foha o Anati, aia nae teia ae kau Filisitia e toko onogeau aki ae tao oku hoka aki ae bulu bea naa ne fakamoui foki eia a Isileli.