KOE KAU FAKAMAU 6:1-40 TON1884 - Bible AI

¹1 Oku fakamamahi e Mitiane ae fānau a Isileli i h e e nau gaahi agahala. 8 Oku valoki akinautolu e ha balofita. 11 Oku fekau a Kitione e he agelo ke ho nau fakamoui. 17 Koe mea ofa a Kitione oku auha i he afi. 24 Oku fakaauha e Kitione ae feilaulauaga o Beali, mo ene atu ae feilaulau i he feilaulauaga o Jihova‐salomi. 28 Oku lagomaki hono foha e Joasi, bea ui hono higoa ko Jelubeali. 33 Koe tau a Kitione. 36 Koe gaahi fakailoga kia Kitione. BEA nae fai kovi ae fānau a Isileli i he ao o Jihova: bea nae tukuage akinautolu e Jihova ki he nima o Mitiane:

²Bea nae malohi ae nima o Mitiane ki Isileli: bea koe mea i he kakai Mitiane nae gaohi e he kakai Isileli moo nautolu ae gaahi toitoiaga i he gaahi ana, moe gaahi botu malohi, i he gaahi mouga.

³Bea nae behe, feouga moe to ae ta‘u e Isileli, nae alu hake ae kakai Mitiane, moe kakai Amaleki, moe fānau mei he botu hoboagalaa, io nae ha‘u akinautolu ke tau kiate kinautolu;

⁴Bea naa nau fakanofo ae tau kiate kinautolu, bea naa nau maumau ae fua oe fonua, o fai atu ki Kesa, bea nae ikai tuku ha mea kai ki Isileli, be ha sibi, be ha bulu, be ha asi.

⁵He naa nau alu hake moe nau faga manu mo ho nau gaahi tuufale, bea nau ha‘u o hage koe faga hee ho nau toko lahi; he ko kinautolu mo e nau gaahi kameli nae tae faa laua: bea naa nau ha‘u ki he fonua ko hono fakaauha.

⁶Bea nae fakamajiva lahi a Isileli koe mea i he kakai Mitiane; bea nae tagi ae fānau a Isileli kia Jihova.

⁷Bea nae hoko o behe, i he tagi ae fānau a Isileli kia Jihova koe mea i he kakai Mitiane,

⁸Nae fekau e Jihova ae balofita ki he fānau a Isileli, aia naa ne behe kiate kinautolu, Oku behe mai a Jihova koe Otua o Isileli, Naaku omi akimoutolu mei Ijibite, bea omi akimoutolu kitua mei he fale oe fakabobula;

⁹Bea naaku fakamoui akimoutolu mei he nima oe kakai Ijibite, bea mei he nima o kinautolu, kotoabe nae fakamamahi‘i akimoutolu, beau kabuji atu akinautolu mei ho mou ao, beau foaki kiate kimoutolu ho nau fonua;

¹⁰Bea neu behe kiate kimoutolu, Ko au ko Jihova ko ho mou Otua; oua naa mou manavahe ki he gaahi otua oe kau Amoli, koe fonua o nautolu oku mou nofo ai: ka kuo ikai te mou fai talagofua ki hoku le‘o.

¹¹Bea nae ha‘u ai ae agelo a Jihova, bea nofo i he lolo oke aia nae i Ofila, bea nae o Joasi oe fānau a Abiesa: bea nae haha uite e hono foha ko Kitione o ofi ki he tataoaga uaine, ke fufu ia mei he kakai Mitiane.

¹²Bea nae fakahāhā ae agelo a Jihova kiate ia, o ne behe kiate ia, Oku iate koe a Jihova, akoe koe tagata malohi mo to‘a.

¹³Bea nae behe e Kitione kiate ia, E hoku Eiki, kabau oku iate kimautolu a Jihova, koeha kuo to ai ae gaahi mea ni kiate kimautolu? bea kuo ife ae gaahi mea mana aia nae tala e he e mau gaahi tamai kiate kimautolu, o behe, Ikai nae omi akimautolu e Jihova mei Ijibite? ka ko eni kuo liaki akimautolu e Jihova, bea kuo tukuage akimautolu ki he nima oe kakai Mitiane.

¹⁴Bea nae afio a Jihova kiate ia, o ne behe, Alu i he malohi ni oou, bea te ke fakamoui ekoe a Isileli mei he nima oe kakai Mitiane: ikai kuou fekau‘i koe?

¹⁵Bea nae behe eia kiate ia, E hoku Eiki, e fakamoui fefe‘i e au a Isileli? vakai, oku majiva hoku fale i Manase, bea koe jii hifo taha be au i he fale o eku tamai.

¹⁶Bea nae behe e Jihova kiate ia, Koe mooni teu iate koe, bea te ke ta‘i ae kakai Mitiane o hage koe tagata be taha.

¹⁷Bea behe eia kiate ia, Ko eni kabau kuou ma‘u ae ofa i ho ao, bea ke fakaha kiate au ha fakailoga oku ta alea mo koe.

¹⁸Oku ou kole kiate koe, oua naa ke alu i heni, kae oua keu ha‘u kiate koe mo eku mea ofa, beau fokotuu ia i ho ao. Bea nae behe eia, Teu tatali be ke oua ke ke toe ha‘u.

¹⁹Bea nae alu ai a Kitione, o ne teu ae uhiki‘i koji, moe ma tae fakalevani i he efa e taha oe mahoaa: naa ne fao ae kakano i ha kato, bea ne ai ae vaihu ki ha kulo, o ne omi ia ki he lolo oke, o ne atu ia.

²⁰Bea nae behe e he agelo ae Otua kiate ia, Too ae kakano moe gaahi ma tae fakalevani, bea ai ia ki he maka ni, bea liligi ae vaihu. Bea naa ne fai ia.

²¹Bea nae toki mafao atu e he agelo a Jihova ae mua tokotoko nae i hono nima, ke lave ki he kakano moe gaahi ma tae mea fakatubu; bea nae alu hake ae afi mei he maka, bea nae ojioji ai ae kakano moe gaahi ma tae fakalevani. Bea nae alu ai ae agelo a Jihova mei hono ao.

²²Bea i he ilo e Kitione koe agelo ia a Jihova, nae behe e Kitione, Oiaue, E Jihova koe Otua! he kuou mamata ki he agelo a Jihova koe mata ki he mata.

²³Bea nae behe e Jihova kiate ia, Ke fiemalie be akoe; oua naa ke manavahe: e ikai te ke mate.

²⁴Bea nae fokotuu i ai e Kitione ae feilaulauaga kia Jihova, o ne ui ia, ko Jihova‐salomi: oku i Ofila ia oe kau Abiesa o a‘u ki he aho ni.

²⁵Bea nae hoko o behe i he bo be koia, nae behe e Jihova kiate ia, Too ae bulu mui a hoo tamai, io hono ua oe bulu oku fitu ta‘u ene motua, bea tulaki hifo ae feilaulauaga o Beali aia nae laga e hoo tamai, bea ta hifo ae vao tabu oku ofi ki ai:

²⁶Bea ke laga ae feilaulauaga kia Jihova ko ho Otua i he fuga oe maka ni, i he botu malohi, bea ke omi hono ua oe bulu, bea atu ia koe feilaulau tutu ia, mo fefie aki ae akau oe vao tabu aia ke ke ta hifo.

²⁷Bea nae too e Kitione ae kau tagata ko ene kau tamaioeiki e toko hogofulu, o ne fai o hage koe fekau a Jihova kiate ia: bea koe mea i he ene manavahe ki he kakai oe fale o ene tamai, moe kau tagata oe kolo, nae ikai te ne mafai ia i he aho, bea nae fai eia ia i he bouli.

²⁸Bea i he tuu hegihegi hake i he bogibogi ae kau tagata oe kolo, vakai, koe feilaulauaga o Beali kuo tulaki ki lalo, bea kuo ta hifo moe vao tabu nae ofi ki ai, bea ko hono ua oe bulu kuo oji hono atu o feilaulau aki ki he feilaulauaga aia nae laga.

²⁹Bea naa nau febeheaki iate kimautolu, Kohai kuo ne fai ae mea ni? Bea i he e nau eke mo fehui, naa nau behe, Kuo fai ae mea ni e Kitione koe foha o Joasi.

³⁰Bea behe ai e he kau tagata oe kolo kia Joasi, Omi ho foha kitua ke tamate ia: koe mea i he ene tulaki hifo ae feilaulauaga o Beali, bea koe mea i he ene ta hifo ae vao tabu nae ofi ki ai.

³¹Bea nae behe e Joasi kiate kinautolu nae agatuu kiate ia, Te mou lagomaki‘i a Beali? he te ne fakamoui akimoutolu? koia oku lagomaki‘i a Beali ke tamate‘i ia i he kei bogibogi: kabau koe otua ia, ke lagomaki‘i ia eia be, koeuhi kuo tulaki hifo e ha toko taha a hono feilaulauaga.

³²Koia naa ne ui ia i he aho koia ko Jelubeali, o behe, Tuku ke lagomaki‘i ia e Beali, he kuo ne tulaki hifo hono feilaulauaga.

³³Bea nae toki fakataha ai ae kakai Mitiane kotoabe moe kakai Amaleki moe fānau kotoabe oe botu hahake, o nau alu atu, o abitaga i he telea o Jesilili.

³⁴Ka nae hoko kia Kitione ae Laumalie o Jihova, bea ne ifi eia ae mealea: bea nae fakataha o muimui iate ia ae kakai Abiesa.

³⁵Bea nae fekau eia ki Manase kotoabe; bea nae nau tanaki o muimui iate ia foki: bea nae fekau eia ki Aseli, bea ki Sebuloni, mo Nafitalai; bea na nau ha‘u ke fakafetaulaki kiate kinautolu.

³⁶Bea nae behe e Kitione ki he Otua, Kabau te ke fakamoui a Isileli aki hoku nima o hage ko hoo folofola,

³⁷Vakai, teu ai ae fulufulu‘i sibi kotoa ki he kelekele: bea kabau oku i he fulufulu‘i sibi be ae hahau, bea momoa ae kelekele kotoabe, teu ilo ai te ke fakamoui a Isileli i hoku nima, o hage ko hoo folofola.

³⁸Bea nae behe: he nae tuu bogibogi hake ia i he bogibogi, o tatau ae hahau mei he fulufulu i sibi, bea nae fonu ha ibu i he vai.

³⁹Bea nae behe e Kitione ki he Otua, Oua naa tubu o lahi hoo houhau kiate au, bea teu lea ke tuo taha ni: oku ou kole kiate koe tuku au keu ahiahi‘i koe ke tuo taha ni aki ae fulufulu‘i sibi: tuku ke momoa be ae fulufulu‘i sibi, kae i he kelekele kotoabe ae hahau.

⁴⁰Bea nae fai ia e he Otua i he bo koia: he nae momoa ae fulufulu‘i sibi be, ka nae hahauia ae kelekele kotoabe.