KOE TAGILAULAU A JELEMAIA 1:1-22 TON1884 - Bible AI

¹1 Ae kovi o Jelusalema koe mea i he ene agahala. 12 Oku ne tagi koeuhi ko ene mamahi, 18 bea oku fakaha oku maonioni ae gaahi fakamāu ae Otua. OIAU! ae nofo lala be ae kolo aia nae bito i he kakai! kuo ne hoko o hage koe fefine kuo mate hono unoho! koia, aia nae lahi i he gaahi buleaga, bea hage koe eiki fefine ki he gaahi botu buleaga, kuo hoko ia koe fai tukuhau!

²Oku ne tagi mamahi i he bo, bea oku i hono kouahe a hono loimata; i he ene gaahi kaumea kotoabe, oku ikai ha taha ke fakafiemalie ia: kuo fai kākā a ene gaahi kaumea kotoabe kiate ia, kuo nau hoko ko hono gaahi fili.

³Kuo alu a Juta ki he bobula, koeuhi koe mamahi bea koeuhi koe gaue lahi: oku ne nofo moe hiteni, oku ikai te ne ilo ha fiemalie: nae ma‘u ia e he kau fakataga kotoabe i he gaahi botu laujii.

⁴Oku tagi ae gaahi hala o Saione, koeuhi oku ikai ha niihi ke ha‘u ki he gaahi katoaga mamafa: oku lala hono gaahi mataba kotoabe: oku mafulu ene kau taulaeiki, oku mamahiia ene kau tāuboou, bea oku ne i he kona.

⁵Oku maoluga a hono gaahi fili, oku tubu lelei hono gaahi fili; he kuo fakamamahi‘i ia e Jihova koeuhi koe lahi o ene gaahi agahala: kuo alu ene fānau ki he bobula i he ao oe fili.

⁶Bea kuo mole ae hoihoifua kotoabe mei he ofefine o Saione: kuo hoko a ene gaahi houeiki o hage koe faga haate oku ikai ke ilo ha botu ke kai, bea kuo nau hola tae ha malohi i he ao oia oku tuli.

⁷Nae manatu e Jelusalema i he gaahi aho o ene mahaki mo ene gaahi mamahi, a ene mea malie kotoabe aia naa ne ma‘u i he gaahi aho i mua, aia nae to a ene kakai ki he nima oe fili, bea nae ikai ha tokoni kiate ia: nae mamata ae kau fili kiate ia bea nau taukae ki hono gaahi aho tabu.

⁸Kuo fai kovi lahi e Jelusalema; koia kuo fetukutuku ai ia: ko kinautolu kotoabe nae fakaabaaba kiate ia oku nau manuki, ki ai, koeuhi kuo nau mamata ki he ene telefua: io, oku ne mafulu bea foki ki mui.

⁹Oku i hono kaba‘i kofu a ene uli; oku ikai ha manatu iate ia ki hono gataaga; koia naa ne to hifo fakamanavahe: nae ikai iate ia ha taha ke fakafiemalie. E Jihova ke ke afio ki he eku mamahi: he kuo fakahikihiki eia ia, e he fili.

¹⁰Kuo mafao ae fili a hono nima ki he ene gaahi mea lelei kotoabe: he kuo ne mamata nae hu ae hiteni ki hono botu tabu, aia naa ke fekau, ke oua naa nau hoko atu ki hoo kakai.

¹¹Oku mafulu a ene kakai kotoabe, oku nau kumi ma, kuo nau foaki e nau gaahi mea lelei koe mea kai, ke tokoni ae laumalie: E Jihova ke ke afio bea vakai; he kuou hoko o fakalielia.

¹²Ko ha mea noabe eni kiate kimoutolu, akimoutolu kotoabe oku aluage? vakai, bea mamata, be oku ai ha mamahi o hage ko eku mamahi, aia oku fai kiate au, aia kuo fakamamahi aki au e Jihova i he aho o hono houhau lahi.

¹³Kuo ne fakahifo mei oluga ae afi ki hoku gaahi hui, bea oku ne malohi ki ai: kuo ne fola ha kubega ki hoku va‘e; kuo ne fakatafoki‘i au ki mui: kuo ne gaohi au koe liaki moe vaivai i he aho kotoabe.

¹⁴Koe noo o eku gaahi agahala, kuo na‘i aki hono nima: oku nau fihi, bea oku a‘u hake ki hoku kia: kuo ne bule ke higa a eku malohi, kuo tukuage au e Jihova ki ho nau nima, bea oku ikai teu mafai ke tuu hake.

¹⁵Kuo malaki hifo e Jihova a eku kau tagata malohi kotoabe, i hoku haohaoga: kuo ne ui ha fakataha kiate au ke taomia eku kau talavou: kuo molomoloki e Jihova ae tāuboou, koe ofefine o Juta, o hage i ha tataoaga uaine.

¹⁶Koeuhi koe gaahi mea ni oku ou tagi; ko hoku mata, ko hoku mata oku tafe hifo i he vai, koeuhi oku mamao meiate au ae fakafiemalie nae totonu ke tokoni hoku laumalie: oku liaki be eku fānau, koeuhi nae malohi mai ae fili.

¹⁷Oku mafao atu e Saione a hono nima, bea oku ikai ha niihi ke fakafiemalie kiate ia: kuo fekau e Jihova kia Jekobe, ke takatakai ia e hono gaahi fili: oku hage ha fefine mahaki a Jelusalema iate kinautolu.

¹⁸Oku maonioni a Jihova; he kuou fai talagataa ki he ene fekau; oku ou kole kiate kimoutolu ae kakai kotoabe fanogo bea mou vakai ki he eku mamahi: kuo alu eku kau tāuboou mo eku kau talavou ki he bobula.

¹⁹Neu ui ki he eku kau mamana, ka naa nau kākā‘i au: ko eku kau taulaeiki mo eku kau mātua naa nau tukuage a ho nau laumalie i he kolo, i he e nau kei kumi mea kai ke fakafiemalie ho nau laumalie.

²⁰Afio mai e Jihova, he oku ou mamahi: oku gau‘e mamahi hoku fatu; kuo liliu hoku loto iate au; he kuou fai talagataa aubito; i tuaa oku fakamajiva e he heleta, bea oku i he loto fale ae mate.

²¹Kuo nau fanogo oku ou mafulu: oku ikai ha taha ke fakafiemalie kiate au, kuo fanogo a hoku gaahi fili kotoabe ki he eku mamahi; oku nau fiefia koeuhi kuo ke fai ia: he te ke fakahokojia ae aho kuo ke tuutuuni, bea te nau hoko be o hage ko au.

²²Tuku ke hoko ki ho ao ae nau gaahi agahala kotoabe; bea ke fai kiate kinautolu, o hage koia kuo ke fai kiate au koeuhi ko eku gaahi agahala kotoabe: he oku lahi eku mafulu, bea oku vaivai hoku loto.