KOE TAGILAULAU A JELEMAIA 5:1-22 TON1884 - Bible AI

¹Koe tagi mamahi a Saione, i he lotu ki he Otua. E JIHOVA, ke ke manatu ki he mea kuo hoko kiate kimautolu: tokaga bea ke afio ki ho mau taukae.

²Kuo liliu ho mau tofia ki he kau muli, a ho mau gaahi fale ki he auhe.

³Koe kau fa‘e mate mo tamai mate akimautolu, koe mau gaahi fa‘e kuo hage kuo mate a ho nau gaahi unoho.

⁴Kuo mau inu vai i he totogi baaga, koe mau fefie oku fakatau kiate kimautolu.

⁵Oku maulalo a ho mau kia ki he fakataga: oku mau gaue bea oku ikai ha mālōlō.

⁶Kuo mau fekuku nima moe kau Ijibite, bea moe kau Asilia, ke mau makona i he ma.

⁷Nae fai agahala ae mau gaahi tamai, bea oku ikai, bea kuo mau fua e nau gaahi hia.

⁸Kuo bule ae kau tamaioeiki kiate kimautolu, oku ikai ha niihi oku fakahaofi akimautolu mei ho nau nima.

⁹Naa mau ma‘u mea kai i he tuutamaki oe mau moui, koeuhi koe heleta i he toafa.

¹⁰Nae uliuli a ho mau kili o hage koe gotoumu, koe mea i he hoge fakamanavahe.

¹¹Naa nau tohotoho ae kau fefine i Saione, ae kau tāuboou i he gaahi kolo o Juta.

¹²Oku tautau ae gaahi houeiki mei ho nau nima, nae ikai ke fakaabaaba‘i ae mata oe kau mātua.

¹³Naa nau ave ae kau talavou ke momoji, bea nae to hifo ae tamaiki i he lalo akau.

¹⁴Kuo oji ae kau mātua mei he mataba, ae kau talavou mei he faji hiva.

¹⁵Kuo oji ae fiefia a ho mau loto kuo liliu ae mau mee koe mamahi.

¹⁶Kuo to ae tatā fakatu‘i mei ho mau ulu. Oiaue akimautolu! he kuo mau fai agahala.

¹⁷Koeuhi koe mea ni oku vaivai ho mau loto; koeuhi koe gaahi mea ni oku nenefu ho mau mata.

¹⁸Koeuhi koe mouga o Saione, aia oku lala be, oku aeva ai ae faga fokisi.

¹⁹E Jihova, oku ke afio‘i o taegata, ko ho afioaga oku mei he toutagata ki he toutagata.

²⁰Koeha oku ke fakagalo‘i akimautolu o taegata, bea mahui meiate kimautolu o fuoloa?

²¹Fakatafoki‘i akimautolu kiate koe, E Jihova, bea te mau liliu mooni; fakafoou ho mau gaahi aho o hage koia i mua.

²²Ka kuo ke matuaki liaki akimautolu; oku ke houhau aubito kiate kimautolu.