KOE TOHI A AMOSI 1:1-15 TON1884 - Bible AI

¹1 Oku fakaha e Amosi ae fakamāu ae Otua ki Silia, 6 bea ki he Filisitaine, 9 bea ki Taia, 11 bea ki Itomi, 13 bea ki Amoni. KOE gaahi lea a Amosi, aia nae i he kau tauhi manu o Tikoa, koe mea naa ne mamata ai oku kau ki Isileli i he gaahi aho o Usaia koe tu‘i o Juta, bea i he gaahi aho o Jeloboami koe foha o Joasi koe tu‘i o Isileli, i hono ua ta‘u nae muomua i he mofuike.

²Bea naa ne behe, E uulu a Jihova mei Saione, bea e fakaogo hono le‘o mei Jelusalema; bea koe gaahi fale oe kau tauhi manu e tagi, bea e momoa ae tumutumu o Kameli.

³Oku behe e Jihova Koeuhi koe talagataa e tolu a Tamasikusi, bea mo hono fa, e ikai teu fakaafe ae tautea mei ai; he kuo nau haha a Kiliati aki ae gaahi mea haha ukamea:

⁴Bea teu fekau ae afi ki he fale o Hasaeli, aia te ne kai o oji ae gaahi fale fakaeieiki o Benihatati.

⁵Teu feji‘i foki ae vaa o Tamasikusi, bea teu motuhi ae kakai mei he toafa ko Aveni, bea mo ia oku ma‘u ae tokotoko mei he fale o Iteni: bea e alu bobula ae kakai Silia ki Kili, he oku behe e Jihova.

⁶Oku behe e Jihova; Koeuhi koe talagataa e tolu a Kesa, bea mo hono fa, e ikai teu fakaafe ae tautea mei ai; he naa nau ave bobula ae kau bobula kotoabe, koeuhi ke nau tuku akinautolu ki Itomi:

⁷Ka teu fekau ae afi ki he a o Kesa, aia te ne kai o oji ae gaahi fale fakaeieiki i ai:

⁸Bea teu motuhi ae kakai mei Asitoti, bea mo ia oku ma‘u ae tokotoko mei Asikeloni, bea teu hiki hoku nima ki Ekiloni: bea koe toega oe kau Filisitia e auha, he oku behe e Jihova.

⁹Oku behe e Jihova; Koeuhi koe talagataa e tolu a Taia, bea mo hono fa, e ikai teu fakaafe hono tautea oia; he naa nau tuku ae kau bobula kotoabe ki Itomi, bea nae ikai te nau manatu‘i ae fuakava fakakaiga:

¹⁰Ka teu fekau ae afi ki he a o Taia, aia te ne kai o oji ae gaahi fale fakaeieiki i ai.

¹¹Oku behe e Jihova; Koeuhi koe talagataa e tolu a Itomi, bea mo hono fa, e ikai teu fakaafe hono tautea oia; he naa ne tuli hono tokoua aki ae heleta, bea nae liaki ae manavaofa, bea nae hae‘i eia i he ene ita mau ai be, bea naa ne fakatologa ene lili o taegata:

¹²Ka teu fekau ae afi ki Timani, aia e kai o oji ae gaahi fale fakaeieiki o Bosila.

¹³Oku behe e Jihova; Koeuhi koe talagataa e tolu ae fānau a Amoni, bea mo hono fa, e ikai teu fakaafe ho nau tautea; he naa nau hae‘i ae kau fefine feitama i Kiliati, koeuhi ke nau totolo mai ho nau mata fonua:

¹⁴Ka teu tutu ae afi i he a o Laba, bea te ne kai ae gaahi fale fakaeieiki oia, i he kaila i he aho oe tau, moe afā i he aho oe ahiohio:

¹⁵Bea e alu ho nau tu‘i ki he bobula, aia mo hono gaahi houeiki fakataha, oku behe e Jihova.