KOE TOHI A AMOSI 8:1-14 TON1884 - Bible AI

¹1 I he koto fua‘i akau oe faahita‘u mafana oku fakaha oku ofi ae gataaga o Isileli. 4 Oku valoki‘i ae fakamalohi. 11 Oku fakailo ae hoge folofola. OKU behe hono fakaha mai kiate au e he Eiki koe Otua: bea vakai, koe koto fua‘i akau oe faahita‘u mafana.

²Bea naa ne behe, Amosi, koeha oku ke mamata ai? beau behe, Koe koto fua‘i akau oe faahitau mafana. Bea nae behe e Jihova kiate au, Kuo hoko hono gataaga ki hoku kakai ko Isileli; e ikai teu toe laka iate kinautolu.

³Oku behe e Jihova koe Otua, e hoko ae gaahi hiva oe fale tabu, koe tagi fakaloloa i he aho koia: e lahi ae agaaga i he botu kotoabe; e li akinautolu kitua i he fakalogobe.

⁴Fanogo eni, akimoutolu oku folo hifo ae baea, io, ke fakaoji ae kakai majiva mei he fonua.

⁵O behe, E oji afe ae mahina foou, ka tau fakatau koane? bea moe aho tabu, ka tau vakili ae uite, o fakajiijii ae efa, bea fakalahi ae sikeli, bea fakakehe ae mea fua tautau i he kākā?

⁶Bea ke tau fakatau ae kakai majiva aki ae siliva, bea moe baea aki ha tobuva‘e: bea ke fakatau ae uite kovi?

⁷Kuo fuakava aki e Jihova ae lelei o Jekobe, Koe mooni e ikai galo iate au e nau gaahi gaue o lauikuoga.

⁸Ikai e tetetete ae fonua koeuhi ko eni, bea taki taha tagi aia oku nofo i ai? bea e tubu katoa ia o hage koe lomaki; bea e li ia ki tua o melemo, hage koe malofa i Ijibite.

⁹Oku behe e Jihova koe Otua, e hoko i he aho koia, teu bule ke to ae laa i he hoatamalie, bea teu fakabouli‘i a mamani i he kei aho aubito:

¹⁰Bea teu liliu hoo mou gaahi katoaga koe tagi, bea mo hoo mou hiva kotoabe ki he tagilāulāu; bea teu omi ae tauagaa ki ho mou kogaloto kotoabe, bea e tekefua ae ulu kotoabe; bea teu gaohi ia ke hage koe tagi koeuhi koe bele be taha, bea ko hono gataaga ke hage koe aho oe mamahi kona.

¹¹Vakai, oku hoko ae gaahi aho, oku behe e Jihova koe Otua, aia teu fekau ae hoge ki he fonua, kae ikai koe hoge ma, be koe fieinu vai, ka koe fanogo ki he gaahi folofola a Jihova:

¹²Bea te nau auhe mei he tahi ki he tahi, bea mei he tokelau ki hahake, te nau lele fano be ke kumi ae folofola a Jihova, ka e ikai te nau ilo ia.

¹³I he aho koia e bogia ae kau taahine hoihoifua moe kau talavou i he fieinu.

¹⁴Ko kinautolu oku fuakava ki he agahala a Samelia, bea lea behe, Oku moui ho otua, e Tani; bea koe aga o Beasiba oku moui; te nau to, bea e ikai te nau toetuu o lauikuoga.