KOE TOHI A ESELA 1:1-11 TON1884 - Bible AI

¹1 Koe fono a Kolesi ke laga ae fale tabu. 5 Oku tokonaki e he kakai ki he e nau liu hake. 7 Oku atu e Kolesi ae gaahi ibu oe fale tabu kia Sesibasa. BEA koeni, i he uluaki ta‘u o Kolesi koe tu‘i o Beasia, bea koeuhi ke fakamooni ai ae folofola a Jihova i he gutu o Jelemaia, nae ue‘i e Jihova ae laumalie o Kolesi koe tu‘i o Beasia, bea nae fanogonogo eia ae fono i hono buleaga kotoabe, bea nae tohi ia foki, o behe,

²Oku behe e Kolesi koe tu‘i o Beasia, Kuo tuku kiate au e Jihova koe Otua oe lagi ae gaahi buleaga kotoabe o mamani: bea kuo fekau eia kiate au keu laga ae fale moona i Jelusalema, aia oku i Juta.

³Kohai ia iate kimoutolu i hono kakai kotoabe? ke iate ia a hono Otua, bea ke alu hake ia ki Jelusalema, aia oku i Juta, bea ke laga ae fale kia Jihova koe Otua o Isileli, (koia ia koe Otua,) aia oku i Jelusalema.

⁴Bea moia fulibe oku toe i ha botu aia oku aunofo ia ki ai, tuku ke tokoni ia e he kau tagata o hono botu aki ae siliva, bea moe koula, bea moe gaahi koloa bea moe faga manu, ko hono fakalahi ia oe gaahi mea oku foaki loto lelei ki he fale oe Otua oku i Jelusalema.

⁵Bea nae toki tuu hake ai ae kau tuu kimua i he mātua o Juta mo Benijimani, moe kau taulaeiki, bea moe kau Livai, bea mo kinautolu kotoabe nae fakaakeake ho nau laumalie e he Otua, ke alu hake ke laga ae fale o Jihova aia oku i Jelusalema.

⁶Bea nae fakamalohi ho nau nima ekinautolu kotoabe nae nonofo fakataha mo kinautolu, aki ae gaahi ibu siliva, moe koula, moe gaahi koloa, moe faga manu, bea moe gaahi mea maogooga, ka oku lau kehe ae gaahi mea kotoabe nae atu loto ofa be.

⁷Bea nae fetuku mai foki e Kolesi koe tu‘i ae gaahi ibu oe fale o Jihova, aia nae fetuku e Nebukanesa mei Jelusalema, bea naa ne tuku ia i he fale o hono gaahi otua;

⁸Io nae omi ia kotoabe e Kolesi koe tu‘i o Beasia i he nima o Mitilitati koe tauhi koloa, bea lau ia kia Sesibasa, koe eiki o Juta.

⁹Bea ko hono lau eni: koe ibu lafalafa koula e tolugofulu, moe ibu lafalafa siliva e taha afe, moe hele e uofulu ma hiva,

¹⁰Koe ibu luoluo koula e tolugofulu, moe ibu luoluo siliva oe aga e taha koe fageau moe hogofulu, bea koe gaahi ibu kehe e taha afe.

¹¹Koe gaahi ibu koula moe siliva kotoabe koe nima afe moe nimageau. Nae fetuku eni kotoabe e Sesibasa fakataha mo kinautolu oe kau bobula aia nae o hake mei Babilone ki Jelusalema.