KOE TOHI A ESELA 3:1-13 TON1884 - Bible AI

¹1 Oku fokotuu ae feilaulauaga. 4 Oku faa fai ae feilaulau. 7 Kuo tokonaki ae kau tagata gaue. 8 Kuo ai ae gaahi tuuga ki he fale tabu i he fiefia lahi moe tagi mamahi. BEA i he ene hoko mai hono fitu oe mahina, bea nofo i ho nau gaahi kolo ae fānau a Isileli, nae fakakatoa fakataha e he kakai ki Jelusalema, o hage koe tagata be taha.

²Bea nae tuu hake ai a Jesua koe foha o Josataki, mo hono gaahi kaiga koe kau taulaeiki, mo Selubebeli koe foha o Sialiteli mo hono gaahi kaiga, o nau laga ae feilaulauaga oe Otua o Isileli, ke atu i ai ae gaahi feilaulau, o hage koia kuo tohi i he fono a Mosese koe tagata ae Otua.

³Bea naa nau fokotuu ae feilaulauaga ki hono gaahi tuuga; he nae iate kinautolu ae manavahe koeuhi koe kakai oe gaahi fonua koia: bea naa nau atu i ai ae gaahi feilaulau tutu kia Jihova, io ae gaahi feilaulau tutu i he bogibogi moe efiafi.

⁴Naa nau fai ae katoaga foki oe gaahi fale fehikitaki, o hage koia kuo tohi, bea nae atu lau be i he aho kotoabe ae gaahi feilaulau tutu; o fakatatau ki hono aga, o tāu moe gaue ae aho kotoabe;

⁵Bea naa nau toki atu ae feilaulau tutu fai mau be, i he gaahi tuu efiafi, moe gaahi katoaga kotofa kotoabe a Jihova aia nae fakatabu‘i, bea meiate ia kotoabe nae atu loto ofa ae feilaulau kia Jihova.

⁶Mei he uluaki aho o hono fitu oe mahina naa nau kamata ke atu ae gaahi feilaulau tutu kia Jihova. Ka nae teeki fakatoka ae tuuga oe fale tabu o Jihova.

⁷Naa nau atu ae gaahi baaga foki ki he kau tufuga maka, bea ki he kau tufaga akau, moe mea kai, moe inu, moe lolo, kiate kinautolu o Saitoni, bea kiate kinautolu o Taia, ke fetuku ae gaahi akau koe sita mei Lebanoni ki he tahi o Joba, o fakatatau ki hono tuutuuni mei a Kolesi koe tu‘i o Beasia.

⁸Bea koeni, i hono ua ta‘u oe nau ha‘u ki he fale oe Otua i Jelusalema, i hono ua oe mahina, nae kamata e Selubebeli koe foha o Sialiteli, mo Jesua koe foha o Josataki, mo hono toe o ho nau kaiga koe kau taulaeiki, moe kau Livai, mo kinautolu kotoabe nae ha‘u mei he nofo bobula ki Jelusalema; o nau fakanofo ae kau Livai, mei he ta‘u e uofulu o ho nau motua o fai hake, ke kamata ae gaue oe fale o Jihova.

⁹Bea nae tuu fakataha ai a Jesua mo hono gaahi foha mo hono gaahi kaiga, mo Katimieli mo hono gaahi foha, koe gaahi foha o Juta, ke fakahoko ae kau tagata gaue i he fale oe Otua: koe gaahi foha o Henatati, mo ho nau gaahi foha mo ho nau gaahi kaiga koe kau Livai.

¹⁰Bea i he ai e he kau lagafale ae tuuga oe fale tabu o Jihova, naa nau tuku ke tuu ae kau taulaeiki i ho nau gaahi kofu moe gaahi mealea, moe kau Livai koe gaahi foha o Asafi moe gaahi mea bakihi ke fakaogolelei a Jihova, o fakatatau ki he tuutuuni o Tevita koe tu‘i o Isileli.

¹¹Bea naa nau hiva kotoabe o fai fakalakaga i he fakaogolelei moe fakafetai kia Jihova: koe mea i he ene agalelei, he oku tologa ene agaofa ki Isileli o taegata. Bea nae kalaga ae kakai kotoabe i he kalaga lahi, i he e nau fakafetai kia Jihova, koeuhi kuo ai ae tuuga oe fale o Jihova.

¹²Ka koe toko lahi oe kau taulaeiki, moe kau Livai moe kau tuu ki mua i he gaahi tamai, aia koe kau tagata motua, nae mamata ki he uluaki fale, i he ai ae tuuga oe fale ni i ho nau ao, naa nau tagi le‘o lahi; bea kalaga ae toko lahi i he fiefia.

¹³Koia nae ikai faa ogo‘i ke ilo e he kakai ae kalaga oe fiefia mei he logoaa oe tagi ae kakai: he nae kalaga e he kakai i he kalaga lahi, bea nae ogo‘i ae logoaa ki he mamao.