KOE TOHI A ESETA 2:1-23 TON1884 - Bible AI

¹1 Koe fili ae tu‘i fefine foou mei ke kau tāuboou. 5 Ko Eseta mo Motekiai koe tagata naa ne tamai aki. 8 Oku loto lelei e Hekai kia Eseta. 12 Ko hono aga oe fakamaa, moe alu ki he tu‘i. 21 Nae ilo e Motekiei ae teu laba bea nae tohi ia i he tohi fakamatala mea fakabuleaga. BEA hili ae gaahi mea ni, bea kuo oji ae houhau ae tu‘i ko Ahasivelo, naa ne manatu‘i a Vasiti, moia naa ne fai, moia nae tuutuuni ke fai kiate ia.

²Bea behe ai e he kau tamaioeiki ae tu‘i aia nae tauhi ia, Tuku ke kumi ha kau tāuboou hoihoifua ma ae tu‘i:

³Bea ke fakanofo e he tu‘i ae kau matābule i he gaahi botu kotoabe o hono buleaga, koeuhi ke nau tanaki ke fakataha kotoabe ae kau tāuboou hoihoifua ki Susani koe kolo fakaeiki, ki he fale oe kau fefine, ke he tauhi o Hekai, koe tauhi fale oe tu‘i, aia oku tauhi ae kau fefine: bea ke atu kiate kinautolu e nau gaahi mea fakamaa:

⁴Bea iloga ae tāuboou aia e fiemalie ki ai ae tu‘i, tuku ia ke tu‘i fefine koe fetogi o Vasiti. Bea nae fiemalie ae tu‘i i he mea koia; bea naa ne fai ai.

⁵Bea nae i Susani koe kolo fakaeiki, ae Jiu e taha, ko Motekiai hono higoa, koe foha o Jaili, koe foha o Simi, koe foha o Kisi, koe tagata Benijimani:

⁶Aia nae fetuku mei Jelusalema i he fakabobula aia nae fetuku ki he mamao mo Jekonia koe tu‘i o Juta, aia nae fetuku e Nebukanesa koe tu‘i o Babilone o ave ki he mamao.

⁷Bea naa ne ohi a Hatasa, aia ko Eseta, koe ofefine o hono tuajina: he nae ikai haane tamai be fa‘e, bea nae matamata lelei mo hoihoifua ae tāuboou, aia nae ohi e Motekiai i he bekia ene tamai mo ene fa‘e, o ne ofefine aki ia.

⁸Bea nae hoko o behe, i he ogo‘i ae fekau ae tu‘i mo ene tuutuuni, bea kuo fakakatoa ae kau taahine toko lahi ki Susani koe kolo fakaeiki, ki he tauhi o Hekai, nae omi foki a Eseta ki he fale oe tu‘i, ki he tauhi o Hekai, koe tauhi oe kau fefine.

⁹Bea nae fiemalie ia ki he taahine, bea naa ne ofeina ia: bea naa ne atu leva kiate ia ae gaahi mea ma a ene fakamaa ia, fakataha moe gaahi mea nae kau tonu kiate ia, moe kau taahine e toko fitu, aia nae tāu ke foaki kiate ia, mei he fale oe tu‘i: bea naa ne tomua fili ia mo ene kau taahine ki he botu lelei lahi oe fale oe kau fefine.

¹⁰Nae teeki ai fakaha e Eseta hono kakai be ko hono kaiga: he nae fekau ia e Motekiai ke oua naa fakaha ia.

¹¹Bea nae eveeva a Motekiai i he aho kotoabe i he mata fale oe lotoa oe fale oe kau fefine, ke ilo be oku fefe‘i a Eseta, bea koeha e fai kiate ia.

¹²Bea i he hoko ae lakaga oe taahine kotoabe ke hu ki loto ki he tu‘i ko Ahasivelo, hili ene nofo i he mahina e hogofulu ma ua, o fakatatau ki he aga ae kau fefine, (he nae behe be hono fakaoji ae gaahi aho o ho nau fakamaa, io, ae mahina e ono moe lolo koe mula, moe mahina e ono moe gaahi mea namu kakala, bea moe gaahi mea kehe koe mea fakamaa ae kau fefine.)

¹³Bea nae ha‘u behe be ae taahine kotoabe ki he tu‘i: iloga aia kotoabe naa ne fili ke tauga aki mei he fale oe kau fefine, ke alu ki he fale oe tu‘i, nae foaki ia kiate ia.

¹⁴Nae hu ki ai ia i he efiafi, bea bogibogi ai nae liu mai ia ki hono ua oe fale oe kau fefine, ki he tauhi a Seasikasi, koe tauhi fale ae tu‘i, aia nae tauhi ae kau jinifu: nae ikai te ne toe ha‘u ki he tu‘i, o kabau nae ikai fiemalie ae tu‘i iate ia, bea ne ui ia i hono higoa.

¹⁵Bea i he hoko ae lakaga o Eseta, koe ofefine o Abieli koe tuajina o Motekiai, aia naa ne ohi ko hono ofefine, ke hu ia ki loto ki he tu‘i, nae ikai te ne fili ha mea e taha ka koe mea be nae atu kiate ia e Hekai, koe tauhi fale ae tu‘i, moe haatukaui oe kau fefine. Bea nae ofeina a Eseta e he kakai kotoabe nae mamata kiate ia.

¹⁶Koia, nae ave a Eseta ki he tu‘i ko Ahasivelo ki hono fale fakatu‘i i hono hogofulu oe mahina, aia koe mahina ko Tibeti, i hono fitu ta‘u o ene bule.

¹⁷Bea nae ofa lahi ae tu‘i kia Eseta i he kau fefine kotoabe, bea nae ma‘u eia ae lelei moe agaofa i hono ao o lahi hake i he kau tāuboou kotoabe; koia naa ne ai ai ae tatā fakatu‘i ki hono ulu, bea fakanofo ia koe tu‘i fefine koe fetogi o Vasiti.

¹⁸Bea nae fai ai e he tu‘i ae katoaga lahi ki he ene gaahi houeiki kotoabe mo ene kau tamaioeiki, io koe katoaga o Eseta: bea naa ne fai ae vetebobula i hono gaahi buleaga, o ne fai ae gaahi foaki, o tāu moe monuia oe tu‘i.

¹⁹Bea i he fakakatoa ae kau taahine ko hono liuga ua, nae toki nofo ai a Motekiai i he mataba oe tu‘i.

²⁰Bea nae teeki ai fakaha e Eseta a hono kaiga be ko hono kakai: o hage koe fekau bau e Motekiai kiate ia: he nae fai e Eseta ki he fekau a Motekiai kiate ia, o hage koia naa ne fai i he ene kei tauhi ia.

²¹I he gaahi aho koia, lolotoga ene nofo a Motekiai i he mataba oe tu‘i, nae ita ae tauhi e toko ua ae tu‘i, ko Bikitani mo Telesi, iate kinautolu nae tauhi ae mataba, o na kumi ke ala ki he tu‘i ko Ahasivelo.

²²Bea nae ilo ae mea ni e Motekiai, aia nae tala ia kia Eseta koe tu‘i fefine, bea fakaha ia e Eseta ki he tu‘i i he higoa o Motekiai.

²³Bea i he fai ae eke ki he mea ni, nae ilo hono mooni: koia nae tautau ai akinaua fakatouoji ki ha akau: bea nae tohi ia i he tohi fakamatala mea i he ao oe tu‘i.