KOE TOHI A ESETA 3:1-15 TON1884 - Bible AI

¹1 Kuo hikijia a Hamani e he tu‘i, bea koeuhi koe taetokagai ia e Motekiai, oku feiga ia ke totogi kovi ki he kakai Jiu kotoabe. 7 Ko ene fai ae talotato. 8 Ko ene ma‘u mei he tu‘i i he ene fakakov‘i, ae fono ke tamate‘i ae kakai Jiu. BEA hili ae gaahi mea ni nae fakahikihiki e he tu‘i ko Ahasivelo a Hamani koe foha o Hamitati koe tagata Ekaki, mo ne hakeaki‘i ia, bea ai hono nofoa ke maoluga hake i he gaahi houeiki nae iate ia.

²Bea nae bunou ae kau tamaioeiki kotoabe, aia nae i he mataba oe tu‘i, o nau fakaabaaba kia Hamani: he nae behe be ae fekau ae tu‘i iate ia. Ka nae ikai bunou a Motekiai, be fai fakaabaaba kiate ia.

³Bea behe ai e he kau tamaioeiki ae tu‘i, aia nae nofo i he mataba ae tu‘i kia Motekiai, Koeha oku ke talagataa ai ki he fekau ae tui?

⁴Bea nae hoko o behe, i he e nau lea kiate ia i he aho kotoabe, bea ikai tokaga ia kiate kinautolu, naa nau toki tala ia kia Hamani, ke vakai, be e tuu mau ae aga a Motekiai: he naa ne tala kiate kinautolu koe Jiu ia.

⁵Bea i he vakai a Hamani nae ikai bunou a Motekiai, be fakaabaaba kiate ia, nae bito ai a Hamani i he ita.

⁶Bea nae behe eia koe mea noabe ke ala kia Motekiai toko taha be: he naa nau fakaha kiate ia ae kakai o Motekiai: koia nae tokaga e Hamani ke fakaauha ae gaahi Jiu kotoabe i he buleaga kotoabe o Ahasivelo, io koe kakai o Motekiai.

⁷I he uluaki mahina, aia koe mahina ko Nisani, i hono hogofulu ma ua oe ta‘u oe bule oe tu‘i ko Ahasivelo, naa nau li a Buli, aia koe talotalo, i he ao o Hamani, i he aho hokohoko be, bea mei he mahina ki he mahina, o hoko ki hono hogofulu ma ua ae mahina, aia koe mahina ko Atali.

⁸Bea nae behe e Hamani ki he tu‘i ko Ahasivelo, Oku ai ae kakai e taha kuo movetevete mamao atu o nofo tuku fakaholo i he lotolotoga oe kakai i he gaahi botu kotoabe o ho buleaga; bea oku kehe e nau gaahi fono i he kakai kotoabe; bea oku ikai foki te nau tokaga ki he gaahi fono ae tu‘i: koia oku ikai aoga ki he tu‘i ke kataki akinautolu.

⁹Kabau oku lelei ki he tu‘i, tuku ke tohi koeuhi ke fakaauha akinautolu: bea teu totogi ki he nima okinautolu oku tuku ki ai ae gaue ni, ae taleniti siliva e taha mano, ke omi ki he gaahi fale koloa oe tu‘i.

¹⁰Bea nae too e he tu‘i hono mama mei hono nima, bea ne foaki ia kia Hamani koe foha o Hamitata koe tagata Ekaki, koe fili oe kakai Jiu.

¹¹Bea behe e he tu‘i kia Hamani, Kuo foaki ae siliva kiate koe, moe kakai foki, ke ke fai kiate kinautolu aia oku mata lelei kiate koe.

¹²Bea nae toki ui ke fakataha ae kau tagata tohi ae tu‘i i hono hogofulu ma tolu oe aho oe uluaki mahina, bea nae tohi o fakatatau ki he mea kotoabe nae fekau e Hamani ki he kau matābule moe kau bule fonua aia nae bule i he gaahi buleaga, bea ki he kau bule kotoabe oe kakai kotoabe i he gaahi buleaga kotoabe o fakatatau moe tohi oia, bea ki he kakai kotoabe o tāu moe nau lea: nae tohi ia i he huafa oe tu‘i ko Ahasivelo, bea fakamau aki ae mama oe tu‘i.

¹³Bea nae ave ae gaahi tohi i he kau ave tohi ki he gaahi buleaga kotoabe oe tu‘i, ke maumau, ke tamate‘i, mo fakaauha, ae kakai Jiu kotoabe, ae iki moe motua, ae tamaiki iki, moe kau fefine, i he aho be taha, io i hono aho e hogofulu ma tolu i hono hogofulu ma ua oe mahina, aia koe mahina ko Atali, bea ke faao ae vete anautolu.

¹⁴Ko hono hiki oe tohi koe fekau ke atu ki he buleaga kehekehe kotoabe, nae fakaha atu ki he kakai kotoabe, koeuhi ke nau tali teu be ki he aho koia.

¹⁵Nae alu atu kituaa ae kau ave tohi, he nae fakavavevave ia e he fekau ae tu‘i, bea nae fai ae fono i Susani koe kolo fakaeiki. Bea nae nofo hifo ae tu‘ mo Hamani ke inu: ka nae maveuveu ae kolo ko Susani.