KOE TOHI A ESETA 4:1-17 TON1884 - Bible AI

¹1 Koe tagi lahi a Motekiai moe kakai Jiu. 4 Nae ilo ia e Eseta, bea fekau ia kia Motekiai, aia naa ne fakaha hono uhiga, bea ne ako‘i ia ke lagomaki akinautolu. 10 Nae fakafiji ia eia bea valoki ia e Motekiai. 15 Nae fekau ia ae aukai bea toki loto ia ke fai ae kole. BEA i he ilo e Motekiai aia kotoabe kuo fai, nae haehae hono gaahi kofu e Motekiai, bea ai ae kofu tauagaa moe efuefu, bea alu ia kitua ki he loto kolo, bea tagi kalaga ia mo fakamamahi:

²Bea nae ha‘u ia, io ki he mata oe mataba oe tu‘i: he nae ikai gofua ke hu ha toko taha ki ai kuo kofu i he kofu tauagaa.

³Bea koe botu buleaga kotoabe nae hoko ki ai ae fekau ae tu‘i mo ene tuutuuni, nae i ai ae mamahi lahi i he kakai Jiu, moe aukai, moe tagi, moe tagilaulau; bea nae tokoto ae toko lahi i he kofu tauagaa moe efuefu.

⁴Koia nae ha‘u ai ae kau fefine a Eseta mo ene kau tauhi o tala ia kiate ia. Bea nae mamahi lahi aubito ai ae tu‘i fefine; bea ne fekau ke ave ae gaahi kofu ke fakakofu aki a Motekiai, bea ke too o ave hono gaahi kofu tauagaa meiate ia: ka nae ikai te ne ma‘u ia.

⁵Bea nae fekau e Eseta ke ha‘u a Hataki, koe toko taha oe kau tagata tauhi ae tu‘i, aia nae tuutuuni ia e he tu‘i ke tauhi ia, bea ne tuku kiate ia ae fekau kia Motekiai, ke ilo be koeha ia, bea kuo tubu i he ha.

⁶Koia nae alu atu ai a Hataki kia Motekiai ki he hala lahi oe kolo, aia nae i he mata oe mataba oe tu‘i.

⁷Bea nae fakaha kiate ia e Motekiai ae mea kotoabe kuo hoko kiate ia, bea moe gaahi baaga nae fakaha e Hamani ke totogi ki he fale koloa oe tu‘i koeuhi koe kakai Jiu, ke fakaauha akinautolu.

⁸Bea naa ne atu foki kiate ia hono hiki oe tohi ae fono nae fai i Susani ke fakaauha akinautolu, ke ne fakaha ia kia Eseta, bea ke fakaha ia kiate ia, bea ke fekau kiate ia ke alu ia ki he tu‘i, ke fai ae hu kiate ia, bea ke fai ae kole i hono ao ma a hono kakai.

⁹Bea nae ha‘u a Hataki o tala kia Eseta ae gaahi lea a Motekiai.

¹⁰Bea nae toe lea a Eseta kia Hataki, o ne tuku kiate ia ae fekau kia Motekiai;

¹¹Oku ilo e he kau tamaioeiki kotoabe ae tu‘i, moe kakai kotoabe oe gaahi buleaga oe tu‘i oku nau ilo, ke iloga ha toko taha, be ko ha tagata be ha fefine, e hu ia ki he tu‘i i he fale i loto fale, bea nae ikai fekau, oku ai ae fono be taha aana ke tamate‘i ia, ka koia be e mafao atu ki ai e he tu‘i ae tokotoko koula ke moui ai ia; bea kuo ikai ui au ke hu atu ki he tu‘i i he aho e tolugofulu kuo hili ni.

¹²Bea naa nau tala kia Motekiai ae gaahi lea a Eseta.

¹³Bea nae fekau e Motekiai ke tala kia Eseta. Oua naa ke mahalo te ke muaki hao koe i he kakai Jiu kotoabe koeuhi ko hoo i he fale oe tu‘i.

¹⁴He kabau te ke matuaki logo be koe i he kuoga ni, e hoko ai ae fakaataata moe fakamoui oe kakai Jiu mei ha botu e taha: ka ko koe moe fale o hoo tamai e fakaauha; bea kohai oku ne ilo‘i naa kuo ke hoko ai koe ki he buleaga koeuhi ko ha kuoga behe ni?

¹⁵Bea nae toki fekau e Eseta kiate kinautolu ke ave kia Motekiai ae tali ni.

¹⁶Aiu bea fakakatoa fakataha ae gaahi Jiu kotoabe oku nofo i Susani, bea ke mou aukai koeuhi ko au, bea oua naa mou kai be inu i he aho e tolu, i he bo, be i he aho: Ko au mo eku kau fefine te mau aukai foki: bea koia teu hu ai ki he tu‘i, aia oku ikai tāu moe fono: bea kabau teu mate ai, teu mate be.

¹⁷Koia nae alu ai a Motekiai i hono hala, bea fai ia o fakatatau ki he fekau kotoabe a Eseta kiate ia.