KOE TOHI A ESETA 5:1-14 TON1884 - Bible AI

¹1 Koe ahiahi‘i e Eseta ae ofa ae tu‘i, bea ma‘u eia ae lelei moe mafao mai oe tokotoko koula, bea tala ki he tu‘i mo Hamani ae fakataha ke inu. 6 Bea fiemalie ae tu‘i i he ene kole, bea ne tala kiate kinaua ae fakataha e taha ke inu. 9 Koe viki a Hamani i hono fakahikihiki, kae lāuga ia i he manuki a Motekiai. 14 I he fakakaukau a hono unoho ko Selesi naa ne fokotuu maana ae akau tautauaga. BEA i he ene hokojia hono tolu oe aho, nae ai e Eseta hono gaahi kofu galigali eiki, bea tuu ia i he fale i loto i he fale oe tu‘i, o hagatonu atu ki he fale oe tu‘i: bea nae nofo ae tu‘i ki hono nofoa fakatu‘i, i he fale fakatu‘i, o bagatonu atu ki he mataba oe fale.

²Bea nae behe, i he mamata ae tu‘i kia Eseta koe tu‘i fefine oku tuu i he loto fale, nae ma‘u eia ae ofa i hono ao: bea mafao atu e he tu‘i ae tokotoko koula kia Eseta aia nae i hono nima. Koia nae unuunu atu a Eseta, mo ne ala ki he ulu oe tokotoko.

³Bea nae behe ai e he tu‘i kia Eseta, Koeha oku ke kumi e tu‘i fefine ko Eseta? bea koeha hao hole? e atu ia kiate koe o a‘u ki hono vaeuaaga oe buleaga.

⁴Bea nae behe e Eseta, Kabau oku mata lelei ki he tu‘i, tuku ke mea mai ae tu‘i mo Hamani ki he katoaga he aho ni, aia kuou teu maana.

⁵Bea nae behe ai e he tu‘i, Fekau ke fakatootoo a Hamani, koeuhi ke fai ia o hage koe tala a Eseta. Koia nae alu ai ae tu‘i mo Hamani ki he katoaga nae teu e Eseta.

⁶Bea behe e he tu‘i kia Eseta i he katoaga inu uaine, Koeha hao kole? bea e tuku ia kiate koe: bea koeha hoo tala? e fai ia, io, o a‘u ki hono vaeuaaga oe buleaga.

⁷Bea leaage ai a Eseta, o ne behe, Ko eku kole, mo eku tala eni:

⁸Kabau kuou ma‘u ae ofa i he ao oe tu‘i, bea kabau oku lelei ki he tu‘i ke tuku kiate au eku kole, bea ke fai aia oku ou tala, tuku ke ha‘u ae tu‘i mo Hamani ki he katoaga aia teu teuteu ma anaua, bea teu fai abogibogi o hage koia kuo tala e he tu‘i.

⁹Bea nae alu atu a Hamani i he fiefia moe loto fiemalie i he aho koia: ka i he mamata a Hamani kia Motekiai i he mataba oe tu‘i, nae ikai tuu hake ia, be ue‘i jii ia koeuhi koia, nae fonu ia i he ita kia Motekiai.

¹⁰Ka nae taofi ia e Hamani: bea i he ene hoko ki hono fale, naa ne fekau o ui ki hono gaahi kaiga mo Selesi ko hono unoho.

¹¹Bea nae tala kiate kinautolu e Hamani ae nāunāu o ene gaahi koloa, mo hono toko lahi o ene fānau, bea moe gaahi mea kehekehe, aia nae fakahikihiki ai ia e he tu‘i, bea mo ene fokotuu ia ke maoluga, i he gaahi houeiki koto abe moe kau tamaioeiki ae tu‘i.

¹²Bea nae behe foki e Hamani, lo, mo Eseta koe tu‘i fefine nae ikai te ne tuku ke ha‘u ha tagata e taha moe tu‘i ki he katoaga ma ae tu‘i ka ko au be: bea kuo toe tala kiate au foki fakataha moe tu‘i ke ma o kiate ia abogibogi.

¹³Ka oku ikai aoga ae gaahi mea ni kotoabe kiate au, lolotoga eku kei mamata kia Motekiai koe Jiu oku nofo i he mataba oe tu‘i.

¹⁴Bea nae lea a Selesi ko hono unoho, mo hono gaahi kaiga kotoabe kiate ia, o behe, Tuku ke gaohi ae akau koe tautauaga, koe haga e teau a hono maoluga, bea ke lea ekoe ki he tu‘i abogibogi ke tautau a Motekiai ki ai: bea ke toki alu fakafiefia koe moe tu‘i ki he katoaga inu. Bea nae fiemalie a Hamani i he mea koia bea nae fekau eia ke gaohi ae tautauaga.