KOE TOHI A HABAKUKI 1:1-17 TON1884 - Bible AI

¹1 I he lāuga a Habakuki i he agahala oe fonua 5 oku fakaha kiate ia ae tautea fakamanavahe e he kakai Kalitia. 12 Oku lāuga eia i he fakahoko ae tautea iate kinautolu oku kovi lahi hake. KOE tala mamafa aia nae mamata ki ai ae balofita ko Habakuki.

²E Jihova, e fefe hono fuoloa o eku tagi, ka e ikai te ke fanogo! io, a eku tagi kalaga kiate koe, koeuhi koe fakamalohi, ka e ikai te ke fakamoui!

³Koeha oku ke fakaha ai kiate au ae agahala, bea bule keu mamata ki he mamahi? he oku i hoku ao ae maumau moe fakamalohi: bea oku ai aia oku fakatubu ae fekeikei, moe fakakikihi.

⁴Koia oku vaivai ai ae fono, bea oku ikai aubito ke alu atu ae fakamāu: he kuo kabui ae maonioni e he agahala; koia kuo alu atu ai ae fakamāu tae totonu.

⁵Vakai, akimoutolu i he gaahi hiteni, bea tokaga, mo ofo lahi: he teu fai ha gaue i ho mou gaahi aho, e ikai te mou tui ki ai, o kabau e tala ia kiate kimoutolu.

⁶He vakai, oku ou fokotuu hake ae kakai Kalitia, koe buleaga fakaita mo fakatootoo, aia e alu atu ki he māukubu oe fonua, ke ma‘u ae gaahi botu nofoaga oku ikai onautolu.

⁷Oku fakailifia mo fakamanavahe akinautolu: koe nau fakamāu moe nāunāu e alu atu iate kinautolu.

⁸Oku vee vave foki ae nau faga hose i he faga lebati, bea oku fekai i he faga ulofi oe efiafi: bea ko ho nau kau tagata heka hose, e mafola akinautolu, bea e ha‘u akinautolu mei he mamao: te nau buna o hage koe ikale oku fakavave ke kai.

⁹E ha‘u akinautolu kotoabe koe fakamalohi: e kokomo hake e ho nau mata, o hage koe matagi hahake, bea te nau tanaki ae bobula, o hage koe oneone.

¹⁰Bea te nau manuki ki he gaahi tu‘i, bea e hoko ae houeiki koe manukiaga kiate kinautolu: te nau taukaea ae gaahi botu malohi kotoabe; he te nau fokotuu hake ae kelekele, o ma‘u ia.

¹¹Bea e toki liliu ai hono loto, bea te ne alu atu, mo fai talagataa, o tuku hono malohi ni ki hono otua.

¹²Ikai oku ke talu mei mua koe, E Jihova, ko hoku Otua, ko eku Toko Taha Maonioni? e ikai te mau mate. E Jihova, kuo ke tuutuuni akinautolu ma ae fakamāu; bea kuo ke fokotuu akinautolu ma ae tautea, E Otua mafimafi.

¹³Oku ke fofoga maonioni fau akoe, bea ikai ai te ke faa afio ki he kovi, bea oku ikai te ke faa jio ki he agahala: koeha oku ke afio ai kiate kinautolu oku fai kākā, bea ke logo be, ka oku fakaauha e he agahala aia oku maonioni hake iate ia?

¹⁴Bea oku gaohi ae kakai o hage koe gaahi ika oe tahi, mo tatau moe gaahi mea totolo, oku ikai ha bule kiate kinautolu?

¹⁵Oku nau too hake akinautolu kotoabe i he mātau, oku nau moua akinautolu i ho nau kubega, mo tanaki akinautolu i ho nau kubega toho, koia oku nau fiefia mo nekeneka ai.

¹⁶Koia oku nau feilaulau ki ho nau kubega, mo feilaulau tutu ki ho nau kubega toho; koeuhi koe mea iate kinautolu oku momona ai ho nau inaji, bea lahi ae nau meakai.

¹⁷Koia, e aau koa ho nau kubega, bea ikai aubito ha taofi ki he fakaauha oe gaahi buleaga?