KOE TOHI A HOSEA 11:1-12 TON1884 - Bible AI

¹1 Koe tae faa fakafetai a Isileli ki he Otua i he ene gaahi lelei. 5 Ko hono fakamāu‘i. 8 Koe aloofa ae Otua kiate kinautolu. I HE kei tamajii a Isileli, neu ofa ki ai, bea neu ui hoku foha mei Ijibite.

²I he e nau ui kiate kinautolu, behe ne nau alu meiate kinautolu: naa nau feilaulau kia Bealimi, bea nau tutu ae akau namu kakala ki he gaahi tamabua kuo togitogi.

³Naaku ako‘i foki a Ifalemi ke alu, i he buke aki ho nau nima; ka nae ikai te nau ilo ko au nae fakamoui akinautolu.

⁴Naaku toho akinautolu aki ae afo ae tagata, aki ae noo oe ofa: bea naaku hage koia oku too ae nonoo mei ho nau gutu, bea neu tuku ae mea kai i ho nau ao.

⁵E ikai te ne toe liliu ki he fonua o Ijibite, ka e hoko ae Asilia ko hono tu‘i, koeuhi nae ikai te nau loto ke liliu.

⁶Bea e nofo mau ki hono gaahi kolo ae heleta, bea te ne fakaoji hono gaahi vaa, bea kai ia, koeuhi koe nau fakakaukau anautolu be.

⁷Bea kuo bau be hoku kakai ke fakaholomui meiate au: ne ogo e nau ui akinautolu ki he Fugani Maoluga, nae ikai ha toko taha te ne hakeaki‘i ia.

⁸E fefe‘i a eku fakatukutuku‘i koe, e Ifalemi? Teu fakahaofi fefe‘i koe, e Isileli? e fefe‘i eku gaohi koe ke hage ko Atima? teu tuku koe fefe‘i ke hage ko Siboimi? kuo liliu hoku loto iate au, kuo tubu fakataha a eku fakatomala.

⁹E ikai teu fai ki hono kakaha o hoku houhau, e ikai teu tafoki ke fakaauha a Ifalemi: he koe Otua au, ka oku ikai koe tagata; koe Toko Taha Maonioni oku i ho mou lotolotoga: bea e ikai teu hu ki he loto kolo.

¹⁰Te nau muimui kia Jihova: te ne gugulu hage koe laione; i he ene gugulu e tetetete ae fānau mei he luluga.

¹¹Te nau tetetete hage koe manu buna mei Ijibite, bea hage koe lube mei he fonua o Asilia: bea teu tuku akinautolu i ho nau gaahi fale, oku behe e Jihova.

¹²Oku takatakai aki au e Ifalemi ae loi, bea moe fale o Isileli aki ae kākā: ka oku kei bule a Juta moe Otua, bea oku ne agatonu moe gaahi kakai maonioni.