KOE TOHI A HOSEA 14:1-9 TON1884 - Bible AI

¹1 Koe eginaki ki he fakatomala. 4 Koe talaofa oe tabuaki oe Otua. E ISILELI, tafoki kia Jihova ko ho Otua; he kuo ke to ki lalo i hoo hia.

²Too kiate kimoutolu ae lea, bea tafoki kia Jihova: lea behe kiate ia, Too atu ae hia kotoabe, bea ma‘u fakafiemalie akimautolu: koia te mau atu ai kiate koe ae gaahi fua o ho mau lougutu.

³E ikai fakamoui akimautolu e Asilia, e ikai te mau heka i he hose: bea e ikai te mau toe behe ki he gaue a ho mau nima, Ko ho mau otua akimoutolu: he oku ilo e he tamai mate ae aloofa iate koe.

⁴Teu fakamoui e nau fakaholomui, teu ofa mataataata kiate kinautolu: he kuo afe meiate ia a hoku houhau.

⁵Teu hage koe hahau ki Isileli: te ne tubu o hage koe lile, bea totolo hono aka o hage ko Lebanoni.

⁶E hoko o lau lahi hono gaahi vaa, bea ko hono lelei e hage koe akau koe olive, bea ko hono nanamu e hage ko Lebanoni.

⁷Ko kinautolu oku nofo i he malu oia, te nau toe ha‘u; te nau toe moui hage koe koane, bea tubu o hage koe vaine: ko hono nanamu, e hage koe uaine o Lebanoni.

⁸E behe e Ifalemi, Koeha teu toe kau ai moe gaahi tamabua? kuou fanogo, bea mamata kiate ia: oku ou hage koe akau mata koe fea. Oku ma‘u meiate au a hoo fua.

⁹Kohai ae boto, bea te ne ilo ae gaahi mea ni? ae fakabotoboto, bea te ne ilo‘i ia? he koe gaahi hala o Jihova oku totonu, bea e aeva ai ae agatonu: ka e higa hifo ai ae kau talagataa.