KOE TOHI A ISAIA 15:1-9 TON1884 - Bible AI

¹Koe malaia o Moabe. KOE tala mamafa oku kau ki Moabe. Koeuhi kuo fakaauha a Ala-Moabe i he bo, bea fakalogo be ia; koeuhi kuo fakaauha a Kili‐Moabe i he bo, bea fakalogo be ia;

²Kuo alu ia ki Bajiti, bea ki Tiboni, koe gaahi botu maoluga, ke tagi: E tagilāulāu a Moabe kia Nibo, bea kia Mitiba: e tula ho nau ulu kotoabe, bea e koji ae kava kotoabe.

³Te nau nonoo aki ae tauagaa i ho nau gaahi hala: bea tagilāulāu kotoabe, bea tagi lahi i ho nau tua fale, bea i ho nau gaahi hala.

⁴Bea e tagi a Hesiboni, mo Iliale: e ogo‘i ho nau le‘o o a‘u ki Jehasi: koia e kalaga ai ae kau tau too mahafu o Moabe; e mamahi ai ia i he ene moui.

⁵E tagi hoku loto koeuhi ko Moabe; e alu ki Soa ene kau hola, o hage ha bulu kuo tolu ta‘u: oku nau tagi i he e nau alu hake ki Luhiti; io i he hala o Holonaimi te nau kalaga aki ae tagi oe fakaauha.

⁶Koeuhi e lala ae gaahi vai o Nimilimi: he kuo mae ae mohuku momoa, bea kuo ikai ae mohuku mata, bea oku ikai ha mea lau mauiui.

⁷Koia koe koloa lahi kuo nau ma‘u, bea mo ia kuo nau tanaki, te nau ave ki he vaitafe oe gaahi uilou.

⁸He kuo takatakai e he tagi ae gataaga o Moabe; kuo a‘u ene kalaga ki Ekelemi, bea moe tagilāulāu oia ki Bealimi.

⁹E fonu ae gaahi vai o Timoni i he toto: he teu toe omi ae kovi ki Timoni, ae faga laione kiate ia oku hao i Moabe, bea ki hono toe oe fonua.