KOE TOHI A ISAIA 17:1-14 TON1884 - Bible AI

¹1 Oku fakamana‘i a Silia mo Isileli. 6 E liaki ae tauhi tamabua e he toe oe kakai. 9 E fakamamahi‘i hono toe koeuhi koe nau aga taelotu. 12 Koe malaia ae gaahi fili o Isileli. KOE tala mamafa oku kau ki Tamasikusi. Vakai kuo too atu a Tamasikusi ke oua naa kei kolo ia, ka e hoko ia koe botu tuuga fale maumau.

²Kuo liaki ae gaahi kolo o Aloeli: e oe faga manu ia, bea te nau tokoto ai, bea e ikai ha taha ke fakamanavahe‘i akinautolu.

³Oku behe e Jihova oe gaahi kau tau, E gata ae kolo i Ifalemi, moe buleaga o Tamasikusi, bea moe toega kakai o Silia: te nau hage koe ogoogolelei oe fānau a Isileli.

⁴Bea i he aho koia e hoko o behe, e fakajiijii ae ogoogolelei o Jekobe, bea e fakaaau ke tutue ae gako o hono jino.

⁵Bea e hage ia koe tanaki e he tagata ututa‘u ene koane, bea tuuji hono fua aki hono nima; bea e hage ia ko ia oku tanaki ae fua i he telea o Lifeimi.

⁶Ka e fakatoe i ai ae fua oe vaine, o hage koe lulululu ae akau koe olive, koe foi fua e ua be tolu i oluga i he vaa tau botu ki oluga, koe fa be nima i he gaahi vaa tau kakaba oia oku fua, oku behe e Jihova koe Otua o Isileli.

⁷I he aho koia e haga hake ae tagata ki hono Tubuaga, bea e tokaga a hono mata ki he Toko Taha Maonioni o Isileli.

⁸Bea e ikai te ne jio ki he gaahi feilaulauaga, koe gaue a hono nima, be tokaga ki he mea kuo gaohi e hono louhi‘i nima, ki he gaahi vao tabu, be koe gaahi tamabua.

⁹I he aho koia e tatau hono gaahi kolo malohi mo ha vaa kuo liaki, mo ha vaa maoluga, aia naa nau tuku koeuhi koe fānau a Isileli: bea e i ai ae fakaauha.

¹⁰Koe mea i hoo fakagalogalo‘i ae Otua o hoo moui, bea tae manatu ki he maka o ho malohi, koia te ke to ae gaahi akau toulekeleka, bea to mo ia ae gaahi akau mei he fonua kehe:

¹¹I he aho koia te ke gaohi hoo akau ke tubu, bea i he bogibogi te ke gaohi hoo tega ke moui: ka e hoko ae utu-ta‘u koe fokotuuga i he aho oe mamahi, koe mamahi tae i ai ha amanaki lelei.

¹²E malaia ae fakataha lahi oe kakai toko lahi, oku logoaa o hage koe uulu oe tahi; bea i he feohofi oe gaahi buleaga, oku oho o hage koe oho oe gaahi vai lahi aubito!

¹³E feohofi ae gaahi buleaga o hage koe oho oe gaahi vai lahi: ka e lolomi akinautolu e he Otua, bea te nau hola ki he mamao, bea e tulia akinautolu o hage koe mohuku momoa oe gaahi mouga oku viligia i he matagi, bea hage koe fiji akau i he ao oe ahiohio.

¹⁴Bea vakai koe ogojia i he efiafi bouli; bea i he heeki hoko ae bogibogi kuo ikai ia. Ko eni ae inaji okinautolu oku fakamalohi‘i akitautolu, moe inaji okinautolu oku kaihaaji‘i akitautolu.