KOE TOHI A ISAIA 25:1-12 TON1884 - Bible AI

¹1 Oku fakamalo ki he Eiki e he balofita, koeuhi ko ene gaahi fakamāu, 6 bea ki hono gaahi tabuaki fakamoui, 9 bea koeuhi ko ene fakamoui lahi mo malohi. E JIHOVA, ko koe ko hoku Otua; teu fakahikihiki‘i koe, teu fakamalo ki ho huafa; he kuo ke fai ae gaahi mea fakaofo; ko hoo gaahi tuutuuni i mua koe agatonu moe mooni.

²He kuo ke liliu ae kolo koe fokotuuga otoota; ae kolo nae ai hono a koe tuuga fale kuo maumau: ae nofoaga fakaeieiki oe kakai muli ke lala: e ikai aubito toe laga ia.

³Koia e fakaogoogolelei‘i koe e he kakai malohi, e manavahe kiate koe ae kolo oe gaahi buleaga fakailifia.

⁴He naa ke hoko koe tokoni ki he kakai baea, koe malohi ki he majiva i he ene mamahi, koe hufaga mei he afā, koe malumalu mei he bubuha oka tatau ae tuoni matagi oe kakai fakailifia moe afā oku faaki ki he a maka.

⁵Te ke o hifo ki lalo ae logoaa oe kakai muli, o hage koe laa i he botu momoa; io ke bubuha i he malu o ha ao; e fakavaivai‘i ae vaa oe kakai fakamanavahe.

⁶Bea e teuteu e Jihova oe gaahi kau tau i he mouga ni ae katoaga oe gaahi mea lelei ki he kakai kotoabe, koe katoaga oe uaine motua, oe gaahi mea momona oku fonu i he gako oe hui, moe uaine motua kuo maa aubito.

⁷Bea te ne maumau‘i i he mouga ni ae ufiufi oku fakabulou aki ae mata oe kakai kotoabe, bea moe bulou kuo fofola ki he gaahi buleaga kotoabe.

⁸Te ne fakaauha aubito ae mate i he malohi; bea e holoholo e he Eiki ko Jihova ae gaahi loimata mei he mata kotoabe; bea koe valoki o hono kakai te ne too mei he fonua kotoabe: he kuo folofola behe a Jihova.

⁹Bea e fai ae lea o behe i he aho koia, Vakai, ko ho tau Otua eni; naa tau tatali kiate ia, bea te ne fakamoui akitautolu: ko eni a Jihova; naa tau tatali kiate ia, bea te tau fiefia mo nekeneka i he ene fakamoui.

¹⁰Koeuhi e nofo mau ae nima o Jihova i he mouga ni, bea e molomoloki hifo iate ia a Moabe, io o hage oku molomoloki ae mohuku momoa i he tuuga otoota.

¹¹Bea te ne mafao atu hono nima ki he lotolotoga okinautolu, o hage koe mafao ae nima o ha taha oku kakau: bea te ne o hifo ene laukau fakataha moe gaahi filioi o hono nima.

¹²Bea koe fale maoluga oe buke o hoo gaahi a maka te ne o hifo, o fakatoka lafalafa ki lalo, bea omi ki he kelekele, io ki he efu.