KOE TOHI A ISAIA 26:1-21 TON1884 - Bible AI

¹1 Koe hiva ke laga‘i ae faaki ki he Otua, 5 koeuhi ko ene gaahi tautea, 12 bea mo ene ofa ki hono kakai. 20 Koe eginaki ke tatali ki he Otua. I HE aho koia e hiva aki ae hiva ni i he fonua ki Juta; Oku tau ma‘u ae kolo malohi; e tuutuuni e he Otua ae fakamoui ki hono gaahi a mo hono gaahi buke.

²Mou too ae gaahi mataba, koeuhi ke hu ai ae buleaga maonioni aia oku tauhi ae mooni.

³Te ke tauhi ia i he melino haohaoa, aia oku faaki hono loto kiate koe: koeuhi oku ne falala kiate koe.

⁴Mou falala kia Jihova o lauikuoga: he oku i he Eiki ko Jihova ae mafimafi taegata.

⁵He oku ne omi ki lalo akinautolu oku nofo i he maoluga; oku ne fakamoulaloa ae kolo maoluga, oku ne fakamoulaloa ia, io ki he kelekele; oku ne omi ia ki he efu.

⁶E malaki hifo ia aki ae va‘e, io ae va‘e oe baea, bea moe laka ae majiva.

⁷Koe hala oe agatonu koe maonioni ia: akoe, koe fugani maonioni, oku ke fakamamafa ae hala oe agatonu.

⁸Io, kuo mau tatali kiate koe, E Jihova, i he hala o hoo gaahi fakamāu; oku holi a ho mau laumalie ki ho huafa, bea i he fakamanatu kiate koe.

⁹Kuou holi i hoku laumalie kiate koe i he bo; io teu kumi vave kiate koe aki a hoku laumalie i loto iate au: he ka i he fonua a hoo gaahi fakamāu, e toki ako ae kakai o mamani ki he maonioni.

¹⁰Ke ha ae aloofa ki he agakovi, ka e ikai te ne ako ki he maonioni: i he fonua oe agatonu te ne fai kākā, bea e ikai te ne mamata ki he mafimafi a Jihova.

¹¹E Jihova, oka hiki hake ho nima, e ikai te nau mamata: ka te nau mamata, bea te nau ma koeuhi koe meheka ki hoo kakai; io, e auha i he afi a ho gaahi fili.

¹²E Jihova te ke tuutuuni ae fiemalie ma anautolu: he kuo ke fai ekoe ae mau gaahi gaue kotoabe iate kimautolu.

¹³E Jihova ko ho mau Otua, kuo bule‘i akimoutolu e he gaahi eiki kehe: ka e talu mei heni te mau takua ho huafa oou.

¹⁴Kuo nau mate, e ikai te nau moui; kuo nau bekia, e ikai te nau toetuu: koia kuo ke aahi mo fakaauha‘i akinautolu, bea kuo ke fakagata ho nau fakamanatu kotoabe.

¹⁵Kuo ke fakatokolahi ae buleaga, E Jihova, kuo ke fakatokolahi ae buleaga: kuo fakaogolelei‘i koe: kuo ke fakamanatu ae gaahi gataaga kotoabe oe fonua.

¹⁶E Jihova, i he tuutamaki kuo mau aahi kiate koe, naa mau liligi ae lotu i he hoko hoo tautea kiate kimautolu.

¹⁷Hage oku mamahi ha fefine feitama, oka fakaaau ke ofi ene faele, bea oku tagi i he ene laga: kuo behe akimautolu i ho ao, E Jihova.

¹⁸Naa mau tuituia, naa mau mamahi, o hage kuo mau fanau‘i ae matagi; nae ikai te mau fai ha fakamoui i he fonua; bea oku heeki ke higa ae kakai o mamani.

¹⁹E moui a hoo kakai mate, te nau toetuu fakataha mo hoku jino mate ni. Mou a o hiva, akimoutolu oku nofo i he efu: he oku tatau hoo hahau moe hahau oe mohuku mata, bea e buaki e he kelekele ae mate.

²⁰Ha‘u, a hoku kakai, bea hu ki ho mou gaahi loki, bea tabuni ho mataba kiate koe: fufu koe o fuoloa jii, kae oua ke mole atu ae houhau.

²¹He, vakai, oku haele a Jihova mei hono botu ke tautea ae kakai o mamani koeuhi koe nau hia: bea e fakaha e he fonua hono toto, bea e ikai toe ufiufi hono kakai kuo tamate‘i.