KOE TOHI A ISAIA 28:1-29 TON1884 - Bible AI

¹1 Oku fakamana‘i e he balofita a Ifalemi i he e nau laukau moe kona. 5 E tubu kimua hono toe i he buleaga o Kalaisi. 7 Oku ne valoki e nau hala, 9 moe nau tae fie ako, 14 moe nau fakafiemalie. 16 Koe fakaha o Kalaisi koe tuuga mooni. 18 E ahiahi‘i ho nau malohi. 25 Oku ue‘i akinautolu ke tokaga ki he tauhi lelei ae Otua. MALAIA ki he tatā oe laukau, ki he kau kona o Ifalemi, akinautolu oku hage koe fiji akau mae ae nau toulekeleka ogoogolelei! kiate kinautolu oku nofo i he ulu oe vanu kelekele moui onautolu oku kona i he uaine!

²Vakai, oku i he Eiki ha toko taha mafimafi mo malohi, o hage koe taufa uha maka, o hage koe afā fulikele, o hage koe tafe hifo ae gaahi vai lahi oku tafe malohi, te ne ta hifo ki he kelekele aki hono nima.

³Koe tatā oe laukau, ae kakai kona o Ifalemi, e molomoloki i he lalo va‘e:

⁴Bea koe toulekeleka ogoogolelei, aia oku i he ulu oe vanu kelekele moui, e hoko ia koe fiji akau mae, bea hage koe fua tubu vave i he heeki hoko ae faahita‘u mafana: aia oku toli leva eia oku mamata ki ai, bea i he ene i hono nima oku ne kai leva ia o oji.

⁵I he aho koia e hoko a Jihova oe gaahi kau tau koe tatā ogoogolelei, bea koe bale fakasanisani, ki hono toe o hono kakai,

⁶Bea koe laumalie oe fakamāu kiate ia oku nofo ke fakamāu, bea koe malohi kiate kinautolu oku fakafoki ae tau ki he mataba.

⁷Ka kuo nau he i he uaine, bea koeuhi koe inu malohi kuo nau he mei he hala; kuo he ae taulaeiki bea moe balofita i he inu malohi, oku nau moua ki he uaine, kuo nau he mei he hala koe mea i he inu malohi; oku ninimo he nau mata, oku nau humu i he fakamāu.

⁸He oku fonu ae gaahi keinagaaga kotoabe i he lua moe fakalielia, koia oku ikai ha botu oku maa.

⁹Te ne ako ki ahai ae ilo? bea kohai te ne akonaki‘i ke ne ilo a ene akonaki? ko kinautolu kuo fakamavae mei he hua huhu, bea kuo too mei he huhu.

¹⁰He kuo ai ae fekau ki he fekau, ae fekau ki he fekau; ae otu lea ki he otu lea, ae otu lea ki he otu lea; koe jii i heni bea jii i hena:

¹¹He te ne lea mooni aki ki he kakai ni ae lougutu fakale‘ole‘ovale bea moe elelo kehe.

¹²Aia naa ne behe kiate kinautolu, Ko eni ae mālōlō te ke fakamālōlō aki ae kakai ogojia; bea ko eni ae fakafiemalie; ka naa nau fakaogotuli.

¹³Ka nae iate kinautolu ae folofola a Jihova koe fekau ki he fekau, koe fekau ki he fekau; koe otu lea ki he otu lea, koe otu lea ki he otu lea; koe jii i heni, bea jii i hena; koeuhi ke nau alu ai, bea higa fakaholomui, bea mafejifeji bea tauhele‘i, bea moua ai akinautolu.

¹⁴Koia mou fanogo ki he folofola a Jihova, akimoutolu ae kau tagata baetaku oku bule ae kakai ni oku i Jelusalema.

¹⁵Koeuhi kuo mou behe, Kuo mau fuakava moe mate, bea kuo mau feofoofani mo heli; oka ba mai ae tautea fakaauha, e ikai a‘u mai ia kiate kimautolu: he kuo mau hufaga aki ae loi, bea kuo mau fufu akimautolu i he kākā:

¹⁶Koia oku behe e he Eiki ko Jihova, Vakai, oku ou ai i Saione ae maka tuuga; ae maka kuo ahiahi‘i, koe fugani maka tuliki, koe tuuga mau: ko ia oku tui kiate ia e ikai bubutuu ia.

¹⁷Teu ai foki ae fakamāu ki he afo fua, moe maonioni ki he mea fakatotonu: bea koe uha maka te ne tafi ke mole ae hufaga oe loi, bea e lomaki‘i e he gaahi vai ae toitoiaga.

¹⁸Bea e maumau‘i hoo mou fuakava moe mate, bea e ikai tuu ho mou loto taha mo heli; oka ba mai ae tautea fakaauha, e toki malaki hifo ai akimoutolu.

¹⁹Bea i he ene ba atu te mou moua ai; he te ne alu atu i he bogibogi moe bogibogi, io i he aho moe bo: bea naa mo ene uulu mai be e tubu ai ae ilifia.

²⁰He oku nounou ae mohega ki he tokoto i ai: bea oku lau jii ae kafu ke ne fakakafu aki ia.

²¹E tuu hake a Jihova o hage ko ene i he mouga ko Bilasimi, te ne houhau o hage koia i he telea o Kibione, koeuhi ke ne fai ene gaue, a ene gaue fakaofo; ke ne fakahoko a ene gaue, ko ene gaue foou.

²²Koia ke oua naa mou manuki, telia naa gaohi ho mou ha‘i ke malohi: he kuou fanogo i he Eiki ko Jihova oe gaahi kau tau, e fai ae fakaauha, io kuo tuutuuni ki mamani kotoabe.

²³Mou fakatokaga, bea fanogo ki hoku le‘o; fanogo, bea fakaogo ki he eku lea.

²⁴He oku fakahinohino ae huo toho e he tagata keligoue i he aho kotoabe ke tūtū‘i? oku ne laga‘i bea fakamolu ae gaahi koga oe kelekele?

²⁵Oka fakamolemole ae fuga o ia, ikai oku ne tu‘i mamao ae gaahi tili, bea tūtū‘i ae kumino, bea ai moe uite lelei, moe baale kuo tuutuuni, bea moe lae i ho nau botu?

²⁶He oku ako ia ke boto e hono Otua, bea oku ne akonaki‘i ia.

²⁷He oku ikai haha ae tili aki ae mea haha, bea oku ikai fakatakamilo ae saliote ki he kumino; ka oku ta ke gagana ae tili aki ae akau, bea moe kumino aki ae tokotoko.

²⁸Oku fakavolu ae uite ki he ma; koeuhi oku ikai te ne fie haha mau ai be ia, be momoji ia aki ae teka o hono saliote, be fakavolu ia aki hono kau tagata heka hosi.

²⁹Oku ha‘u foki eni mei a Jihova oe gaahi kau tau, aia oku fakamanavahe i he fakahinohino, bea lelei lahi i he gaue.