KOE TOHI A ISAIA 32:1-20 TON1884 - Bible AI

¹1 Koe gaahi tabuaki oe buleaga o Kalaisi. 9 Oku fakaha ae fakaauha. 15 Oku fakailo e hoko ae fakamoui. VAKAI e bule ha tu‘i i he maonioni, bea e bule moe gaahi houeiki i he fai agatonu.

²Bea e i ai ae tagata o hage koe toitoiaga mei he matagi, moe hufaga mei he afā; bea hage koe gaahi vaitafe i he botu momoa, o hage koe malumalu o ha maka lahi i he fonua oku buhegia.

³Bea e ikai nenefu ae mata okinautolu oku a, bea e fakafanogo ae teliga okinautolu oku ogo.

⁴Bea koe loto oe ohonoa e tokaga bea ma‘u ae ilo, bea koe elelo oku le‘ole‘ovale e lea vave mo totonu.

⁵E ikai toe ui ae agakovi koe agalelei, be behe koe faa foaki aia oku manumanu.

⁶He koe tagata vale te ne lea vale, bea e gaue kovi hono loto, ke fai kākā, bea lea hala kia Jihova, ke fakamaha ae laumalie oe fiekaia, bea taofi eia ae inu mei he fieinua.

⁷Koe gaahi mea gaue oe agakovi oku kovi: oku ne fakakaukau kovi ke fakafihi ae majiva aki ae lea loi, bea ke mio‘i ae lea totonu ae majiva i he fakamāu.

⁸Ka koe agalelei oku ne fakakaukau ki he gaahi mea lelei; bea i he gaahi mea lelei e fokotuu mau ia.

⁹Mou tuu hake, akimoutolu ae kau fefine oku nofo fakafiemalie; fanogo ki hoku le‘o, akimoutolu ae gaahi ofefine tae tokaga; fakafanogo ki he eku lea.

¹⁰Te mou ogojia i he gaahi aho moe ta‘u lahi, akimoutolu ae kau fefine tae tokaga: koeuhi e ikai hoko ae gaohi oe vaine, e ikai hoko hono tanaki.

¹¹Ke tetetete, akimoutolu ae kau fefine oku fakafiemalie; ke mamahi, akimoutolu oku tae tokaga: vete ho mou kofu, fakatelefua akimoutolu, bea nonoo ae tauagaa ki ho mou nootagavala.

¹²Te nau lāuga koeuhi koe mata oe huhu, bea ki he gaahi goue lelei, bea ki he vaine fua.

¹³E tubu hake ae gaahi akau talatala moe talatalaamoa i he fonua o hoku kakai; io, i he gaahi fale fakafiefia kotoabe i he kolo oe fiefia:

¹⁴Koeuhi kuo liaki ae gaahi fale fakaeieiki; koe kolo oe toko lahi kuo jiaki; e hoko ae gaahi buke moe gaahi fale maoluga koe gaahi ana o taegata, koe fiefiaaga oe faga asi kaivao, koe keinagaaga oe faga manu;

¹⁵Kae oua ke hua‘i hifo kiate kitautolu ae laumalie mei oluga, bea hoko ae toafa koe goue faa fua, bea lau ae goue faa fua koe vao akau.

¹⁶Bea e toki nofo ae fakamāu i he toafa, bea nofo ae maonioni i he goue faa fua.

¹⁷Bea koe gaue oe maonioni koe melino ia; bea koe fua oe maonioni koe fiemalie moe nofo lelei o taegata.

¹⁸Bea e nofo a hoku kakai i he nofoaga oe melino, bea i he gaahi fale tuu mau, bea i he gaahi mālōlōaga oe fiemalie;

¹⁹Ka e to ae uha maka, bea e fakahiga ae vao akau; bea e fakamoulaloa aubito ae kolo.

²⁰Oku monuia akimoutolu oku tūtū‘i i he vee vai kotoabe, bea fekau atu ki ai ae va‘e oe bulu moe asi.