KOE TOHI A ISAIA 33:1-24 TON1884 - Bible AI

¹1 Koe houhau oe Otua ki he gaahi fu‘i oe jiaji. 13 Koe monuia oe agafakaotua. KE malaia akoe oku ke fakamalohi, ka nae ikai fakamalohi‘i koe; akoe oku fai kākā, ka nae ikai ke kākā‘i koe! oka ke ka tuku hoo fakamalohi, e toki fakamalohi‘i koe; bea ka oji hoo fai kākā, e toki kākā‘i koe.

²E Jihova, ke ke aloofa kiate kimautolu; kuo mau tatali kiate koe: ke ke hoko ko ho mau malohi i he bogibogi kotoabe, io ko ho mau fakamoui i he kuoga oe mamahi.

³I he logoaa oe toko lahi nae hola ae kakai; i hoo tuu hake aau, nae veteki ae gaahi buleaga.

⁴Ka e tanaki hoo mou koloa oe vete o hage koe tanaki e he unufe: o hage koe fehoboaki oe gaahi hee te ne lele kiate kinautolu.

⁵Kuo hiki hake a Jihova; he kuo afio ia i oluga: kuo ne fakafonu a Saione aki ae fakamāu moe agatonu.

⁶Bea e hoko ae boto moe ilo koe malohi o ho kuoga, moe malohi oe fakamoui: koe manavahe kia Jihova ko ene koloa ia.

⁷Vakai, koe nau kau to‘a, e tagi itua: e tagi mamahi ae kau faifekau oe melino.

⁸Kuo vaoa ae gaahi hala motua, kuo ikai ha tagata fonoga: kuo ne maumau‘i ae fuakava, kuo ne fehia ki he gaahi kolo, oku ikai te ne manavahe ki ha tagata e taha.

⁹Oku mamahi ae fonua bea vaivai: kuo ma a Lebanoni, kuo ta hifo ia: oku tatau moe botu vao a Saloni; bea oku fakagagana ae gaahi fua o Besani mo Kameli.

¹⁰Oku behe e Jihova, teu tuu hake ni: teu hiki hake ni au ki oluga, bea e hakeaki‘i ni au.

¹¹Te mou tuituia koe kafukafu, te mou fanau‘i koe veve: ko hoo mou mānava, o hage koe afi, te ne fakaauha akimoutolu.

¹²Bea e tutu ae kakai o hage koe vela oe lahe: o hage koe akau talatala kuo tutuu ke vela i he afi.

¹³Fanogo, akimoutolu oku mamao, ki he mea kuou fai; bea ilo mo kimoutolu oku ofi, ki hoku malohi.

¹⁴Oku manavahe ae kau agahala i Saione; kuo bukea i he ilifia ae kau malualoi. Kohai iate kitautolu e nofo i he afi fakaauha? Kohai iate kitautolu e nofo i he vela taegata?

¹⁵Ko ia oku eveeva i he maonioni, mo lea totonu; ko ia oku fehia ki he koloa oe fakamalohi, oku tube‘i hono nima mei he buke ae koloa oku ma‘u tae totonu, oku tabuni hono teliga mei he fanogo ki he toto, bea fakamohe hono mata ke oua naa mamata ki he kovi;

¹⁶E nofo ia i he maoluga: ko hono botu ugaaga koe gaahi kolo maka maoluga: e foaki kiate ia ae ma; bea te ne ma‘u mooni eia ene vai.

¹⁷E mamata ho mata ki he tu‘i i hono nāunāu: e jio ia ki he fonua aia oku mamao atu.

¹⁸E fakalaulauloto a ho loto ki he ilifia. Kofaa ae tagata tohi? kofaa ia ae tagata fakamamafa mea? kofaa ia nae lau ae gaahi fale maoluga?

¹⁹E ikai te ke mamata ki he kakai oku lili, ha kakai oe lea ilogataa oku ikai te ke faa ogo‘i; o ha elelo le‘o vale, oku ikai te ke faa ilo.

²⁰Vakai ki Saione, koe kolo oe tau gaahi katoaga mamalu: e mamata ho mata ki Jelusalema koe nofoaga fiemalie, koe fale fehikitaki e ikai veteki; e ikai hiki o taegata ha bou e taha i ai, bea e ikai motu hano afo e taha oona.

²¹Ka e iate kitautolu a Jihova nāunāuia koe botu oe gaahi vaitafe laulahi moe gaahi magamaga‘i vai; aia e ikai alu i ai ha vakafokotuu moe gaahi fohe, bea e ikai alu i ai ha vaka lahi.

²²He ko Jihova ko ho tau fakamāu, ko Jihova ko ho tau fai fono, ko Jihova ko ho tau tu‘i; te ne fakamoui akitautolu.

²³Kuo tukuage hoo gaahi maea; nae ikai te nau fakatuumau ho nau fanā, nae ikai te nau faa fofola ae la: i he kuoga koia e tufa ae koloa lahi; e ave e he ketu ae koloa i he vete.

²⁴Bea e ikai behe ekinautolu oku nofo ai, Oku ou mahaki: e fakamolemole ae hia okinautolu oku nofo ai.