KOE TOHI A ISAIA 35:1-10 TON1884 - Bible AI

¹1 Koe monuia fakafiefia oe buleaga o Kalaisi. 3 Oku ma‘u ae tokoni e he vaivai i he lelei moe tabuaki oe ogoogolelei. E FIEFIA ae toafa moe botu lala koeuhi ko kinautolu, bea e fiefia ae botu liaki, bea fiji o hage koe lose.

²E fiji lahi ia, bea fiefia i he fiefia moe hiva: e foaki ki ai ae nāunāu o Lebanoni, koe lelei o Kameli mo Saloni: te nau mamata ki he nāunāu o Jihova, moe lelei lahi o ho tau Otua.

³Mou tokoni ki he nima vaivai, bea boubou ae tui oku fegataliaki.

⁴Ke ke behe kiate kinautolu oku loto manavajii, Ke mou malohi, oua e manavahe: vakai, e haele mai ho mou Otua moe tautea, io ae Otua aki ae totogi; te ne haele mai o fakamoui akimoutolu.

⁵Bea e toki faka a ae mata oe kui, bea e fakaava moe teliga oe tuli.

⁶Bea e toki hobohobo ae tagata ketu o hage koe haate, bea e hiva ae elelo oe noa: koeuhi e tubu i he toafa ae gaahi vai, moe gaahi vaitafe i he botu lala.

⁷Bea e hoko ae kelekele momoa koe anovai, moe fonua fie inu koe gaahi matavai: bea koe nofoaga oe faga talakone, i he botu nae taki taha tokoto ai, e tubu ai ae mohuku moe kaho moe mohuku oe ano.

⁸Bea e i ai ae hala motua, bea moe hala, bea e ui ia koe hala oe maonioni; e ikai alu ai ae tae maa; ka e tuku ia kiate kinautolu ni: bea ne ogo koe vale ae kakai fonoga e ikai te nau he ai.

⁹E ikai i ai ha laione, bea e ikai alu hake ki ai ha manu fekai, e ikai ilo ia i ai; ka e eveeva ai ae kakai kuo huhui:

¹⁰Bea e foki mai ae kakai kuo huhui e Jihova, o ha‘u ki Saione moe gaahi hiva moe fiefia taegata i ho nau ulu: te nau ma‘u ae fiefia moe nekeneka, bea e buna atu ae mamahi moe to‘e.