KOE TOHI A ISAIA 37:1-38 TON1884 - Bible AI

¹1 I he mamahi a Hesekaia oku ne fekau kia Isaia ke hufia akinautolu. 6 Oku fakafiemalie‘i akinautolu e Isaia. 8 I he alu a Senakalibe ke tau‘i a Tilaka, oku ne atu ae tohi kabekabe kia Hesekaia. 14 Koe lotu a Hesekaia. 21 Koe kikite a Isaia ki he laukau moe fakaauha o Senakalibe, bea moe lelei o Saione. 36 Oku ta‘i e he agelo ae kau tau o Asilia. 37 Oku tamate‘i a Senakalibe e hono ogo foha i Ninive. BEA nae hoko o behe, i he fanogo a Hesekaia ki ai, naa ne haehae hono kofu, bea kofu aki ia ae tauagaa, bea alu ki he fale o Jihova.

²Bea ne fekau a Iliakimi, aia nae bule i he fale, mo Sebina koe tagata tohi, bea moe mātua i he kau taulaeiki, kuo kofu aki ae tauagaa, kia Isaia koe balofita, koe foha o Amosi.

³Bea nau behe kiate ia, Oku behe e Hesekaia, Koe aho ni koe aho oe mamahi, moe valoki, bea moe kabekabe: he kuo hokojia ae aho ke faele, ka oku ikai ha malohi ke fanau‘i.

⁴Hei ilo e fanogo nai e Jihova ko ho Otua ki he gaahi lea a Labisake, aia kuo fekau e he tu‘i o Asilia ko hono eiki ke valoki aki ae Otua moui, bea e tautea ae gaahi lea aia kuo fanogo ki ai e Jihova ko ho Otua: koe hiki hake hoo hu koeuhi koe kakai oku kei toe.

⁵Koia nae ha‘u ae kau tamaioeiki a Hesekaia kia Isaia.

⁶Bea nae behe e Isaia kiate kinautolu, Te mou lea o behe ki ho mou eiki, Oku behe e Jihova, Oua naa ke manavahe ki he gaahi lea kuo ke fanogo ki ai, aia kuo kabekabe aki kiate au e he kau tamaioeiki oe tu‘i o Asilia.

⁷Vakai, teu fakahu kiate ia ha laumalie, bea te ne fanogo ki he ogoogo, bea foki ki hono fonua oona; bea teu bule ke to ia i he heleta i hono fonua oona.

⁸Nae foki a Labisake, bea ilo oku tau ae tu‘i o Asilia mo Libina: he kuo ne fanogo kuo ha‘u ia mei Lakisi.

⁹Bea naa ne fanogo ki he tala nae kau kia Tilaka koe tu‘i o Itiobea, o behe, Oku ha‘u ia ke tau‘i koe. Bea i he ene fanogo ki ai, naa ne fekau atu ae kau talafekau kia Hesekaia, o behe,

¹⁰Ke behe hoo mou lea kia Hesekaia koe tu‘i o Juta, Oua naa tuku a ho Otua, aia oku ke faaki ki ai, ke kākā‘i koe, o behe, E ikai tukuage a Jelusalema ki he nima oe tu‘i o Asilia.

¹¹Vakai, kuo ke fanogo ki he mea kuo fai e he gaahi tu‘i o Asilia ki he gaahi fonua kotoabe i he fakaauha aubito akinautolu; bea e fakamoui koe?

¹²Kuo fakamoui e he gaahi otua oe gaahi buleaga akinautolu nae fakaauha e he eku gaahi tamai, ko Kosani, mo Holani, mo Lesefi, moe fānau a Iteni aia nae i Tilasa?

¹³Oku ife ae tu‘i o Hamati, bea moe tu‘i o Aabati, bea moe tu‘i oe kolo ko Sifaveimi, mo Hena, mo Iva?

¹⁴Bea nae ma‘u e Hesekaia ae tohi mei he nima oe kau talafekau, bea lau ia: bea nae alu hake a Hesekaia ki he fale o Jihova, o ne folahi ia i he ao o Jihova.

¹⁵Bea nae hu a Hesekaia kia Jihova, o behe,

¹⁶E Jihova oe gaahi kau tau, koe Otua o Isileli, aia oku afio i he vahaa oe ogo Jelubi, ko koe koe Otua, io, ko koe toko taha be, i he gaahi buleaga o mamani: ko koe nae gaohi ae lagi mo mamani.

¹⁷Fakaogo mai ho fofoga, e Jihova, bea fanogo; fakaa, e Jihova, ho fofoga, bea ke afio‘i: bea fanogo ki he lea kotoabe a Senakalibe, aia kuo fekau ke valoki aki ae Otua moui.

¹⁸Koe mooni, E Jihova, koe gaahi tu‘i o Asilia kuo nau fakaauha ae gaahi buleaga kotoabe, mo ho nau gaahi fonua,

¹⁹Bea kuo li ho nau gaahi otua ki he afi: he nae ikai ko ha otua akinautolu, ka koe gaue ae nima oe tagata, koe akau moe maka: koia kuo nau fakaauha ai akinautolu.

²⁰Koia, E Jihova ko ho mau Otua, fakahaofi akimautolu mei hono nima, koeuhi ke ilo e he gaahi buleaga kotoabe o mamani ko koe ko Jihova, io ko koe toko taha be.

²¹Bea nae toki fekau e Isaia koe foha o Amosi kia Hesekaia, o behe, Oku behe, e Jihova koe Otua o Isileli, koe mea i hoo hu kiate au koeuhi ko Senakalibe koe tu‘i o Asilia:

²²Ko eni ae lea aia kuo folofola aki e Jihova oku kau kiate ia; Koe taahine, koe ofefine o Saione, kuo fehia kiate koe, bea kata manuki kiate koe: koe ofefine o Jelusalema kuo ne kalokalo hono ulu kiate koe.

²³Kohai ia kuo ke manuki‘i mo kabe‘i? bea kuo ke hiki hake ho le‘o ki ahai, bea hiki mo ho mata ki oluga? io ki he Toko Taha Maonioni o Isileli.

²⁴Kuo ke manuki‘i e hoo kau tamaioeiki a Jihova, bea kuo ke behe, I he toko lahi o eku gaahi saliote kuou ha‘u ki he maoluga oe mouga, ki he tafaaki o Lebanoni, bea teu tuuji ki lalo ae gaahi sita maoluga oia, bea moe gaahi akau koe fea lelei oia: bea teu hu ki he maoluga o hono gaahi gataaga, moe vao akau o hono Kameli.

²⁵Kuou keli, bea inu vai, bea kuou fakamaha aki hoku aofi va‘e ae gaahi vaitafe kotoabe oe gaahi kolo kuo kabui e he tau.

²⁶Ikai kuo ke fanogo fuoloa, kuou fai ia eau; bea i he gaahi kuoga i mua, naaku tuutuuni ki ai? koeni, kuou fakahoko ia, koeuhi ke ke liliu ae gaahi kolo kuo teu tau, koe gaahi tuuga fale kuo auha.

²⁷Koia nae malohi jii be hoo nau kakai, naa nau manavahe bea bubutuu: naa nau hage koe mohuku oe goue, bea hage koe akau mata, o hage koe mohuku i he tua fale, bea hage koe uite kuo mahunu i he heeki ke tubu hake.

²⁸Ka oku ou ilo ho nofoaga, bea mo hoo alu kitua, mo hoo hu ki fale, mo hoo ita kiate au.

²⁹Koe mea i he alu hake ki hoku fofoga hoo ita kiate au, mo hoo fielahi, koia teu ai eku mātau ki ho ava‘i ihu, mo eku mea taofi i ho lougutu, bea teu fakafoki koe i he hala koia aia ne ke ha‘u ai.

³⁰Bea koe fakailoga eni kiate koe, Te mou kai i he ta‘u ni aia oku tubu iate ia be; bea i hono ua oe ta‘u aia oku tubu mei ai: bea i hono tolu oe ta‘u te mou tūtū‘i, bea tuuji mai, bea to ae gaahi goue vaine, bea kai ae gaahi fua oia.

³¹Bea koe toe oe fale o Juta kuo hao e toe aka ki lalo, bea fua i oluga:

³²Koeuhi e alu i Jelusalema ha toega kakai, bea ko kinautolu kuo hao i he mouga ko Saione: koe ofa a Jihova oe gaahi kau tau te ne fai ae mea ni.

³³Koia oku behe ae folofola a Jihova aia oku kau ki he tu‘i o Asilia, E ikai te ne ha‘u ki he kolo ni, be fana‘i ha gahau ki ai, be ha‘u ki ai aki ae gaahi fakaū, be fokotuu ha tetanu ki ai.

³⁴Oku behe e Jihova, I he hala naa ne ha‘u ai, i he hala koia te ne foki atu ai, bea e ikai te ne ha‘u ki he kolo ni.

³⁵He teu malu‘i ae kolo ni o fakamoui ia koeuhi ko au, bea koeuhi ko eku tamaioeiki ko Tevita.

³⁶Bea nae toki alu atu ae agelo o Jihova, o ne ta‘i i he nofoaga tau oe kau Asilia ae toko taha kilu ma toko valu mano ma toko nima afe: bea i he tuu hegihegi hake ae kakai, vakai, kuo nau mate, koe agaaga kotoabe.

³⁷Koia nae alu ai a Senakalibe koe tu‘i o Asilia, o ne alu, o foki atu, bea nofo i Ninive.

³⁸Bea nae hoko o behe, lolotoga ene lotu i he fale o Nisiloki ko hono otua, nae ta‘i ia e hono ogo foha ko Atilameleki mo Salisa aki ae heleta; bea ne na hao ki he fonua ko Aminia: bea nae bule hono foha ko Asahatoni ko hono fetogi.