KOE TOHI A ISAIA 41:1-29 TON1884 - Bible AI

¹1 Oku ako e he Otua ki hono kakai, i he ene aloofa ki hono jiaji, 10 mo ene gaahi talaofa, 21 bea ki he vaiga oe gaahi tamabua. AE gaahi motu, mou fakalogobe i hoku ao; bea tuku ke fakafoou e he kakai ho nau malohi: tuku ke nau ha‘u ke ofi; bea toki tuku ke nau lea: ke tau unuunu ke ofi ki he fakamāu.

²Kohai naa ne fokotuu ae tagata maonioni mei he botu hahake, o ui ia ki hono va‘e, bea foaki ae gaahi buleaga i hono ao, be gaohi ia ke bule ki he gaahi tu‘i? naa ne foaki akinautolu o hage koe efu ki he ene heleta, bea hage koe veve kuo viligia ki he ene kaufana.

³Naa ne tulia akinautolu, bea alu fiemalie be; io i he hala nae ikai fou ai hono va‘e.

⁴Kohai kuo gaue mo fai ia, o ne ui ae toutagata mei he kamataaga? Ko au ko Jihova, koe uluaki bea moe kimui; ko au ia.

⁵Nae mamata e he gaahi motu, bea manavahe; nae manavahe ae gaahi gataaga o mamani, o nau unuunu mai, bea ha‘u.

⁶Nae tokoni taki taha ki hono kaugaabi; bea behe taki taha ki hono tokoua, Ke ke loto to‘a.

⁷Koia nae tokoni ae tufuga akau ki he tufuga koula, bea mo ia oku fakamolemole aki ae hamala aia naa ne ta‘i ki he fakalalago, o behe, Kuo oji hono teu ki he fakahoko: bea ne fakamau ia aki ae gaahi fa‘o, ke oua naa gau‘e ia.

⁸Ka ko koe, E Isileli, ko eku tamaioeiki, E Jekobe akoe kuou fili, koe hako o Ebalahame ko hoku kaiga.

⁹Akoe kuou too mei he gataaga o mamani, bea ui mei he kau tagata tuu kimua i ai, bea kuou behe kiate koe, Ko koe ko eku tamaioeiki; kuou fili koe, ka nae ikai liaki koe.

¹⁰Oua naa ke manavahe; he oku ou iate koe: oua e loto vaivai; he ko au ko ho Otua teu fakamalohi koe; io, teu tokoni koe; io, teu boubou hake koe aki ae nima toomatau o eku agatonu.

¹¹Vakai, ko kinautolu kotoabe nae ita kiate koe te nau ma bea bubutuu: te nau hage koe mea noabe; bea e auha mo kinautolu oku fai kovi kiate koe.

¹²Te ke kumi akinautolu, ka e ikai ilo‘i akinautolu, io akinautolu nae fai mo koe: ko kinautolu oku tau‘i koe te nau hage koe mea noabe, bea hage ha mea oku ikai.

¹³He ko au ko Jihova ko ho Otua teu buke ho nima toomatau, o behe kiate koe, Oua e manavahe; teu tokoni koe.

¹⁴Oua naa manavahe akoe, koe kelemutu ko Jekobe, bea mo kimoutolu ae kau tagata o Isileli; Oku behe e Jihova, ko ho huhui, koe Toko Taha Maonioni o Isileli, teu tokoni kiate koe.

¹⁵Vakai, teu gaohi kiate koe ha mea haha foou oku majila bea nifo: te ke haha ae gaahi mouga, bea ta‘i ke iki, bea gaohi ae gaahi tafugofuga o hage koe veve viligia.

¹⁶Te ke tui‘i akinautolu bea koe matagi te ne buneekina akinautolu bea koe ahiohio te ne vetekina akinautolu: bea te ke fiefia koe ia Jihova, bea vikiviki i he Toko Taha Maonioni o Isileli.

¹⁷Oka kumi e he majiva moe baea ae vai, bea oku ikai ia, bea oku vaivai ho nau elelo i he fieinu, Ko au ko Jihova teu fanogo kiate kinautolu, Ko au koe Otua o Isileli e ikai teu liaki akinautolu.

¹⁸Teu fakaava ae gaahi vaitafe i he gaahi botu maoluga, bea moe gaahi matavai i he gaahi telea: teu gaohi ae toafa koe anovai, bea moe fonua momoa koe gaahi matavai.

¹⁹Teu to i he toafa ae sita, ae akau koe jita, bea moe maile, bea moe akau lolo; teu to fakataha i he toafa lala ae akau koe fea, bea moe baini, bea moe akau koe bokasi:

²⁰Koeuhi ke nau mamata, bea ogo‘i, bea tokaga, bea ilo fakataha, koe nima o Jihova kuo ne fai ae mea ni, bea kuo fakatubu ia e he Toko Taha Maonioni o Isileli.

²¹Oku behe e Jihova, Fakaha hoo mou mea; oku behe e he Tu‘i o Jekobe, Omi hoo mou lea mamafa.

²²Tuku ke nau omi ia, bea fakaha kiate kimautolu be koeha e hoko: tuku ke nau fakaha ae gaahi mea mua, be koeha ia, ke mau fifili ki ai, bea ilo mo hono fakamooni oia; be fakaha kiate kimautolu ae gaahi mea e ha‘u amui.

²³Fakaha ae gaahi mea e hoko amui, ke mau ilo koe gaahi otua akimoutolu: io, fai lelei, be fai kovi, ke mau ilifia, bea mamata fakataha ki ai.

²⁴Vakai, oku jii hifo akimoutolu i he mea oku ikai, bea ko hoo mou gaue koe mea noabe: oku fakalielia ia aia oku ne fili akimoutolu.

²⁵Kuou fokotuu ha toko taha mei he botu tokelau, bea e ha‘u ia: talu mei he hobo ae laa te ne ui ki hoku huafa: bea te ne molomoloki ae houeiki o hage koe lahe kuo hakaluku, bea hage oku molomoloki e he tagata gaohi ibu ae umea.

²⁶Kohai kuo ne fakaha mei he kamataaga, ke mau ilo ia? bea i mua, ke mau behe ai, Oku mooni ae mea ni? Koe mooni, oku ikai ha toko taha nae tomua tala ia, koe mooni, oku ikai ha taha nae fakaha ia, io, nae ikai ha toko taha te ne fanogo ki hoo mou gaahi lea.

²⁷Neu fuofua behe ki Saione, Vakai, vakai, kiate kinautolu: bea neu foaki ki Jelusalema ha toko taha oku omi ae ogoogolelei.

²⁸He naaku mamata, ka nae ikai ha tagata; io iate kinautolu, bea nae ikai ha fakahinohino, bea i he eku eke kiate kinautolu, nae ikai te nau tali aki ha momoi lea.

²⁹Vakai, koe vaiga kotoabe akinautolu; koe mea noabe ae nau gaue: koe matagi moe vaiga ae nau gaahi tamabua kuo haka.