KOE TOHI A ISAIA 42:1-25 TON1884 - Bible AI

¹1 Koe gaue a Kalaisi, kuo teu aki ia ae agavaivai moe loto mau. 5 Koe talaofa ae Otua kiate ia. 10 Koe eginaki ke fakamalo ki he Otua koeuhi koe ogoogolelei. 17 Oku ne valoki ae kakai i he e nau tae tui. VAKAI ki he eku tamaioeiki, aia oku ou boubou; aia kuou fili, bea oku fiefia iate ia hoku laumalie; kuou tuku hoku laumalie kiate ia: te ne fakaha ae fakamāu ki he gaahi Jenitaile.

²E ikai te ne tagi, be hiki hake hono le‘o, be fakaogo atu ia i he hala.

³E ikai te ne feji‘i ha kaho kuo volu, be tamate‘i ae māma oku kohu: te ne omi ae fakamāu ki he mooni.

⁴E ikai te ne vaivai be manavajii, kae oua ke ne fokotuu ae fakamāu i mamani: bea e tatali ae gaahi motu ki he ene fono.

⁵Oku behe e he Otua ko Jihova, aia naa ne fakatubu ae gaahi lagi, bea folahi atu ia; koia nae mafola atu ae fonua, bea mo ia oku tubu ai; koia oku foaki ae mānava ki he kakai i he fuga oia, moe laumalie kiate kinautolu oku eveeva i ai:

⁶Ko au ko Jihova naaku ui koe i he maonioni, bea teu buke ho nima, bea tauhi koe, bea foaki koe koe fuakava oe kakai, koe māma ki he gaahi Jenitaile;

⁷Ke fakaa ae mata oe kui, ke omi ae kau bobula mei he fale fakabobula, bea ko kinautolu oku nofo i he bouli mei he fale fakabobula.

⁸Ko au ko Jihova: ko hoku huafa ia: bea ko hoku nāunāu e ikai teu foaki ki ha taha, be ko hoku fakamalo ki he gaahi tamabua kuo togi.

⁹Vakai, kuo hoko ae gaahi mea mua, bea oku ou fakaha ae gaahi mea foou: i he heeki ke hoko oku ou fakaha ia kiate kimoutolu.

¹⁰Hiva kia Jihova aki ae hiva foou, bea mo hono fakamalo mei he gataaga o mamani, akimoutolu oku alu hifo ki he tahi, bea mo ia kotoabe oku i ai; ae gaahi motu, moe kakai oku nofo ai.

¹¹Tuku ke hiki hake ho nau le‘o e he toafa moe gaahi kolo, ae gaahi nofoaga oku i Keta: tuku ke hiva ae gaahi kakai oe maka, tuku ke nau kalaga mei he tumutumu oe gaahi mouga.

¹²Tuku ke nau atu ae ogoogolelei kia Jihova, bea fakaha hono fakamalo i he gaahi motu.

¹³E haele atu a Jihova o hage koe tagata malohi aubito, te ne ue‘i hono houhau o hage koe tagata oku to‘a lahi: te ne kalaga, io, o kalaga malohi; te ne lava‘i hono gaahi fili.

¹⁴Kuo fuoloa mo eku fakalogobe; naaku nofo be, o taofi au: ka teu tagi ni o hage ha fefine laga; teu fakaauha mo maumau‘i hifo fakataha.

¹⁵Teu gaohi ke lala ae gaahi mouga moe botu tafugofuga, bea fakamomoa ae gaahi akau iki; bea teu gaohi ae gaahi vaitafe koe gaahi motu, bea teu fakamomoa moe gaahi anovai.

¹⁶Bea teu omi ae kui i he hala nae ikai te nau ilo; teu tataki akinautolu i he gaahi hala nae ikai te nau ilo ki ai: teu gaohi ae bouli koe māma i ho nau ao, moe gaahi mea bikobiko ke totonu. Koe gaahi mea ni teu fai kiate kinautolu, ka e ikai liaki akinautolu.

¹⁷E fakafoki kimui akinautolu, e ma lahi, akinautolu oku talala ki he gaahi tamabua kuo togi, akinautolu oku behe ki he gaahi fakatātā kuo hake, Ko ho mau otua akimoutolu.

¹⁸Fanogo, akimoutolu oku tuli; bea jio, akimoutolu oku kui, koeuhi ke mou a.

¹⁹Kohai oku kui, ka ko eku tamaioeiki? be tuli, o hage ko eku talafekau aia naaku fekau? kohai oku kui o hage koia oku haohaoa, bea kui o hage koe tamaioeiki a Jihova?

²⁰Oku ke mamata ki he gaahi mea lahi, ka oku ikai te ke tokaga‘i ia; o fakaava ae teliga, ka oku ikai te ke fanogo.

²¹Oku fiemalie lahi a Jihova koeuhi ko ene maonioni aana; te ne hakeaki‘i ae fono, bea gaohi ke ogoogolelei ia.

²²Ka koe kakai eni kuo faao e nau gaahi mea, bea kuo vetea akinautolu; kuo moua akinautolu kotoabe i he gaahi luo, bea kuo fufu akinautolu i he gaahi fale fakabobula: oku bau ke bobula akinautolu, bea e ikai ha taha ke fakamoui; kuo faao akinautolu, bea oku ikai behe e ha taha, Ke toe omi.

²³Kohai iate kimoutolu te ne tokaga ki he mea ni? kohai te ne fakafanogo bea ogo‘i i he kuoga e hoko mai?

²⁴Kohai nae tuku a Jekobe ke vetea, bea mo Isileli ki he kau kaihaa? ikai ko Jihova, aia kuo tau fai hala ki ai? he nae ikai te nau fie eveeva i hono gaahi hala, bea nae ikai te nau talagofua ki he ene fono.

²⁵Koia kuo ne liligi kiate ia ae kakaha o hono houhau, bea moe malohi oe tau: bea kuo ne tutu ia o takatakai, ka nae ikai te ne faa ilo; bea nae vela ia, ka nae ikai tokaga hono loto ki ai.