KOE TOHI A ISAIA 47:1-15 TON1884 - Bible AI

¹1 Koe fakamāu ae Otua ki Babilone mo Kalitia, 6 koeuhi koe nau tae ofa, 7 moe laukau, 10 moe nau fakafeiloaki, 11 bea e ikai faa taofi ia. ALU hifo, bea nofo i he efuefu, E ofefine tāuboou o Babilone, nofo i he kelekele: E ofefine oe kakai Kalitia, oku ikai ha nofoaga fakaeieiki: e ikai toe ui koe koe hoihoifua moe galigali eiki.

²Too ae gaahi maka momoji, bea momoji ae koane: too ae bulou o ho louulu, vete ho kofu tōtōlōfa, too ae ufiufi o ho va‘e, aa i he gaahi vaitafe.

³E too ae ufiufi o hoo telefua, io, e ha hoo ma: teu tautea, e ikai teu fakafetaulaki kiate koe o hage ko ha tagata.

⁴Bea ko ho tau huhui, ko hono huafa ko Jihova oe gaahi kau tau, koe Toko Taha Maonioni o Isileli.

⁵Nofo fakalogo be koe, bea ke alu ki he fakabouli, E ofefine oe kakai Kalitia: e ikai toe ui koe, Koe fefine eiki oe gaahi buleaga.

⁶Naaku houhau ki hoku kakai, kuou fakauli hoku tofia, bea atu akinautolu ki ho nima: nae ikai te ke fakaha hao kataki ofa ki ai; kuo ke ai ke fakamamafa hoo haamoga ki he kau mātua.

⁷Bea naa ke behe, Teu hoko koe fefine eiki o lauikuoga: koia nae ikai te ke tokaga i ho loto ki he gaahi mea ni, bea nae ikai te ke manatu ki he ikuaga oia.

⁸Koia ke ke fanogo ki he mea ni, akoe oku ke moulaloa ki he gaahi mea fakafiefia fakamama, oku ke nofo fakafiemalie, oku ke behe i ho loto, Ko au, bea oku ikai ha taha mo au: e ikai teu nofo o hage koe fefine kuo mate hono unoho, bea e ikai teu ilo‘i ae mole ae fānau:

⁹Ka koe ogo mea ni e ua e hoko kiate koe i he kemo, i ha aho be taha, ae mole ae fānau, moe mate o ho unoho: e hoko ia o lahi kiate koe koeuhi ko hono lahi o hoo fai kākā, bea koeuhi ko hono lahi o hoo fiemana.

¹⁰He kuo ke faaki ki hoo agakovi: kuo ke behe, Oku ikai mamata e ha taha kiate au. Ko hoo boto mo hoo ilo, kuo na fakahala‘i koe; bea kuo ke behe i ho loto, Ko au, bea oku ikai ha taha mo au.

¹¹Koia e hoko ai ae kovi kiate koe; e ikai te ke ilo be oku tubu meife ia: bea e to kiate koe ae tautea; e ikai te ke faa taofi ia: bea e hoko fakafokifa ae fakaauha kiate koe, aia e ikai te ke ilo.

¹²Ke ke tuu ni mo hoo gaahi gaue kākā, bea mo hono lahi o hoo gaahi fiemana, aia kuo ke gaue ai talu hoo kei jii; o kabau e aoga ia kiate koe, o kabau te ke faa lava‘i ia.

¹³Oku ke ogojia i hono toko lahi o hoo kau fakahinohino. Tuku ke tuu hake ni ae kau kikite ki he lagi, moe kau jio fetuu, moe kau fakaila mea mei he mahina, bea fakamoui koe mei he gaahi mea ni e hoko kiate koe.

¹⁴Vakai, te nau hage koe kau‘i koane; e tutu akinautolu i he afi; e ikai te nau fakamoui akinautolu mei he malohi oe ulo: e ikai toe ha malala ke mumu ai, be ha afi ke nofo ki ai.

¹⁵E behe akinautolu kiate koe aia kuo mou gaue mo ia, io ko hoo kau fakatau, talu hoo kei jii: te nau afe taki taha ki hono botu; e ikai ha taha te ne fakamoui koe.