KOE TOHI A ISAIA 48:1-22 TON1884 - Bible AI

¹1 Nae fakaha e he Otua ene gaahi kikite ke fakailo hi he kakai ae nau agatuu, naa ne muaki afio‘i. 9 Oku ne fakamoui akinautolu koeuhi ko ene afio. 12 Oku ne eginaki ke nau talagofua koeuhi ko hono malohi mo ene bule‘i. 16 Oku ne mamahi i he e nau fakatoubiko‘i. 20 Oku ne fakamoui hono kakai mei Babilone i he ene mafimafi. FANOGO ki he mea ni, E fale o Jekobe, akoe oku ui aki ae higoa o Isileli, bea kuo ha‘u mei he gaahi matavai o Juta, akimoutolu oku fuakava i he huafa o Jihova, bea lea ki he Otua o Isileli, ka oku ikai i he mooni, be i he maonioni.

²He oku nau lau oku nau oe kolo maonioni bea faaki akinautolu ki he Otua o Isileli; ko hono huafa ko Jihova oe gaahi kau tau.

³Kuou fakaha ae gaahi mea mua mei he kamataaga; bea naa nau alu atu mei hoku fofoga, bea neu fakaha ia; naaku fai fakafokifa ia, bea hoko ia.

⁴Koeuhi naaku ilo oku ke baogataa, bea koe uoua ukamea ho kia, bea balasa ho foi la‘e;

⁵Kuou fakaha ia kiate koe mei he kamataaga; i he heeki ai hoko ia naaku fakaha ia kiate koe: telia naa ke behe, Kuo fai e he eku tamabua, ae gaahi mea koia, mo eku tamabua kuo togi, mo eku tamabua kuo haka kuo fekau ki ai.

⁶Kuo ke tomua fanogo, bea vakai kuo hoko ae mea ni kotoabe; bea e ikai te ke fakaha ia? kuou fakaha atu mei he kuoga ni, ae gaahi mea foou, io ae gaahi mea lilo, bea nae ikai te ke ilo ki ai.

⁷Oku fakatubu ni ia, kae ikai mei he kamataaga; io i muaage i he aho aia nae ikai te ke fanogo ki ai, telia naa ke behe, Vakai, naaku ilo ia.

⁸Koe mooni nae ikai te ke fanogo; io, nae ikai te ke ilo; io, mei he kuoga koia nae ikai ke fakaava ho teliga: he naaku ilo te ke fai kākā lahi, bea nae ui koe koe maumau fono mei he manāva.

⁹Koeuhi ko hoku huafa teu taofi hoku houhau, bea koeuhi ko eku ogoogolelei teu taofi au meiate koe, ke oua naaku tuuji aubito koe.

¹⁰Vakai; kuou fakamaa koe, kae ikai aki ae siliva; kuou fili koe mei he afi oe mamahi.

¹¹Koeuhi ko au, io koeuhi ko au, teu fai ia: he koeha e fakalielia ai a hoku huafa? bea e ikai teu foaki hoku nāunāu ki ha toko taha kehe.

¹²Fanogo kiate au, e Jekobe bea mo Isileli, akoe kuou ui; ko au ia; ko au koe uluaki, bea ko au foki koe kimui.

¹³Kuo ai e hoku nima ae tuuga o mamani, bea kuou haga ae gaahi lagi aki hoku nima toomatau: o kau ka ui ki ai, oku nau tuu hake fakataha.

¹⁴Mou fakataha, akimoutolu kotoabe, bea fanogo; kohai iate kinautolu kuo ne fakaha ae gaahi mea ui? Kuo ofa a Jihova kiate ia: te ne fai ene faiteliha ki Babilone, bea e i he kakai Kalitia a hono nima.

¹⁵Ko au, io ko au, kuou folofola; kuou ui kiate ia: kuou omi ia, bea te ne gaohi ke lelei hono hala.

¹⁶Mou ha‘u ke ofi kiate au, fanogo ki he mea ni; talu ae kamataaga nae ikai teu lea i he lilo; talu ae kuoga nae i ai ia, oku i ai au: bea koe Eiki ko Jihova, mo hono Laumalie, kuo na fekau au.

¹⁷Oku behe e Jihova, ko ho Huhui, koe Toko Taha Maonioni o Isileli; ko au ko Jihova ko ho Otua aia oku akonaki‘i koe ke aoga, bea koia oku tataki koe i he hala oku totonu ke ke alu ai.

¹⁸Amujiaage e au kuo ke tokaga ki he eku gaahi fekau! ka ne behe kuo hage koe vaitafe hoo fiemalie, bea tatau hoo maonioni moe gaahi beau oe tahi:

¹⁹Bea ko ho hako foki kuo hage koe oneone, bea koe fua o ho manāva o hage koe kilikili oe matātahi; bea e ikai tuuji be fakaauha hono higoa mei hoku ao.

²⁰Alu atu akimoutolu mei Babilone, mou hola mei he kakai Kalitia, mou fakaha aki ae lea oe hiva, tala ae mea ni, lea aki ia o a‘u ki he gataaga o mamani; mou behe, Kuo huhui e Jihova a ene tamaioeiki ko Jekobe.

²¹Bea nae ikai te nau majiva inu i he ene tataki akinautolu i he gaahi toafa: naa ne bule ke tafe atu ae vai mei he maka ma anautolu: naa ne foa‘i ae maka, bea nae mabuna mei ai ae vai.

²²Oku behe e Jihova, oku ikai ha fiemalie ki he kakai agahala.