KOE TOHI A ISAIA 50:1-11 TON1884 - Bible AI

¹1 Oku fakaha e Kalaisi koe liaki oe kakai Jiu oku ikai totonu ke tuku kiate ia. 2 Ko ene faa fakamoui. 5 Ko ene talagofua i he gaue koia, 7 bea i he ene faaki ki he tokoni koia. 10 Koe eginaki ke falala ki he Otua, kae ikai kiate kitautolu. OKU behe e Jihova, Kofaaia ae tohi oe fakamavae o hoo fa‘e, aia kuou tukuage? bea kohai iate kimoutolu nae totonu keu totogi ki ai kuou fakatau akimoutolu ki ai? Vakai, koe mea i hoo mou gaahi hia kuo mou fakatau akimoutolu, bea koe mea i hoo mou gaahi agahala koia kuo tukuage ai hoo mou fa‘e.

²Koeha, i he eku ha‘u, nae ikai ai ha tagata? i he eku ui, nae ikai ha taha ke lea mai? He kuo fakanounou hoku nima, koeuhi ke oua naa faa huhui ia? be oku ikai haku malohi ke fakamoui? vakai, i he eku valoki oku ou fakamomoa ae tahi, oku ou liliu ae gaahi vaitafe koe toafa: kuo namuaa e nau gaahi ika, bea mate i he fieinu koeuhi oku ikai ha vai.

³Oku ou fakakofu aki ae lagi ae fakabouli, bea oku ou gaohi ae tauagaa ko ho nau kofu.

⁴Kuo foaki kiate au e he Eiki ko Jihova ae elelo oe boto, koeuhi keu ilo ke lea aki ha lea i he kuoga totonu kiate ia oku vaivai: oku ne a i he bogibogi kotoabe, ke ne fafagu hoku teliga ke ogo‘i o hage koe boto.

⁵Kuo fakaava e he Eiki ko Jihova a hoku teliga, bea nae ikai teu agatuu, be foki kimui.

⁶Neu atu hoku tua ki he kau ta‘i, bea mo hoku kouahe kiate kinautolu nae fuji ae kava: nae ikai teu fufu hoku mata mei he ma moe aanu.

⁷He koe Eiki ko Jihova ko hoku tokoni; koia e ikai ai teu bubutuu: koia kuou gaohi hoku mata ke hage koe maka afi, bea oku ou ilo e ikai teu ma.

⁸Oku ofi mai aia oku ne fakatonuhia‘i au; kohai te ne fai mo au? ke ma tutuu fakataha: kohai oku fakafili kiate au? tuku ke ne unuunu mai.

⁹Vakai, e tokoni‘i au e he Eiki ko Jihova; kohai ia te ne fakahalaia au? Vakai, te nau hoko o motua o hage koe kofu; e kai o oji akinautolu e he ane.

¹⁰Kohai iate kimoutolu oku manavahe kia Jihova, bea talagofua ki he le‘o o ene tamaioeiki, oku eveeva i he bouli, bea oku ikai ma‘u ha māma? tuku ke ne falala ki he huafa o Jihova bea faaki ki hono Otua.

¹¹Vakai, akimoutolu kotoabe oku tutu ae afi, bea kabui akimoutolu aki ae gaahi kalofiama: mou eveeva i he māma o hoo mou afi, bea i he gaahi kalofiama kuo mou tutu, ka te mou ma‘u eni i hoku nima; te mou tokoto hifo i he mamahi.